ನವದೆಹಲಿ: ಸಂಸತ್ ಅಧಿವೇಶನ ಆರಂಭಕ್ಕೆ ಇನ್ನೆರಡು ದಿನ ಇರುವಂತೆಯೇ ಕಾಂಗ್ರೆಸ್ ಪಕ್ಷದ ಹಂಗಾಮಿ ಅಧ್ಯಕ್ಷೆ ಸೋನಿಯಾ ಗಾಂಧಿ ವಿದೇಶಕ್ಕೆ ತೆರಳಿದ್ದಾರೆ. ಪುತ್ರ ರಾಹುಲ್ ಗಾಂಧಿ ಕೂಡ ಅವರೊಂದಿಗೆ ಹೋಗಿದ್ದಾರೆ. ಎರಡು ವಾರ ಅವರು ವಿದೇಶದಲ್ಲಿ ಇರಲಿದ್ದು, ನಂತರ ಬಂದು ಸಂಸತ್ ಅಧಿವೇಶನದಲ್ಲಿ ಪಾಲ್ಗೊಳ್ಳುವರು ಎಂದು ಕಾಂಗ್ರೆಸ್ ಮೂಲಗಳು ತಿಳಿಸಿವೆ.
ರೊಟೀನ್ ಚೆಕ್ಅಪ್ಗಾಗಿ ಅವರು ವಿದೇಶಕ್ಕೆ ತೆರಳಿರುವಂಥದ್ದು. ಚೆಕ್ಅಪ್ ಮುಗಿದ ಕೂಡಲೇ ಹಿಂದಿರುಗಲಿದ್ದಾರೆ ಎಂದು ಕಾಂಗ್ರೆಸ್ ಮೂಲಗಳು ತಿಳಿಸಿವೆ. ಈ ಹಿಂದೆಯೂ ಅವರು ಈ ರೀತಿ ವಿದೇಶಕ್ಕೆ ಆರೋಗ್ಯ ತಪಾಸಣೆ, ಚಿಕಿತ್ಸೆಗಾಗಿ ತೆರಳಿದ್ದರು.
ಇದನ್ನೂ ಓದಿ: ಶ್ರೀನಗರ ವಿಮಾನ ನಿಲ್ದಾಣದಲ್ಲಿ ಯೋಧ ಮತ್ತು ಇಬ್ಬರು ಬಾಲಕಿಯರು ಪೊಲೀಸ್ ವಶಕ್ಕೆ
ಇತ್ತೀಚೆಗೆ ಜುಲೈ 30ರಂದು ಸೋನಿಯಾ ಅವರನ್ನು ನವದೆಹಲಿಯ ಸರ್ ಗಂಗಾರಾಮ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ನಿಯತವಾದ ಆರೋಗ್ಯ ತಪಾಸಣೆಗೆ ಅಡ್ಮಿಟ್ ಮಾಡಲಾಗಿತ್ತು ಎಂದು ಮೂಲಗಳು ತಿಳಿಸಿದ್ದವು. (ಏಜೆನ್ಸೀಸ್)
ಸಂವಿಧಾನ ತಿದ್ದುಪಡಿಯಿಂದಷ್ಟೇ ಮಾತೃಭಾಷೆಗೆ ಒತ್ತು: ಭೈರಪ್ಪ, ಕಂಬಾರ, ಮನು ಬಳಿಗಾರ್ ಪತ್ರ