ಬೆಂಗಳೂರು: ಮೆಸೇಜಿಂಗ್ ಆ್ಯಪ್ನಲ್ಲಿ ಮುಂಚೂಣಿಯಲ್ಲಿರುವ ವಾಟ್ಸ್ಆ್ಯಪ್ ತನ್ನ ಸಮೀಪದ ಪ್ರತಿಸ್ಪರ್ಧಿ ಟೆಲಿಗ್ರಾಂ ಆ್ಯಪ್ಗೆ ಸ್ಪರ್ಧೆಯೊಡ್ಡುವ ರೀತಿಯಲ್ಲಿ ಮತ್ತಷ್ಟು ಹೊಸ ಫೀಚರ್ಸ್ ನೀಡಲು ಮುಂದಾಗಿದೆ. ಈ ಅಪ್ಡೇಟ್ಸ್ ಸದ್ಯದಲ್ಲೇ ಲಭ್ಯವಾಗಲಿವೆ.
ಈ ಹಿಂದೆ ವಾಟ್ಸ್ಆ್ಯಪ್ ಗ್ರೂಪ್ನಲ್ಲಿ ಕೇವಲ 256 ಸದಸ್ಯರನ್ನಷ್ಟೇ ಸೇರಿಸಿಕೊಳ್ಳಲು ಅವಕಾಶ ಇದ್ದಿದ್ದು, ಅದನ್ನು ಕೆಲವು ತಿಂಗಳ ಹಿಂದೆ ವಾಟ್ಸ್ಆ್ಯಪ್ 512ಕ್ಕೆ ಏರಿಸಿತ್ತು. ಇದೀಗ ಅದನ್ನು ಪುನಃ ದುಪ್ಪಟ್ಟು ಮಾಡಲಿದ್ದು, ಸದ್ಯದಲ್ಲೇ ಗ್ರೂಪ್ ಸಾಮರ್ಥ್ಯ 1024 ಆಗಲಿದೆ.
ಇನ್ನು ಪ್ರೈವೆಸಿಗೆ ಹೆಚ್ಚಿನ ಒತ್ತು ಕೊಡಲಿರುವ ವಾಟ್ಸ್ಆ್ಯಪ್ ವ್ಯೂವ್ ಒನ್ಸ್ ಫೋಟೋ/ವಿಡಿಯೋಗಳ ಸ್ಕ್ರೀನ್ಶಾಟ್ ತೆಗೆಯಲು ಸಾಧ್ಯವಾಗದಂಥ ಫೀಚರ್ ಕೂಡ ನೀಡಲಿದೆ. ಅಲ್ಲದೆ ಸ್ಟೇಟಸ್ನಲ್ಲಿ ಲಿಂಕ್ ಹಂಚಿಕೊಳ್ಳುವಂಥ ಅಪ್ಡೇಟ್ ಕೂಡ ನೀಡಲಿದೆ ಎಂದು ವಾಟ್ಸ್ಆ್ಯಪ್ ಬೀಟಾ ಇನ್ಫೊ ತಿಳಿಸಿದೆ.
ಮುಂಬೈನಲ್ಲಿ ಈ 2 ಪ್ರಥಮಗಳನ್ನು ಸಾಧಿಸಿದ ಮೊದಲ ಕನ್ನಡ ಸಿನಿಮಾ ‘ಕಾಂತಾರ’!
ರಾತ್ರಿ ಇಡೀ ಆಟ ಬೇಕೇ?; ಕಾಲಮಿತಿ ಯಕ್ಷಗಾನ ಸಾಕೇ?