ಚೆನ್ನೈ: ಪರ್ಯಾಯ ಇಂಧನ ವಾಹನಗಳಿಗೆ ಭಾರತದ ಮಾರುಕಟ್ಟೆಯಲ್ಲಿ ಉತ್ತಮ ಸ್ವಾಗತ ಲಭಿಸುತ್ತಿದೆ. ಇದಕ್ಕೆ ನಿದರ್ಶನವೆಂಬಂತೆ ಸಿಂಪಲ್ ಒನ್ ಎಲೆಕ್ಟ್ರಿಕ್ ಸ್ಕೂಟರ್ಗೆ ಲಾಂಚ್ ಆದ 5 ದಿನಗಳಲ್ಲೇ 30,000 ಆರ್ಡರ್ಗಳು ಲಭಿಸಿವೆ ಎಂದು ಸಿಂಪಲ್ ಎನರ್ಜಿ ಸಿಇಒ ಸುಹಾಸ್ ರಾಜ್ಕುಮಾರ್ ತಿಳಿಸಿದ್ದಾರೆ.
ಸ್ವಾತಂತ್ರ್ಯೋತ್ಸವದಂದು ಲಾಂಚ್ ಆದ ಸಿಂಪಲ್ ಒನ್ನ ಎಕ್ಸ್ ಶೋರೂಂ ಬೆಲೆಯು 1.1 ಲಕ್ಷ ರೂಪಾಯಿಗಳಾಗಿವೆ. 4.8 ಕೆಡಬ್ಲ್ಯೂಎಚ್ ಲೀಥಿಯಮ್ ಅಯಾನ್ ಬ್ಯಾಟರಿ ಹೊಂದಿರುವ ಸಿಂಪಲ್ ಒನ್, ಗಂಟೆಗೆ 105 ಕಿಲೋಮೀಟರ್ಗಳ ಟಾಪ್ ಸ್ಪೀಡ್ಅನ್ನು ಸಾಧಿಸಬಲ್ಲದು. ಒಮ್ಮೆ ಚಾರ್ಜ್ ಮಾಡಿದರೆ 240 ಕಿಲೋಮೀಟರ್ಗಳಷ್ಟು ದೂರ ಸಂಚರಿಸಬಲ್ಲದು ಎನ್ನಲಾಗಿದೆ.
ಇದನ್ನೂ ಓದಿ: ‘ಸೂಪರ್ ಸ್ಟಾರ್’ ಟೀಸರ್ ಬಿಡುಗಡೆ: ಅಣ್ಣನ ಮಗ ನಿರಂಜನ್ ಲುಕ್ಸ್ಗೆ ಉಪ್ಪಿ ಹ್ಯಾಪಿ!
ಎಕೋ, ರೈಡ್ ಮತ್ತು ಡ್ಯಾಶ್ ಎಂಬ ಮೂರು ರೈಡಿಂಗ್ ಮೋಡ್ಗಳನ್ನು ಹೊಂದಿದ ಸಿಂಪಲ್ ಒನ್ ಸ್ಕೂಟರ್ನ ಬುಕ್ಕಿಂಗ್ಅನ್ನು 1947 ರೂ.ಗಳ ಟೋಕನ್ ಮೊತ್ತದೊಂದಿಗೆ ಆರಂಭಿಸಲಾಗಿದೆ. ತಮಿಳುನಾಡುವಿನ ಕಾರ್ಖಾನೆಗಳಲ್ಲಿ ಉತ್ಪಾದಿಸಲ್ಪಡುವ ಈ ಸ್ಕೂಟರ್ಗಳ ಡೆಲಿವರಿಯು ಮುಂದಿನ ತಿಂಗಳಿಂದ ಆರಂಭವಾಗಲಿದೆ ಎಂದು ಸಿಇಒ ರಾಜ್ಕುಮಾರ್ ಹೇಳಿದ್ದಾರೆ. (ಏಜೆನ್ಸೀಸ್)
VIDEO | ‘ಅಫ್ಘಾನಿಸ್ತಾನಕ್ಕೆ ಹೋಗಿಬಿಡಿ, ಅಲ್ಲಿ ಪೆಟ್ರೋಲ್ ಬೆಲೆ ಕಡಿಮೆ ಇದೆ’ ಎಂದ ಬಿಜೆಪಿ ನಾಯಕ!