ಬೆಂಗಳೂರು: ಇಂಗ್ಲೆಂಡ್ಗೆ ತೆರಳುವುದಕ್ಕೂ ಮುನ್ನ ಭಾರತದಲ್ಲಿರುವ ಪತ್ನಿ ಸ್ಟಾರ್ ಟೆನಿಸ್ ಪಟು ಸಾನಿಯಾ ಮಿರ್ಜಾ ಹಾಗೂ ಮಗ ಇಜಾನ್ ಮಿರ್ಜಾ ಮಲಿಕ್ ಅವರನ್ನು ನೋಡುವ ಹಂಬಲಿರುವ ಪಾಕಿಸ್ತಾನ ತಂಡದ ಮಾಜಿ ನಾಯಕ ಶೋಯಿಬ್ ಮಲಿಕ್ ಆಸೆ ಕೈಗೂಡುವುದು ಅನುಮಾನವಾಗಿದೆ. ಭಾರತದಲ್ಲಿ ಅಂತಾರಾಷ್ಟ್ರೀಯ ವಿಮಾನಯಾನ ನಿಷೇಧ ಜುಲೈ 31ರವರೆಗೂ ವಿಸ್ತರಣೆಯಾಗಿದ್ದರೆ, ಜುಲೈ 24 ರಂದು ಶೋಯಿಬ್ ಇಂಗ್ಲೆಂಡ್ನಲ್ಲಿರುವ ತಂಡ ಕೂಡಿಕೊಳ್ಳಬೇಕಿದೆ. ಇಂಗ್ಲೆಂಡ್ ಪ್ರವಾಸದ ಬಳಿಕವಷ್ಟೇ ಶೋಯಿಬ್ ಮಲಿಕ್ಗೆ ಪತ್ನಿ ಹಾಗೂ ಮಗನನ್ನು ನೋಡುವ ಭಾಗ್ಯ ಒಲಿಯಲಿದೆ. ಲಾಕ್ಡೌನ್ನಿಂದ ಶೋಯಿಬ್ ಮಲಿಕ್-ಸಾನಿಯಾ ಮಿರ್ಜಾ ಕಳೆದ 5 ತಿಂಗಳಿಂದ ಭೇಟಿಯಾಗಿಲ್ಲ.
ಇದನ್ನೂ ಓದಿ: ದೀಪಾವಳಿವರೆಗೆ ನಡೆಯುತ್ತಾ ಐಪಿಎಲ್ ಹಬ್ಬ?
ತಲಾ 3 ಟೆಸ್ಟ್ ಹಾಗೂ ಟಿ20 ಪಂದ್ಯಗಳ ಸರಣಿ ಆಡಲು ಪಾಕಿಸ್ತಾನ ತಂಡ ಇಂಗ್ಲೆಂಡ್ ಪ್ರವಾಸ ಕೈಗೊಂಡಿದೆ. ಮಲಿಕ್ ಕೇವಲ ಟಿ20 ಪಂದ್ಯವಾಡುತ್ತಿರುವ ಹಿನ್ನೆಲೆಯಲ್ಲಿ ಭಾರತದಲ್ಲಿರುವ ಪತ್ನಿ ಹಾಗೂ ಮಗನನ್ನು ನೋಡಿ ಬರುವುದಾಗಿ ಪಿಸಿಬಿಯಿಂದ ಮನವಿ ಪಡೆದಿದ್ದರು. ಆದರೆ, ಭಾರತದಲ್ಲಿ ಅಂತಾರಾಷ್ಟ್ರೀಯ ವಿಮಾನಯಾನ ನಿಷೇಧ ಇರುವುದರಿಂದ ಇದುವರೆಗೂ ಶೋಯಿಬ್-ಸಾನಿಯಾ ಭೇಟಿ ಸಾಧ್ಯವಾಗಲಿಲ್ಲ. ಶೋಯಿಬ್ಗೆ ಅನುಮತಿ ನೀಡಿದ್ದ ಪಿಸಿಬಿ, ಜುಲೈ 24 ರಂದು ಇಂಗ್ಲೆಂಡ್ಗೆ ತೆರಳುವಂತೆ ಸೂಚಿಸಿದೆ. ಆಗಸ್ಟ್ 5 ರಿಂದ ಇಂಗ್ಲೆಂಡ್-ಪಾಕಿಸ್ತಾನ ನಡುವೆ ಟೆಸ್ಟ್ ಸರಣಿ ಆರಂಭಗೊಂಡರೆ, ಆಗಸ್ಟ್ 28ರಂದು ಮೊದಲ ಟಿ20 ಪಂದ್ಯ ನಡೆಯಲಿದೆ. 
ಹೈದರಾಬಾದ್ನಲ್ಲಿರುವ ಸಾನಿಯಾ ಮಿರ್ಜಾ, ತಮ್ಮ ಇನ್ಸ್ಟಾಗ್ರಾಂ ಪುಟದಲ್ಲಿ ಮಗನೊಂದಿಗಿರುವ ವಿಡಿಯೋ ಶೇರ್ ಮಾಡಿದ್ದರು. ಮೈದಾನದಲ್ಲಿ ಅಂಪೈರ್ಗಳು ನೀಡುವಂತೆ ಬೌಂಡರಿ, ಸಿಕ್ಸರ್ ಸಿಗ್ನಲ್ಗಳನ್ನು ಇಜಾನ್ ಮಾಡಿ ತೋರಿಸುತ್ತಿರುವ ವಿಡಿಯೋ ವೈರಲ್ ಆಗಿತ್ತು.
ಯುಎಇಯಲ್ಲಿ ಐಪಿಎಲ್ ನಡೆದರೆ ಆರ್ಸಿಬಿಗೆ ಟ್ರೋಫಿ ಗೆಲ್ಲುವ ಅದೃಷ್ಟ ಇದೆಯಂತೆ..!