ಮುಂಬೈ: ಸರ್ಕಾರಿ ಸ್ವಾಮ್ಯದ ಬಿಎಚ್ಇಎಲ್ ಸಂಸ್ಥೆಯ ಷೇರು ಬೆಲೆಯು ಮುಂದಿನ ದಿನಗಳಲ್ಲಿ ಸಾಕಷ್ಟು ಏರಿಕೆಯಾಗುವ ಸಾಧ್ಯತೆ ಇದೆ ಎಂದು ಪರಿಣತರು ಅಂದಾಜಿಸಿದ್ದಾರೆ. ಸರ್ಕಾರಿ ಸ್ವಾಮ್ಯದ ಬಿಎಚ್ಇಎಲ್ ಕಂಪನಿಯ ಷೇರು ಬೆಲೆಯು 300 ರೂಪಾಯಿವರೆಗೆ ಏರಬಹುದು ಎಂದು ದಲ್ಲಾಳಿ ಸಂಸ್ಥೆಗಳು (ಬ್ರೋಕರೇಜ್ ಫರ್ಮ್) ಅಂದಾಜಿಸಿವೆ. ಅಂದರೆ ಈ ಷೇರು 50% ರಷ್ಟು ಏರಿಕೆ ಕಾಣಬಹುದು ಎಂಬ ಲೆಕ್ಕಾಚಾರ ಹಾಕಲಾಗಿದೆ.
ಬಿಎಚ್ಇಎಲ್ ಷೇರು ಬೆಲೆ ಬುಧವಾರದಂದು (ಜ. 17) ಶೇಕಡಾ 2.02 ಏರಿಕೆ ಕಂಡು, 207.10 ರೂಪಾಯಿಗೆ ತಲುಪಿದೆ.
ಕಲ್ಲಿದ್ದಲು ಚಾಲಿತ ವಿದ್ಯುತ್ ಸ್ಥಾವರಗಳ ಕುರಿತು ತನ್ನ ಸಂಶೋಧನೆಯು ಪ್ರಗತಿಯಲ್ಲಿದೆ ಎಂದು ಬ್ರೋಕರೇಜ್ ಸಂಸ್ಥೆ ಹೇಳಿದೆ. 2024 ರ ಹಣಕಾಸು ವರ್ಷದಲ್ಲಿ ಬಿಎಚ್ಇಎಲ್ ಒಟ್ಟು 65,000 ಕೋಟಿ ರೂಪಾಯಿ ಮೀರಿದ ವಹಿವಾಟು ನಡೆಸಲಿದ್ದು, ಇದರ ಉತ್ಪಾದನೆ ಪ್ರಮಾಣವು 30-40 ಪ್ರತಿಶತದಷ್ಟು ಹೆಚ್ಚಾಗುತ್ತದೆ ಎಂದು ಸಂಸ್ಥೆ ನಿರೀಕ್ಷಿಸುತ್ತದೆ. ಬಿಎಚ್ಇಲ್ ಷೇರು ಬೆಲೆಗಳು 278 ರೂಪಾಯಿ ತಲುಪಬಹುದೆಂದು ಈ ಸಂಸ್ಥೆ ಹೇಳಿದೆ.
ಈ ತಿಂಗಳ ಆರಂಭದಲ್ಲಿ, ಮತ್ತೊಂದು ಬ್ರೋಕರೇಜ್ ಸಂಸ್ಥೆಯು ಬಿಎಚ್ಇಎಲ್ ಕುರಿತು ಟಿಪ್ಪಣಿಯನ್ನು ಬಿಡುಗಡೆ ಮಾಡಿದ್ದು, ಈ ಷೇರಿನ ಮೇಲೆ 230 ರೂಪಾಯಿ ತಲುಪಬಹುದು ಎಂದು ಹೇಳಿದೆ.
ಇನ್ನು ಕೆಲ ವಿಶ್ಲೇಷಕರು 278 ರೂಪಾಯಿ, 265 ರೂಪಾಯಿಗೆ ಈ ಷೇರು ಮಾರಾಟದ ಗುರಿಯನ್ನು ನಿಗದಿಪಡಿಸಿದ್ದಾರೆ.
ಭಾರತ್ ಹೆವಿ ಎಲೆಕ್ಟ್ರಿಕಲ್ಸ್ ಲಿಮಿಟೆಡ್ (BHEL) ಇಂಜಿನಿಯರಿಂಗ್, ಇಂಧನ ಉತ್ಪಾದನೆ, ಇಂಧನ ಘಟಕ ಉಪಕರಣಗಳ ತಯಾರಿಕೆ ವಲಯದ ಅತಿದೊಡ್ಡ ಕಂಪನಿಯಾಗಿದೆ. ಇದನ್ನು 1964 ರಲ್ಲಿ ಸ್ಥಾಪಿಸಲಾಗಿದೆ. ಈ ಜಾಗತಿಕವಾಗಿ ವಿದ್ಯುತ್ ಉಪಕರಣಗಳ ಪ್ರಮುಖ ತಯಾರಕ ಕಂಪನಿ ಇದಾಗಿದೆ. ಆತ್ಮನಿರ್ಭರ ಭಾರತವನ್ನು ರೂಪಿಸುವಲ್ಲಿ ಮೊದಲ ಮತ್ತು ಪ್ರಮುಖ ಕೊಡುಗೆ ನೀಡಿದ ಕಂಪನಿಯಾಗಿದೆ.
ಇಂಧನ, ಸಾರಿಗೆ, ವಿದ್ಯುತ್ , ತೈಲ ಮತ್ತು ಅನಿಲ ಮತ್ತು ಇತರ ಅನೇಕ ಕೈಗಾರಿಕಾ ಮಾರುಕಟ್ಟೆಗಳಿಗೆ ಉತ್ಪನ್ನ ಮತ್ತು ಸೇವೆಗಳನ್ನು ಇದು ಒದಗಿಸುತ್ತದೆ.
ಕಂಪನಿಯು ವ್ಯವಹಾರದ ಮೂರು ವಿಭಾಗಗಳಲ್ಲಿ ಕಾರ್ಯನಿರ್ವಹಿಸುತ್ತದೆ: ಇಂಧನ, ಉದ್ಯಮ ಮತ್ತು ಅಂತರರಾಷ್ಟ್ರೀಯ ಕಾರ್ಯಾಚರಣೆಗಳು.
ಬಿಎಚ್ಇಎಲ್ನಿಂದ ತಯಾರಿಸಲಾದ ಜಾಗತಿಕವಾಗಿ ಸ್ಥಾಪಿಸಲಾದ ವಿದ್ಯುತ್-ಉತ್ಪಾದಿಸುವ ಉಪಕರಣಗಳು 194 GW ಗಿಂತ ಹೆಚ್ಚಿನದಾಗಿದೆ, ಇದು ಇಂಧನ ಘಟಕಗಳ ಉಪಕರಣಗಳ ಭಾರತೀಯ ಉತ್ಪಾದಕರಲ್ಲಿ ನಿರ್ವಿವಾದವಾಗಿ ಅಗ್ರಗಣ್ಯ ಕಂಪನಿಯಾಗಿದೆ. 1000 ಕ್ಕೂ ಹೆಚ್ಚು ಜಲ, ಉಷ್ಣ ಪರಮಾಣು, ಪರಮಾಣು, ಅನಿಲ ಮತ್ತು ಸೌರ ಆಧಾರಿತ ವಿದ್ಯುತ್ ಉತ್ಪಾದನಾ ಘಟಕಗಳನ್ನು ನಿರ್ಮಿಸಿದೆ.
ಈ ಸಂಸ್ಥೆಯ ಷೇರುಗಳಲ್ಲಿ ಜಾಣತನದಿಂದ ಹೂಡಿಕೆ ಮಾಡಿದರೆ ಸಾಕಷ್ಟು ಲಾಭ ಗಳಿಸಬಹುದು. ಹೂಡಿಕೆ ಪರಿಣತರ ಸಮಾಲೋಚನೆಯೊಂದಿಗೆ ಈ ನಿಟ್ಟಿನಲ್ಲಿ ಮುಂದುವರಿಯುವುದು ಸೂಕ್ತ.
ನೀವು ಶ್ರೀಮಂತರಾಗಬೇಕೆ, ಕುಬೇರರಾಗಬೇಕೆ?: ಈ ಹವ್ಯಾಸಗಳನ್ನು ರೂಢಿಸಿಕೊಳ್ಳಿ…