ಕೊಲ್ಕತ: ಬಾಂಗ್ಲಾದೇಶ ಕ್ರಿಕೆಟ್ ತಂಡದ ನಾಯಕ ಶಕಿಬ್ ಅಲ್ ಹಸನ್ ಅಂತರಾಷ್ಟ್ರೀಯ ಸರಣಿ ಹಾಗೂ ವೈಯಕ್ತಿಕ ಕಾರಣಗಳಿಂದಾಗಿ ಈ ಬಾರಿಯ IPLನಲ್ಲಿ ಆಡದಿರಲು ನಿರ್ಧರಿಸಿರುವುದಾಗಿ ತಿಳಿದು ಬಂದಿದೆ.
ಐರ್ಲೆಂಡ್ ವಿರುದ್ದ ಏಪ್ರಿಲ್ 4-8ರವರೆಗೆ ಟೆಸ್ಟ್ ಪಂದ್ಯ ನಡೆಯಲಿದ್ದು 9ನೇ ತಾರೀಖು ಆರ್ಸಿಬಿ ವಿರುದ್ಧ ನಡೆಯುವ ಪಂದ್ಯದಲ್ಲಿ ತಂಡವನ್ನು ಕೂಡಿಕೊಳ್ಳಲಿದ್ದಾರೆ ಎಂದು ಹೇಳಲಾಗಿತ್ತು. IPLನಲ್ಲಿ ಭಾಗವಹಿಸದೆ ಇರುವುದನ್ನು ತಮ್ಮ ಫ್ರಾಂಚೈಸಿ(KKR)ಗೆ ಶಕಿಬ್ ತಿಳಿಸಿದ್ದಾರೆ ಎಂದು ವರದಿ ಮಾಡಲಾಗಿದೆ.
ಇದನ್ನೂ ಓದಿ: ಸಿಕ್ಕಿಂನಲ್ಲಿ ಹಿಮಕುಸಿತ; 6 ಮಂದಿ ಮೃತ್ಯು, 22 ಮಂದಿ ರಕ್ಷಣೆ
ಶಕಿಬ್ ಜೊತೆ ಬಾಂಗ್ಲಾದೇಶದ ಆಟಗಾರ ವಿಕೆಟ್ ಕೀಪರ್, ಬ್ಯಾಟ್ಸ್ಮ್ಯಾನ್ ಲಿಟನ್ ದಾಸ್ ಲಭ್ಯತೆ ಬಗ್ಗೆ ಇನ್ನು ಸ್ಪಷ್ಟತೆ ಸಿಕ್ಕಿಲ್ಲ.
KKR ತಂಡವು ಶಕಿಬ್ ಬದಲಿಗೆ ಶ್ರೀಲಂಕಾದ ದಸುನ್ ಶನಕಾ, ಅಫ್ಘಾನಿಸ್ಥಾನದ ಸ್ಪಿನರ್ ಮೊಹಮ್ಮದ್ ನಬಿ, ದಕ್ಷಿಣ ಆಫ್ರಿಕಾದ ವೇಯ್ನ್ ಪರ್ನೆಲ್ ಅವರನ್ನು ಆಯ್ಕೆ ಮಾಡುವ ಸಾಧ್ಯತೆ ಇದೆ. ಈ ಮೊದಲು ನಾಯಕ ಶ್ರೇಯಸ್ ಅಯ್ಯರ್ ಗಾಯದ ಸಮಸ್ಯೆಯಿಂದ ಟೂರ್ನಿಯಿಂದ ಹೊರ ಬಿದ್ದಿದ್ದರು.