ನವದೆಹಲಿ: ಇಸ್ರೇಲ್ ಸರ್ಕಾರದ ವಿರುದ್ಧ ನೂರಾರು ಪ್ರತಿಭಟನಾಕಾರರು ಹೊರಗೆ ಜಮಾಯಿಸಿದ್ದರಿಂದ ಪ್ರಧಾನಿ ಪತ್ನಿ ಬುಧವಾರ ಟೆಲ್ ಅವಿವ್ ನಗರದ ಹೇರ್ ಸಲೂನ್ನಲ್ಲಿ ಸಿಕ್ಕಿಬಿದ್ದರು. ಪ್ರತಿಭಟನಾಕಾರರನ್ನು ದೂರವಿಡಲು ಪೊಲೀಸರು ಬಂದಿದ್ದು ಬೆಂಜಮಿನ್ ನೆತನ್ಯಾಹು ಪತ್ನಿ ಸಾರಾ ನೆತನ್ಯಾಹು ಅವರನ್ನು ಸಿಕ್ಕಿಬಿದ್ದಿದ್ದ ಸಲೂನ್ನಿಂದ ಹೊರತೆಗೆಯಲು ಕೆಲವಾರು ಗಂಟೆಗಳ ಕಾಲ ಕಾಯಬೇಕಾಯಿತು.
ಸರ್ಕಾರದ ವಿರುದ್ಧ ಪ್ರತಿಭಟನಕಾರರು ಟೆಲ್ ಅವೀವ್ ಮತ್ತು ದೇಶದ ಇತರ ನಗರಗಳಲ್ಲಿ ದಿನವಿಡೀ ಮೆರವಣಿಗೆ ನಡೆಸಿದರು. ಟೆಲ್ ಅವಿವ್, ಜೆರುಸಲೆಮ್, ನಹರಿಯಾ, ಪರ್ಡೆಸ್ ಹನ್ನಾ-ಕರ್ಕೂರ್ ಮತ್ತು ಜಿಚ್ರಾನ್ ಯಾ ಸೇರಿದಂತೆ ಹಲವಾರು ಸ್ಥಳಗಳಲ್ಲಿ ರಾತ್ರಿ ಪ್ರತಿಭಟನೆಯನ್ನು ಪುನರಾರಂಭಿಸಿದರು.
ಹಿಂದಿನ ದಿನದಲ್ಲಿ ಪ್ರತಿಭಟನಾಕಾರರು ಮತ್ತು ಪೊಲೀಸರ ನಡುವೆ ಘರ್ಷಣೆಗಳನ್ನು ಕಂಡ ಟೆಲ್ ಅವಿವ್ ನಗರದಲ್ಲಿ, ಸಾರಾ ನೆತನ್ಯಾಹು ಅವರು ಕೂದಲು ಕಟ್ ಮಾಡಿಸಿಕೊಳ್ಳು ಸಲೂನ್ ಒಂದಕ್ಕೆ ಹೋಗಿದ್ದರು ಎಂದು ಕೇಳಿದ ಪ್ರತಿಭಟನಾಕಾರರು ಆ ಕಟ್ಟಡವನ್ನು ಘೇರಾವ್ ಮಾಡಿದರು.
ಸಾರಾ ನೆತನ್ಯಾಹು ಒಳಗಿದ್ದರಿಂದ ಪ್ರತಿಭಟನಾಕಾರರನ್ನು ಅಲ್ಲಿಂದ ದೂರವಿರಿಸಲು ಪೊಲೀಸರನ್ನು ನಿಯೋಜಿಸಲಾಯಿತು. ಅಂತಿಮವಾಗಿ, ದೊಡ್ಡ ಪೊಲೀಸ್ ಪಡೆಗಳು ಸ್ಥಳಕ್ಕೆ ಆಗಮಿಸಿ ಸಾರಾ ನೆತನ್ಯಾಹುವನ್ನು ಸ್ಥಳಾಂತರಿಸಿದರು. (ಏಜೆನ್ಸೀಸ್)