ಬೆಂಗಳೂರು: ಈಗಾಗಲೇ ಬಹುತೇಕ ಶೂಟಿಂಗ್ ಮುಗಿಸಿಕೊಂಡಿರುವ ‘ಕೆಜಿಎಫ್’ ಚಾಪ್ಟರ್2 ತಂಡ ಸದ್ಯ ಸಂಜಯ್ ದತ್ ಆಗಮನದ ನಿರೀಕ್ಷೆಯಲ್ಲಿದೆ. ಇದೀಗ ಕ್ಯಾನ್ಸ್ರ್ನಿಂದ ಗುಣಮುಖವಾಗಿ ಮತ್ತೆ ಚಿತ್ರೀಕರಣದಲ್ಲಿ ಪಾಲ್ಗೊಳ್ಳುವ ಉತ್ಸಾಹವನ್ನು ಸ್ವತಃ ಸಂಜಯ್ ದತ್ ತೋರಿಸಿದ್ದರು. ಹಾಗಾದರೆ, ಅವರ ಭಾಗದ ಶೂಟಿಂಗ್ ಯಾವಾಗ? ದತ್ ಚಿತ್ರತಂಡವನ್ನು ಸೇರಿಕೊಳ್ಳುವುದು ಯಾವತ್ತು ಈ ಎಲ್ಲ ಪ್ರಶ್ನೆಗಳಿಗೆ ಚಿತ್ರತಂಡವೇ ಉತ್ತರಿಸಿದೆ.
ಇದನ್ನೂ ಓದಿ: ಗರ್ಭಿಣಿ ಕರೀನಾ ಕಪೂರ್ ಮನೆಯಲ್ಲಿ ದೀಪಾವಳಿ ಸಂಭ್ರಮ ಶುರು
ಈ ನಡುವೆ, ಕ್ಯಾನ್ಸರ್ ಹಿನ್ನೆಲೆಯಲ್ಲಿ ಸಂಜಯ್ ದತ್ ದೈಹಿಕವಾಗಿ ಕೊಂಚ ಕುಗ್ಗಿದ್ದಾರೆ. ಇದೀಗ ಅದಕ್ಕಾಗಿ ಒಂದಷ್ಟು ವರ್ಕೌಟ್ ಶುರು ಮಾಡಿದ್ದು, ಫಿಟ್ ಆ್ಯಂಡ್ ಫೈನ್ ಆಗುತ್ತಿದ್ದಾರೆ. ಬಾಲಿವುಡ್ನ ಕೆಲ ಮೂಲಗಳ ಪ್ರಕಾರ, ಕೆಜಿಎಫ್ ಚಿತ್ರದ ಸಲುವಾಗಿ ಮತ್ತೆ ಒಂದಷ್ಟು ಬದಲಾವಣೆ ಮಾಡಿಕೊಳ್ಳುತ್ತಿದ್ದಾರೆ. ಮೊದಲಿಗಿಂತ ತುಂಬ ಆ್ಯಕ್ಟಿವ್ ಆಗಿದ್ದಾರೆ. ಎನರ್ಜಿಯೂ ದ್ವಿಗುಣವಾಗಿದೆಯಂತೆ.
ಸದ್ಯ ಚಿತ್ರದ ಕ್ಲೈಮ್ಯಾಕ್ಸ್ ಹಂತ ಬಹುಮುಖ್ಯವಾಗಿದ್ದು, ನಾಯಕ ಮತ್ತು ಖಳನಾಯಕನ ದೊಡ್ಡ ಮಟ್ಟದ ಕಾಳಗ ಇರಲಿದೆ. ಅದಕ್ಕಾಗಿ ಯಶ್ ಈಗಾಗಲೇ ದೇಹವನ್ನು ಮತ್ತಷ್ಟು ಹುರಿಗೊಳಿಸಿದ್ದಾರೆ. ಇದೀಗ ಸಂಜಯ್ ದತ್ ಸಹ ದೈಹಿಕವಾಗಿ ಬಲಿಷ್ಠರಾಗುತ್ತಿದ್ದಾರಂತೆ.
ಇದನ್ನೂ ಓದಿ: ವೀಕ್ಷಣೆಯಲ್ಲಿ ‘ದಿಲ್ ಬೇಚಾರಾ’ ದಾಖಲೆಯನ್ನು ಮುರಿದ ‘ಲಕ್ಷ್ಮೀ’
ಅಂದಹಾಗೆ, ಪ್ರಶಾಂತ್ ನೀಲ್ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಕೆಜಿಎಫ್ ಸಿನಿಮಾದಲ್ಲಿ ರಾಕಿಂಗ್ ಸ್ಟಾರ್ ಯಶ್ ನಾಯಕನಾಗಿ ನಟಿಸಿದ್ದು, ಶ್ರೀನಿಧಿ ಶೆಟ್ಟಿ ನಾಯಕಿಯಾಗಿದ್ದಾರೆ. ಹೊಂಬಾಳೆ ಫಿಲಂಸ್ ಬ್ಯಾನರ್ ಅಡಿಯಲ್ಲಿ ಚಿತ್ರ ನಿರ್ಮಾಣವಾಗುತ್ತಿದ್ದು, ಮಾರ್ಚ್ ಅಥವಾ ಏಪ್ರಿಲ್ಗೆ ಸಿನಿಮಾ ಬಿಡುಗಡೆ ಆಗುವ ಸಾಧ್ಯತೆ ಇದೆ.