ಹೈದರಾಬಾದ್: ನಟಿ ಸಮಂತಾ ಎಲ್ಲ ಭಾಷೆಗಳಲ್ಲಿ ಅಭಿಮಾನಿಗಳನ್ನು ಗಳಿಸಿದ್ದಾರೆ. 14 ವರ್ಷಗಳಿಂದ ಸಿನಿ ಇಂಡಸ್ಟ್ರಿಯಲ್ಲಿ ಸ್ಟಾರ್ ಹೀರೋಯಿನ್ ಆಗಿ ಮುಂದುವರೆದಿದ್ದಾರೆ. ಈ ಬೆಡಗಿ ತೆಲುಗು, ತಮಿಳು ಮಾತ್ರವಲ್ಲದೆ ಹಿಂದಿಯಲ್ಲೂ ತನ್ನ ಛಾಪು ಮೂಡಿಸಿದ್ದಾರೆ. ಚಲನಚಿತ್ರಗಳಲ್ಲದೆ, ಟಾಕ್ ಶೋಗಳು ಮತ್ತು ವೆಬ್ ಸರಣಿಗಳನ್ನು ಸಹ ಮಾಡಿ ಸೈ ಎನಿಸಿಕೊಂಡಿಉವ ಈ ನಟಿ ಇದೀಗ ಸಿಟಾಡೆಲ್ ಭಾರತೀಯ ಆವೃತ್ತಿಯೊಂದಿಗೆ ಪ್ರೇಕ್ಷಕರ ಮುಂದೆ ಬರುತ್ತಿದೆ.
ಇದನ್ನೂ ಓದಿ: ಕುಮಾರಸ್ವಾಮಿಯವರ ಹಾರ್ಟ್ ಆಪರೇಶನ್ ಬಳಿಕ ಫಸ್ಟ್ ರಿಯಾಕ್ಷನ್!
ಸಮಂತಾಗೆ ಪ್ಯಾನ್ ಇಂಡಿಯಾ ಅಭಿಮಾನಿಗಳಿದ್ದಾರೆ. ಅವರು ಇನ್ಸ್ಟಾಗ್ರಾಮ್ನಲ್ಲಿ 33.6 ಮಿಲಿಯನ್ ಅನುಯಾಯಿಗಳನ್ನು ಹೊಂದಿದ್ದಾರೆ. ಸಣ್ಣಪುಟ್ಟ ಪಾತ್ರಗಳಲ್ಲಿ ನಟಿಸುತ್ತ ವೃತ್ತಿ ಜೀವನ ಆರಂಭಿಸಿದ ಸಮಂತಾ ಈಗ ಬಹು ಬೇಡಿಕೆಯ ನಟಿಯಾಗಿ ಮುಂದುವರೆದಿದ್ದಾರೆ. ಸಮಂತಾ ತನ್ನ ವೃತ್ತಿಜೀವನವನ್ನು ತನಗೆ ಬೇಕಾದಂತೆ ಬದಲಾಯಿಸಿಕೊಂಡು ಬೆಳೆಯುತ್ತಿದ್ದಾಳೆ. ಸಿನಿಮಾ ಮಾತ್ರವಲ್ಲದೆ ವೆಬ್ ಸಿರೀಸ್ ನಲ್ಲೂ ತಮ್ಮ ಪ್ರತಿಭೆ ತೋರಿದ್ದಾರೆ. ಪ್ಯಾನ್ ಇಂಡಿಯಾ ಅಭಿಮಾನಿಗಳನ್ನು ಹೊಂದಿರುವ ಫ್ಯಾಮಿಲಿ ಮ್ಯಾನ್ ಸರಣಿಯ ಸೀಸನ್ 2 ರಲ್ಲಿ ಸಮಂತಾ ಪ್ರಮುಖ ಪಾತ್ರವನ್ನು ನಿರ್ವಹಿಸಿದ್ದಾರೆ.
ಅದರ ನಂತರ ಈಗ ಸಿಟಾಡೆಲ್ ಸರಣಿ ಪ್ರೇಕ್ಷಕರ ಮುಂದೆ ಬರಲಿದೆ. ಹಾಲಿವುಡ್ ಆವೃತ್ತಿಯಲ್ಲಿ ಪ್ರಿಯಾಂಕಾ ಚೋಪ್ರಾ ಮಾಡಿದ್ದ ಪಾತ್ರವನ್ನು ಭಾರತೀಯ ಆವೃತ್ತಿಯಲ್ಲಿ ಸಮಂತಾ ನಿರ್ವಹಿಸಿರುವುದು ಗೊತ್ತೇ ಇದೆ. ಇತ್ತೀಚೆಗೆ ನಡೆದ ಅಮೆಜಾನ್ ಈವೆಂಟ್‌ನಲ್ಲಿ ಸಮಂತಾ ಮತ್ತು ವರುಣ್ ಧವನ್ ಈ ಸರಣಿಯ ಪ್ರಚಾರವನ್ನು ಮಾಡಿದರು. ಈಗ ಎಲ್ಲರ ಕಣ್ಣು ಈ ಸರಣಿಯತ್ತ ನೆಟ್ಟಿದೆ. ಸಮಂತಾ ನಾಯಕಿಯಾಗಿ ಮಾತ್ರವಲ್ಲದೆ ವೈಯಕ್ತಿಕವಾಗಿಯೂ ಸಾಕಷ್ಟು ಅಭಿಮಾನಿಗಳನ್ನು ಹೊಂದಿದ್ದಾರೆ. ಸಾಮಾಜಿಕ ಮಾಧ್ಯಮದ ಪ್ರಭಾವಿಯಾಗಿ, ಸಮಂತಾ ಯಾವಾಗಲೂ ತನ್ನ ಅನುಯಾಯಿಗಳಿಗೆ ಒಳ್ಳೆಯದನ್ನು ಹೇಳಲು ಬಯಸುತ್ತಾರೆ.
ಇತ್ತೀಚಿಗೆ ಸಮಂತಾ ಕೆರಿಯರ್ ಮಂದಗತಿಯಲ್ಲಿ ಸಾಗಿರುವುದು ಗೊತ್ತೇ ಇದೆ. ತನ್ನ ಆರೋಗ್ಯ ಸಮಸ್ಯೆಯನ್ನು ಹೋಗಲಾಡಿಸಲು ಅವರು ತಮ್ಮ ವೃತ್ತಿಜೀವನದಲ್ಲಿ ವಿರಾಮ ತೆಗೆದುಕೊಂಡರು. ಇದೀಗ ಸಮಂತಾ ಅವರ ಪೋಸ್ಟ್ ತನ್ನ ವೃತ್ತಿಜೀವನದಲ್ಲಿ ಮತ್ತೆ ಆಕ್ಟೀವ್ ಆಗಿರುವುದನ್ನು ತೋರಿಸುತ್ತಿದೆ.
ಸಮಂತಾ ತಮ್ಮ ಇತ್ತೀಚಿನ ಫೋಟೋಗಳನ್ನು ಇನ್ ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದಾರೆ. ಅವರು ತುಂಬಾ ಸೊಗಸಾಗಿ ಕಾಣಿಸಿಕೊಂಡಿದ್ದಾರೆ. ಆದರೆ ಈಗ ಆ ಫೋಟೋಗಳಿಗೆ ನೀಡಿರುವ ಕ್ಯಾಪ್ಷನ್ ಬಗ್ಗೆ ಚರ್ಚೆಯಾಗುತ್ತಿದೆ.
ನಾನು ಡಿಸ್ನಿ ಪ್ರಿನ್ಸೆಸ್ ನಂತೆ ಫೇಲ್ ಆಗಿದ್ದೇನೆ.. ನಾನೀಗ ಡ್ರ್ಯಾಗನ್ ಎಂದು ಸಮಂತಾ ಹೇಳಿದ್ದಾರೆ. ಇದು ತಮಾಷೆ ಎನಿಸಬಹುದು, ಆದರೆ, ಇನ್ಮುಂದೆ ವಿಜೃಂಭಿಸುತ್ತೇನೆ ಎಂಬ ಸಂದೇಶ ನೀಡಿದಂತಿದೆ.