ಲಾಕ್ಡೌನ್ ಹಿನ್ನೆಲೆಯಲ್ಲಿ ಸಿನಿಮಾ ಶೂಟಿಂಗ್ಗೆ ಬ್ರೇಕ್ ಬಿದ್ದಿದೆ. ಬಾಲಿವುಡ್ನ ಬಹುತೇಕರೆಲ್ಲರೂ ಮನೆಯಲ್ಲೇ ಕಾಲಕಳೆಯುತ್ತಿದ್ದಾರೆ. ಹೀಗಿರುವಾಗ ಸಲ್ಮಾನ್ ಖಾನ್ ಮಾತ್ರ ಅಭಿಮಾನಿಗಳಿಗೆ ಒಳ್ಳೇ ಮನರಂಜನೆಯನ್ನೇ ನೀಡುತ್ತಿದ್ದಾರೆ. ಪ್ಯಾರ್ ಕರೊನಾ ಸಿಂಗಲ್ ಹಾಡಿನ ಮೂಲಕ ಫ್ಯಾನ್ಸ್ಗೆ ಹತ್ತಿರವಾಗಿದ್ದ ಸಲ್ಮಾನ್, ಅದಾದ ಬಳಿಕ ‘ತೇರೆ ಬಿನಾ’ ಮತ್ತು ರಂಜಾನ್ಗೆ ‘ಭಾಯಿ ಭಾಯಿ‘ ಅಂದರು. ಇದೀಗ ಅದೆಲ್ಲದಕ್ಕಿಂತ ಒಂದು ಹೆಜ್ಜೆ ಮುಂದೆ ಹೋಗಿ ಶೋವೊಂದರ ನಿರ್ಮಾಣಕ್ಕೆ ಸಲ್ಮಾನ್ ಖಾನ್ ಸಿದ್ಧತೆ ನಡೆಸಿದ್ದಾರೆ.
ಇದನ್ನೂ ಓದಿ: VIDEO| ದೀಪಿಕಾ ಪಡುಕೋಣೆಯ ದಶಕದ ಹಿಂದಿನ ಜಾಹೀರಾತು ವಿಡಿಯೋ ವೈರಲ್!
ಲಾಲ್ಡೌನ್ ಅವಧಿಯಲ್ಲಿ ವಿಡಿಯೋ ಸಾಂಗ್ ಸೇರಿ ಒಟ್ಟು ಮೂರು ಹಾಡುಗಳನ್ನು ನೀಡಿರುವ ಸಲ್ಮಾನ್, ಆ ಹಾಡುಗಳ ಬಹುಪಾಲು ಕೆಲಸ ಮತ್ತು ನಿರ್ದೇಶನವನ್ನು ಅವರೇ ನಿಭಾಯಿಸಿದ್ದಾರೆ. ಈಗಾಗಲೇ ದೊಡ್ಡ ದೊಡ್ಡ ರಿಯಾಲಿಟಿ ಶೋ ನಿರೂಪಣೆ ಮಾಡಿ ಅದರ ಅನುಭವವೂ ಇರುವ ಸಲ್ಮಾನ್, ಇದೀಗ ಮೊದಲ ಬಾರಿ ತಮ್ಮದೆ ಆದ ಶೋ ಶುರು ಮಾಡಲಿದ್ದಾರೆ.
ಇದನ್ನೂ ಓದಿ:ಹಾಗೆಲ್ಲಾ ಮಾಡ್ಬೇಡಿ … ಇನ್ನೊಮ್ಮೆ ಯೋಚನೆ ಮಾಡಿ …
ಹಾಗಾದರೆ ಆ ಶೋದಲ್ಲಿ ಏನೆಲ್ಲ ಇರಲಿದೆ? ಲಾಕ್ಡೌನ್ ಅವಧಿಯಲ್ಲಿ ಮುಂಬೈ ಹೊರವಲಯದ ಪಾನ್ವೆಲ್ ಫಾರ್ಮ್ಹೌಸ್ನಲ್ಲಿ 60 ದಿನಗಳನ್ನು ಸಲ್ಮಾನ್ ಕಳೆದಿದ್ದಾರೆ. ಆ 60 ದಿನಗಳ ಅವಧಿಯಲ್ಲಿ ಸಲ್ಮಾನ್ ಖಾನ್ ಲೈಫ್ ನಲ್ಲಿ ಏನೆಲ್ಲ ಆಯಿತು ಎಂಬ ವಿಷಯವನ್ನಿಟ್ಟುಕೊಂಡು, ಶೋ ನಡೆಸಿಕೊಡಲಿದ್ದಾರೆ. ಹೌಸ್ ಆಫ್ ಬಾಯಿಜಾನ್ ಹೆಸರಲ್ಲಿ ಶೋ ಮೂಡಿಬರಲಿದ್ದು, ಅದರ ಪ್ರಸಾರದ ಬಗ್ಗೆ ಇನ್ನಷ್ಟೇ ಅಧಿಕೃತ ಮಾಹಿತಿ ಹೊರಬೀಳಲಿದೆ. (ಏಜೆನ್ಸೀಸ್)