ಮುಂಬೈ: ಸಲ್ಮಾನ್ ಖಾನ್ ಅಭಿನಯದ ರಾಧೇ ಚಿತ್ರವು ಬಿಡುಗಡೆಯಾಗಿ ಒಂದು ವಾರವಾಗಿದೆ. ಈ ಒಂದು ವಾರದಲ್ಲಿ ಚಿತ್ರದ ಬಗ್ಗೆ ಸಾಕಷ್ಟು ಟೀಕೆ-ಟಿಪ್ಪಣಿಗಳು ಕೇಳಿ ಬಂದಿವೆ. ಚಿತ್ರದ ಬಗ್ಗೆ ಇಟ್ಟಿದ ನಿರೀಕ್ಷೆಗಳಿಗೆ ಸರಿಯಾಗಿ ಚಿತ್ರ ಮೂಡಿಬಂದಿಲ್ಲ ಎಂದು ಹಲವರು ತಮ್ಮ ಅಭಿಪ್ರಯಾಗಳನ್ನು ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: ರಾಧೇ ಆಯ್ತು, ಈಗ ಅಂತಿಮ್ ಮತ್ತು ಮೈದಾನ್ ಮೇಲೆ ಜೀ ಕಣ್ಣು?
ಚಿತ್ರ ಹೇಗಾದರೂ ಇರಲಿ ಮತ್ತು ಜನ ಏನೇ ಹೇಳಲಿ, ಸಲ್ಮಾನ್ ಖಾನ್ ಮಾತ್ರ ಇದರಿಂದ ಮಿನಿಮಮ್ ನೂರು ಕೋಟಿ ಲಾಭ ಮಾಡಿಕೊಂಡಿದ್ದಾರೆ ಎಂದು ಹೇಳಲಾಗುತ್ತಿದೆ. ರಾಧೇ ಚಿತ್ರದಲ್ಲಿ ಸಲ್ಮಾನ್ ನಾಯಕನಾಗಿ ನಟಿಸುವುದರ ಜತೆಗೆ, ಚಿತ್ರದ ನಿರ್ಮಾಣವನ್ನೂ ಮಾಡಿದ್ದಾರೆ. ತಮ್ಮ ಸಲ್ಮಾನ್ ಖಾನ್ ಫಿಲಂಸ್ ಮೂಲಕ ಅವರು ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ಚಿತ್ರ ಸೋತಿದೆ ಎಂದು ಟ್ರೇಡ್ ಪಂಡಿತರು ಹೇಳುತ್ತಿರುವಾಗ, ಲಾಭ ಗಳಿಸುವುದು ಹೇಗೆ ಎಂಬ ಪ್ರಶ್ನೆ ಸಹಜವಾಗಿಯೇ ಬರಬಹುದು.
ವಿಷಯವೇನೆಂದರೆ, ಸಲ್ಮಾನ್ ಈ ಚಿತ್ರದ ವಿತರಣೆ, ಸ್ಯಾಟಿಲೈಟ್, ಡಿಜಿಟಲ್ ಮತ್ತು ಮ್ಯೂಸಿಕ್ ಹಕ್ಕುಗಳನ್ನು ಜೀ ಸಂಸ್ಥೆಯವರಿಗೆ ಮಾರಾಟ ಮಾಡಿದ್ದರು. ಮೊದಲು, ಇಷ್ಟೂ ಹಕ್ಕುಗಳಿಗೆ 230 ಕೋಟಿಗಳ ಒಪ್ಪಂದವಾದರೂ, ಲಾಕ್ಡೌನ್ನಿಂದ ಚಿತ್ರಮಂದಿರಗಳು ಬಂದ್ ಆದ ಕಾರಣ, 190 ಕೋಟಿ ರೂ.ಗಳಿಗೆ ಎಲ್ಲ ಹಕ್ಕುಗಳು ಮಾರಾಟವಾದವು.
ಇದನ್ನೂ ಓದಿ: ಸುಳ್ಳುಸುದ್ದಿಗಳನ್ನು ನಂಬಲೇಬೇಡಿ ಎಂದ ಕೃತಿ ಶೆಟ್ಟಿ
ಈ ಪೈಕಿ, ಸಲ್ಮಾನ್ ಸಂಭಾವನೆಯನ್ನು ಸೇರಿಸಿ ಚಿತ್ರದ ಬಜೆಟ್ 90 ಕೋಟಿ ರೂ. ಎಂದಿಟ್ಟುಕೊಂಡರೂ, ಅವರಿಗೆ 100 ಕೋಟಿಯಷ್ಟು ಲಾಭವಾದಂತಾಗುತ್ತದೆ. ಒಂದೇ ಚಿತ್ರದಿಂದ ಸಲ್ಮಾನ್ ಅವರ ಸಂಪತ್ತು 100 ಕೋಟಿಯಷ್ಟು ಜಾಸ್ತಿಯಾಗಿದೆ. ಸಲ್ಮಾನ್ ಖಾನ್ ಏನೋ ಈ ಚಿತ್ರದಿಂದ ದುಡ್ಡು ಮಾಡಿಕೊಂಡರು. ಈ ಚಿತ್ರವನ್ನು ಖರೀದಿಸಿದ ಜೀ ಸಂಸ್ಥೆ ಎಷ್ಟು ಗಳಿಸಿತು ಎಂಬುದು ಮಾತ್ರ ಇನ್ನೂ ಬಹಿರಂಗವಾಗಿಲ್ಲ.
ರವಿಮಾಮನ ಫ್ಯಾನ್ ಸೂಜಿ; ಗುರು ಶಿಷ್ಯರು ಚಿತ್ರದಲ್ಲಿ ನಿಶ್ವಿಕಾ ಹೊಸ ಗೆಟಪ್