ಮುಂಬೈ: ದಕ್ಷಿಣದ ಮೂರು ಭಾಷೆಗಳಲ್ಲಿ ನಟಿಸಿರುವುದಷ್ಟೇ ಅಲ್ಲ, ಮೂರೂ ಭಾಷೆಗಳಲ್ಲಿ ಬಹಳ ಜನಪ್ರಿಯ ನಟಿ ಎಂದನಿಸಿಕೊಂಡಿದ್ದಾರೆ ಸಾಯಿ ಪಲ್ಲವಿ. ಈಗ ಅವರು ಬಾಲಿವುಡ್ಗೆ ಹೊರಟು ನಿಂತಿದ್ದಾರೆ ಎಂಬ ಸುದ್ದಿಯೊಂದು ಕೇಳಿ ಬಂದಿದೆ. ಅಷ್ಟೇ ಅಲ್ಲ, ತಮ್ಮ ಮೊದಲ ಬಾಲಿವುಡ್ ಚಿತ್ರದಲ್ಲೇ ಅವರು ಸೀತೆ ಪಾತ್ರವನ್ನು ನಿರ್ವಹಿಸುತ್ತಿದ್ದಾರಂತೆ.
ಇದನ್ನೂ ಓದಿ: ಆರೂರು ಜಗದೀಶ್ ನನ್ನ ಅನ್ನ ಕಿತ್ತುಕೊಳ್ಳುವ ಕೆಲಸ ಮಾಡಿದ್ದಾರೆ … ಅನಿರುದ್ಧ್ ಆಕ್ರೋಶ
ತೆಲುಗು ನಿರ್ಮಾಪಕ ಅಲ್ಲು ಅರವಿಂದ್, ಮೂರು ವರ್ಷಗಳ ಹಿಂದೆ ರಾಮಾಯಣ ಕುರಿತು ಹಿಂದಿಯಲ್ಲಿ ಚಿತ್ರ ಮಾಡುವುದಾಗಿ ಘೋಷಿಸಿದ್ದರು. ಈ ಚಿತ್ರದಲ್ಲಿ ರಾಮನಾಗಿ ಹೃತಿಕ್ ರೋಶನ್ ನಟಿಸಿದರೆ, ಸೀತೆಯಾಗಿ ದೀಪಿಕಾ ಪಡುಕೋಣೆ ಕಾಣಿಸಿಕೊಳ್ಳಬಹುದು ಎಂಬ ಸುದ್ದಿ ಇತ್ತು. ಆದರೆ, ಚಿತ್ರ ಮುಂದುವರೆಯಲೇ ಇಲ್ಲ.
ಈಗ ಅದೇ ಚಿತ್ರ ಬೇರೆ ಪಾತ್ರಧಾರಿಗಳ ಜತೆಗೆ ಮುಂದಿನ ವರ್ಷ ಹೊಸದಾಗಿ ಸೆಟ್ಟೇರುವ ಸಾಧ್ಯತೆ ಇದೆಯಂತೆ. ಈ ಬಾರಿ ರಾಮನ ಪಾತ್ರದಲ್ಲಿ ರಣಬೀರ್ ಕಪೂರ್ ಮತ್ತು ಸೀತೆಯ ಪಾತ್ರದಲ್ಲಿ ಸಾಯಿ ಪಲ್ಲವರಿ ನಟಿಸಬಹುದು ಎಂದು ಸುದ್ದಿಯಾಗಿದೆ. ಆದರೆ, ಅಲ್ಲು ಅರವಿಂದ್ ಆಗಲೀ, ಸಾಯಿ ಪಲ್ಲವಿಯಾಗಲೀ ಈ ಬಗ್ಗೆ ಎಲ್ಲೂ, ಏನೂ ಮಾತನಾಡಿಲ್ಲ.
ಇದನ್ನೂ ಓದಿ: ವಸಿಷ್ಠ ಅಭಿನಯದ ‘ಲವ್ ಲಿ’ ಸಿನಿಮಾ ಸೆಟ್ಗೆ ಹರಿಪ್ರಿಯಾ ಎಂಟ್ರಿ …
ಹಾಗಾದರೆ, ಈ ಸುದ್ದಿ ನಿಜವಾ? ತಮ್ಮ ಮೊದಲ ಬಾಲಿವುಡ್ ಚಿತ್ರದಲ್ಲಿ ಸೀತೆಯಾಗಿ ಸಾಯಿ ಪಲ್ಲವಿ ಕಾಣಿಸಿಕೊಳ್ಳುತ್ತಾರಾ ಎಂಬ ಪ್ರಶ್ನೆಯು ಪ್ರಶ್ನೆಯಾಗಿಯೇ ಉಳಿದಿದೆ. ಈ ಪ್ರಶ್ನೆಗೆ ಮುಂದಿನ ವರ್ಷ ಉತ್ತರ ಸಿಗವ ಸಾಧ್ಯತೆ ಇದೆ.
ರಿಷಭ್ಗೆ ಎಚ್ಚರಿಕೆ ನೀಡಿದ ಬಾಲಿವುಡ್ ನಿರ್ದೇಶಕ ಅನುರಾಗ್ ಕಶ್ಯಪ್; ಯಾಕೆ ಗೊತ್ತಾ?