ಬೆಂಗಳೂರು: ಸಾಧುಕೋಕಿಲ ಸಕಲಕಲಾವಲ್ಲಭ ಎಂಬುದು ಎಲ್ಲರಿಗೂ ಗೊತ್ತಿರುವ ವಿಷಯ. ನಟನೆ ಜತೆಗೆ ಸಂಗೀತ ನಿರ್ದೇಶನಕ್ಕೂ ಸೈ, ಚಿತ್ರ ನಿರ್ದೇಶನಕ್ಕೂ ಸೈ ಎಂದಿದ್ದಾರವರು. ಆದರೆ, ಇತ್ತೀಚಿನ ಕೆಲ ದಿನಗಳಿಂದ ಅವರ ನಿರ್ದೇಶನದಲ್ಲಿ ಸಿನಿಮಾಗಳು ಮೂಡಿಬಂದಿರಲಿಲ್ಲ. ಇದೀಗ ಆ ಹಸಿವನ್ನು ನೀಗಿಸಲು ಕಾಲೇಜ್ ಎಳೆಯ ‘ಜಾಲಿ ಲೈಫ್’ ಸಿನಿಮಾ ಶುರುವಾಗುತ್ತಿದೆ. ಈ ಚಿತ್ರಕ್ಕೆ ಸಾಧುಕೋಕಿಲ ನಿರ್ದೇಶಕ!
2016ರಲ್ಲಿ ಸುಮಂತ್ ಶೈಲೇಂದ್ರ ಮತ್ತು ಶಾನ್ವಿ ಶ್ರೀವಾತ್ಸವ ನಟಿಸಿದ್ದ ‘ಭಲೇ ಜೋಡಿ’ ಚಿತ್ರಕ್ಕೆ ಕೊನೆಯದಾಗಿ ಸಾಧುಕೋಕಿಲ ನಿರ್ದೇಶನ ಮಾಡಿದ್ದರು. ಅದಾದ ಬಳಿಕ ಮತ್ತೆ ನಿರ್ದೇಶಕನ ಕ್ಯಾಪ್ ಧರಿಸಿರಲಿಲ್ಲ. ಇದೀಗ ಹೊಸ ತಂಡದ ಜತೆಗೆ ಸಾಧು ಆಗಮಿಸುತ್ತಿದ್ದಾರೆ. ಈ ಹಿಂದೆ ‘ತ್ರಿಕೋನ’ ಸಿನಿಮಾಕ್ಕೆ ಬಂಡವಾಳ ಹೂಡಿದ್ದ ರಾಜಶೇಖರ್ ಈ ಚಿತ್ರಕ್ಕೆ ನಿರ್ವಪಕರಾಗಿದ್ದಾರೆ. ಕಥೆ ಮತ್ತು ಚಿತ್ರಕಥೆಯನ್ನು ರಾಜಶೇಖರ್ ಅವರೇ ಬರೆದಿದ್ದು, ನಿರ್ದೇಶನ ಮಾತ್ರ ಸಾಧುಕೋಕಿಲ ಮಾಡಲಿದ್ದಾರೆ.
ಅಂದಹಾಗೆ, ಮಾರ್ಚ್ನಲ್ಲಿ ಸಿನಿಮಾ ಸೆಟ್ಟೇರಲಿದ್ದು, ಹಿರಿಯ ನಟ ಸುಚೇಂದ್ರ ಪ್ರಸಾದ್ ಅವರ ನೇತೃತ್ವದಲ್ಲಿ ಇತ್ತೀಚೆಗಷ್ಟೇ 500ಕ್ಕೂ ಅಧಿಕ ಕಲಾವಿದರನ್ನು ಆಡಿಷನ್ ಮಾಡಿ ಅದರಲ್ಲಿ 18 ಮಂದಿಯನ್ನು ಆಯ್ದುಕೊಳ್ಳಲಾಗಿದೆ. ಚಿತ್ರದಲ್ಲಿನ 5 ಹಾಡುಗಳಿಗೆ ಸ್ವತಃ ಸಾಧುಕೋಕಿಲ ಸಂಗೀತ ನೀಡಲಿದ್ದಾರೆ. ಗುಂಡ್ಲುಪೇಟೆ ಸುರೇಶ್ ಛಾಯಾಗ್ರಹಣ ಮಾಡಲಿದ್ದಾರೆ.
ಸ್ವಾಮೀಜಿಯ ಇಶಾರೆಗೇ ತಂತಾನೇ ಚಲಿಸಿ ತೇರುಮನೆ ಸೇರಿಕೊಂಡ ರಥ; ವಿಡಿಯೋ ವೈರಲ್..
ಎಲ್ಪಿಜಿ ಗ್ರಾಹಕರಿಗೆ ಸಿಹಿಸುದ್ದಿ : ಸಿಲಿಂಡರ್ಗಾಗಿ ಕಾಯುವ ಪಾಡು ತಪ್ಪಲಿದೆ