ಮುಂಬೈ: ಕಳೆದ ಫೆಬ್ರವರಿ 25 ರಂದು ಉದ್ಯಮಿ ಮುಕೇಶ್ ಅಂಬಾನಿ ಅವರ ಮುಂಬೈ ನಿವಾಸ ಅಂಟಿಲಿಯಾ ಮುಂದೆ ಸ್ಕಾರ್ಪಿರೋ ಕಾರ್ನಲ್ಲಿ ಸ್ಪೋಟಕ ಹಾಗೂ ಬೆದರಿಕೆ ಪತ್ರ ಪತ್ತೆಯಾಗಿತ್ತು. ಈ ಪ್ರಕರಣದ ತನಿಖೆ ನಡೆಸುತ್ತಿರುವ ಎನ್ಐಎ, ಕಾರ್ ತೆಗೆದುಕೊಂಡು ಹೋಗಿ ಸ್ಪೋಟಕ ಇಟ್ಟವರನ್ನು ಪತ್ತೆ ಮಾಡಿದೆ.
ಹೌದು, ಮುಕೇಶ್ ಅಂಬಾನಿ ಮನೆ ಬಳಿ ಸ್ಪೋಟಕ ಇಟ್ಟಿದ್ದು ಅಮಾನತಾಗಿರುವ ಪೊಲೀಸ್ ಅಧಿಕಾರಿ ಸಚಿನ್ ವಾಜೆ ಖಾಸಗಿ ಕಾರ್ ಚಾಲಕ ಎಂಬುದು ಎನ್ಐಎ ತನಿಖೆಯಲ್ಲಿ ತಿಳಿದು ಬಂದಿದೆ.
ಅಂಬಾನಿ ಮನೆ ಬಳಿ ಸ್ಪೋಟಕ ಇಟ್ಟು ಅದರ ತನಿಖೆ ಹೊಣೆ ತಾನು ತೆಗೆದುಕೊಂಡು ಇಲಾಖೆಯಲ್ಲಿ ಮಿಂಚಬೇಕು ಎಂಬ ಉದ್ದೇಶದಿಂದ (ಪ್ರಾಥಮಿಕ ತನಿಖೆ ಮಾಹಿತಿ ಪ್ರಕಾರ) ಎಸಿಪಿಯಾಗಿದ್ದ ಸಚಿನ್ ವಾಜೆ ಮನ್ಸುಕ್ ಹಿರೇನ್ನಿಂದ ಸ್ಕಾರ್ಪಿಯೋ ಕಾರ್ ಒಂದನ್ನು ಪಡೆದಿದ್ದರು. ಫೆ 17 ರಂದು ಹಿರೇನ್ ಕಾರ್ನ್ನು ಕಮೀಷನರ್ ಕಚೇರಿಗೆ ತೆಗೆದುಕೊಂಡು ಬಂದಿದ್ದ. ನಂತರ ಫೆ 19 ರಂದು ಸಾಕೇತ್ ಸೊಸೈಟಿ ಬಳಿ ಹಿರೇನ್, ವಾಜೆ ಅವರಿಗೆ ಕಾರ್ ಹಸ್ತಾಂತರಿಸಿದ್ದ.
ಇದನ್ನೂ ಓದಿ: ಸಿಡಿ ಲೇಡಿಗೆ ಸಹಾಯ ಮಾಡಿದ್ದೇವೆ, ಅದರಲ್ಲಿ ತಪ್ಪೇನಿದೆ ಎಂದು ಪ್ರಶ್ನಿಸಿದ ಮಹಮದ್ ನಳಪಾಡ್
ನಂತರ ಫೆ 24 ರಂದು ರಾತ್ರಿ ಸ್ಕಾರ್ಪಿಯೋ ಕಾರ್ನ್ನು ತೆಗೆದುಕೊಂಡ ವಾಜೆ ಖಾಸಗಿ ಕಾರ್ ಚಾಲಕ 20 ಜಿಲೆಟಿನ್ ಕಡ್ಡಿಗಳನ್ನು ತುಂಬಿಸಿ ಅಂಬಾನಿ ನಿವಾಸದ ಬಳಿ ನಿಲ್ಲಿಸಿ ಬಂದಿದ್ದ. ಈ ಚಾಲಕನಿಗೆ ಸಚಿನ್ ವಾಜೆಯೇ ಬೆಂಗಾವಲು ವಾಹನ ಇನ್ನೋವಾ ಕಾರ್ ತೆಗೆದುಕೊಂಡು ಹೋಗಿದ್ದರು. ಇದಕ್ಕಾಗಿ ಎರಡು ಸಾರಿ ಇನ್ನೋವಾದ ನಂಬರ್ ಪ್ಲೇಟ್ ಬದಲಾವಣೆ ಮಾಡಿದ್ದರು ವಾಜೆ. ಅಂಬಾನಿ ಮನೆ ಬಳಿ ಅವರ ಕಾರ್ ಚಾಲಕನನ್ನು ಹತ್ತಿಸಿಕೊಂಡು ಹೋಗಿದ್ದರು. ಮತ್ತೆ ಕೆಲ ಹೊತ್ತಿನ ನಂತರ ವೇಷ ಮರಿಸಿಕೊಂಡು ನಡೆದುಕೊಂಡು ಹೋಗಿ ಕಾರ್ನಲ್ಲಿ ಬೆದರಿಕೆ ಪತ್ರ ಇಟ್ಟು ಬಂದಿದ್ದರು ವಾಜೆ.
ಇಷ್ಟೇಲ್ಲಾ ಮಾಡಿದ ಮೇಲೆ ಕಮೀಷನರ್ ಕಚೇರಿ ಹಾಗೂ ಸಾಕೇತ್ ಸೊಸೈಟಿ ಬಿಲ್ಡಿಂಗ್ ಬಳಿ ಸಿಸಿಟಿವಿ ದೃಶ್ಯಾವಳಿಗಳನ್ನು ಸಚಿನ್ ವಾಜೆ ಅಳಿಸಿ ಹಾಕಿದ್ದರು ಎಂದು ಎನ್ಐಎ ಆರೋಪಿಸಿದೆ. ಮಾರ್ಚ್ 14 ರಂದು ಎನ್ಐಎ ಸಚಿನ್ ವಾಜೆಯನ್ನು ಬಂಧಿಸಿತ್ತು. ಏನೋ ಮಾಡಲು ಹೋಗಿ ಕಡೆಗೆ ತಾವೇ ಹೆಣೆದ ಬಲೆಯಲ್ಲಿ ಸಚಿನ್ ವಾಜೆ ಸಿಲುಕಿಕೊಂಡಿದ್ದಾರೆ.
ಹೆಣ್ಣೇ ಸಿಕ್ತಿಲ್ಲ ಎಂದು ಸಿಕ್ಕಸಿಕ್ಕವರ ಬಳಿ ಕಣ್ಣೀರು ಹಾಕಿದ್ದ ಈ ಕುಳ್ಳನಿಗೆ ಈಗ ಹುಡುಗಿಯರ ಆಯ್ಕೆಯೇ ಕಷ್ಟವಾಗಿದೆ!