ಭಾರತೀಯ ವಾಯುಪಡೆಯಲ್ಲಿ ಗ್ರೂಪ್ ‘ಸಿ’ ಸಿವಿಲಿಯನ್ ಹುದ್ದೆಯಲ್ಲಿ ಕಾರ್ಯನಿರ್ವಹಿಸಲು ಅವಕಾಶ ಇದ್ದು, ಆಸಕ್ತ ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಬಹುದು. 7ನೇ ವೇತನ ಆಯೋಗದ ಅನ್ವಯ ಹುದ್ದೆಗೆ ಅನುಗುಣವಾಗಿ ಹಂತ 1 ರಿಂದ 4ರ ವರೆಗೆ ವೇತನ ಇದೆ. ಆಸಕ್ತ ಅಭ್ಯರ್ಥಿಗಳು ಯಾವುದೇ ಸ್ಟೇಷನ್ಗೆ ಬೇಕಾದರೂ ಅರ್ಜಿ ಸಲ್ಲಿಸಬಹುದಾಗಿದ್ದು, ಅಧಿಸೂಚನೆ ಜತೆ ನೀಡಲಾದ ಅರ್ಜಿ ನಮೂನೆಯನ್ನು ಭರ್ತಿ ಮಾಡಿ 10 ರೂ. ಸ್ಟಾಂಪ್ ಅಂಟಿಸಿ ಆರ್ಡಿನರಿ ಪೋಸ್ಟ್ ಮೂಲಕ ಆಯ್ಕೆ ಮಾಡಿಕೊಳ್ಳುವ ಸ್ಟೇಷನ್/ ಕೇಂದ್ರಕ್ಕೆ ಅರ್ಜಿಸಲ್ಲಿಸಲು ಸೂಚಿಸಲಾಗಿದೆ.
ಹುದ್ದೆ ವಿವರ
* ಸೂಪರಿಟೆಂಡೆಂಟ್ (ಸ್ಟೋರ್) – 1
* ಲೋವರ್ ಡಿವಿಷನ್ ಕ್ಲರ್ಕ್ (ಎಲ್ಡಿಸಿ) – 12
* ಕುಕ್ (ಆರ್ಡಿನರಿ ಗ್ರೇಡ್) – 5
* ಕಾರ್ಪೆಂಟರ್ (ಸ್ಕಿಲ್ಡ್) – 1
* ಸಿವಿಲಿಯನ್ ಮೆಕಾನಿಕಲ್ ಟ್ರಾನ್ಸ್ಪೋರ್ಟ್ ಡ್ರೖೆವರ್ (ಸಿಎಂಟಿಡಿ – ಆರ್ಡಿನರಿ ಗ್ರೇಡ್) – 45
* ಫೈರ್ವ್ಯಾನ್ – 1
* ಮಲ್ಟಿ ಟಾಸ್ಕಿಂಗ್ ಸ್ಟಾಫ್ (ಎಂಟಿಎಸ್) – 18
ಎಲ್ಲೆಲ್ಲಿ ನೇಮಕಾತಿ?: ಬೆಳಗಾವಿಯ ಸ್ಟೇಷನ್ ಕಮಾಂಡರ್ ಏರ್ವುನ್ ಟ್ರೇನಿಂಗ್ ಸ್ಕೂಲ್ನಲ್ಲಿ ಸಿಎಂಟಿಡಿಗೆ 1 ಸ್ಥಾನಕ್ಕೆ ನೇಮಕ ಮಾಡಿಕೊಳ್ಳಲಾಗುತ್ತಿದ್ದು, ಉಳಿದಂತೆ ಆಗ್ರಾ, ಅಸ್ಸಾಂ, ರಾಜಸ್ಥಾನ, ಚೆನ್ನೈ, ಸಿಕಂದರಾಬಾದ್, ದೆಹಲಿ, ಪಂಜಾಬ್, ಚಂಡೀಗಢ, ಶ್ರೀನಗರ, ಡೆಹ್ರಾಡೂನ್, ಕಾನ್ಪುರ, ತಮಿಳುನಾಡು, ಗುವಾಹಟಿ, ಅಲಹಾಬಾದ್, ನಾಸಿಕ್, ಮಧ್ಯಪ್ರದೇಶ, ಹರಿಯಾಣದಲ್ಲಿ ನೇಮಕ ಮಾಡಿಕೊಳ್ಳಲಾಗುವುದು.
ವಯೋಮಿತಿ: ಅರ್ಜಿ ಸಲ್ಲಿಕೆ ಕೊನೇ ದಿನಕ್ಕೆ ಕನಿಷ್ಠ 18 ವರ್ಷ, ಗರಿಷ್ಠ 25 ವರ್ಷ ವಯೋಮಿತಿ ನಿಗದಿಪಡಿಸಲಾಗಿದೆ. ಮೀಸಲಾತಿ ಅಭ್ಯರ್ಥಿಗಳಿಗೆ ವಯೋಸಡಿಲಿಕೆ ಇದೆ.
ವಿದ್ಯಾರ್ಹತೆ: ಪ್ರೌಢ ಶಿಕ್ಷಣ, ಎಸ್ಸೆಸ್ಸೆಲ್ಸಿ, ದ್ವಿತೀಯ ಪಿಯುಸಿ, ಪದವಿ ಪಡೆದಿರಬೇಕು. ಹುದ್ದೆಗೆ ಅನುಗುಣವಾಗಿ ಸ್ಟೋರ್ ಹಾಗೂ ಅಕೌಂಟ್ಸ್ನಲ್ಲಿ ಅನುಭವ, ನಿಮಿಷಕ್ಕೆ 35 ಪದ ಇಂಗ್ಲಿಷ್, 30 ಪದ ಹಿಂದಿ ಟೈಪಿಂಗ್ ತಿಳಿದಿರಬೇಕು, ಕೇಟರಿಂಗ್ನಲ್ಲಿ ಡಿಪ್ಲೊಮಾ, ಕಾರ್ಪೆಂಟರ್ ವಿಷಯದಲ್ಲಿ ಇಂಡಸ್ಟ್ರಿಯಲ್ ಟ್ರೇನಿಂಗ್ ಇನ್ಸ್ಟಿಟ್ಯೂಟ್ನಿಂದ ಪ್ರಮಾಣಪತ್ರ, ಸಿವಿಲ್ ಡ್ರೈವಿಂಗ್ ಲೈಸೆನ್ಸ್ ಜತೆ ವೃತ್ತಿ ಅನುಭವ, ಫೈರ್ ಫೈಟಿಂಗ್ನಲ್ಲಿ ತರಬೇತಿ ಪಡೆದಿರಬೇಕು.
ಆಯ್ಕೆ ಪ್ರಕ್ರಿಯೆ: ಅಭ್ಯರ್ಥಿಗಳ ವಯಸ್ಸು, ಕನಿಷ್ಠ ವಿದ್ಯಾರ್ಹತೆ, ದಾಖಲೆ, ಪ್ರಮಾಣಪತ್ರ, ಅರ್ಹತೆಗಳನ್ನು ಆಧರಿಸಿ ಶಾರ್ಟ್ಲಿಸ್ಟ್ ಮಾಡಲಾದ ಅಭ್ಯರ್ಥಿಗಳನ್ನು ಲಿಖಿತ ಪರೀಕ್ಷೆಗೆ ಆಹ್ವಾನಿಸಲಾಗುವುದು. ಇದರಲ್ಲಿ 1:10ರ ಅನುಪಾತದಲ್ಲಿ ಆಯ್ಕೆಮಾಡಲಾದ ಅಭ್ಯರ್ಥಿಗಳನ್ನು ಕೌಶಲ/ ದೈಹಿಕ/ ಪ್ರಾಕ್ಟಿಕಲ್ ಪರೀಕ್ಷೆಗೆ ಒಳಪಡಿಸಲಾಗುವುದು. ಇದರಲ್ಲಿ ಆಯ್ಕೆಯಾಗುವ ಅಭ್ಯರ್ಥಿಗಳನ್ನು ದಾಖಲೆ ಪರಿಶೀಲನೆಗೆ ಆಹ್ವಾನಿಸಿ ಅಂತಿಮ ಆಯ್ಕೆ ಮಾಡಲಾಗುವುದು.
ಅರ್ಜಿ ಸಲ್ಲಿಸಲು ಕೊನೇ ದಿನ: 1.12.2021 (ಎಂಪ್ಲಾಮೆಂಟ್ ನ್ಯೂಸ್ನಲ್ಲಿ ಜಾಹೀರಾತು ಪ್ರಕಟವಾದ 30ದ ದಿನದ ಒಳಗೆ)
ಅಧಿಸೂಚನೆಗೆ: https://bit.ly/3BZmM0N (ಎಂಪ್ಲಾಮೆಂಟ್ ನ್ಯೂಸ್ನ ಅ.30ರ ಸಂಚಿಕೆ ಪುಟ 24)
ಬೀದರ್ ಪಶುವೈದ್ಯ ವಿವಿಯಲ್ಲಿದೆ 94 ಬೋಧಕ ಹುದ್ದೆಗಳು: ಅರ್ಜಿ ಆಹ್ವಾನ- 2.18 ಲಕ್ಷ ರೂ.ವರೆಗೆ ಸಂಬಳ
ಡಿಪ್ಲೋಮಾ, ಬಿಇ ಪದವೀಧರರಾ? ಕೊಂಕಣ್ ರೈಲ್ವೆಯಲ್ಲಿದೆ 139 ಹುದ್ದೆಗಳು: ಅರ್ಜಿ ಆಹ್ವಾನ