ಒಟ್ಟಾವಾ (ಕೆನಡಾ): ಲೈಂಗಿಕ ಕ್ರಿಯೆ ನಡೆಸುವ ವೇಳೆ, ಸಂಗಾತಿಯ ಅನುಮತಿ ಇಲ್ಲದೆಯೇ ಕಾಂಡೋಮ್ ತೆಗೆಯುವುದು ಅಪರಾಧವಾಗಿದೆ ಎಂದು ಕೆನಡಾದ ಸುಪ್ರೀಂಕೋರ್ಟ್ ತೀರ್ಪು ನೀಡಿದೆ.
ಗರ್ಭನಿರೋಧಕ ಮತ್ತು ಸುರಕ್ಷೆ ನೀಡುವ ಕಾಂಡೋಮ್ ಅನ್ನು ಸಂಗಾತಿಯ ಅನುಮತಿ ಇಲ್ಲದೇ ತೆಗೆದರೆ, ಅಂಥ ವ್ಯಕ್ತಿ ಕಾನೂನಿನ ಅನ್ವಯ ಗಂಭೀರ ಶಿಕ್ಷೆಯನ್ನು ಎದುರಿಸಬೇಕಾಗುತ್ತದೆ ಎಂದು ಕೋರ್ಟ್ ಹೇಳಿದೆ. ತನ್ನ ಅರಿವಿಗೆ ಬಾರದೇ ಪ್ರಿಯಕರ ಕಾಂಡೋಮ್ ತೆಗೆದು ಲೈಂಗಿಕ ಕ್ರಿಯೆ ನಡೆಸಿದ್ದರ ವಿರುದ್ಧ ಮಹಿಳೆಯೊಬ್ಬರು ಸಲ್ಲಿಸಿದ್ದ ಅರ್ಜಿಗೆ ಸಂಬಂಧಿಸಿದಂತೆ ಈ ತೀರ್ಪು ನೀಡಲಾಗಿದೆ.
ಮೊದಲಿಗೆ ತನ್ನ ಎದುರು ಕಾಂಡೋಮ್ ಧರಿಸಿ, ಲೈಂಗಿಕ ಕ್ರಿಯೆ ನಡೆಸುವಾಗ ಗೊತ್ತಿಲ್ಲದಂತೆಯೇ ಅದನ್ನು ತನ್ನ ಪ್ರಿಯಕರ ತೆಗೆದಿರುವ ಕಾರಣದಿಂದ ತನಗೆ ಎಚ್ಐವಿ ಸೋಂಕು ಬಂದಿರುವುದಾಗಿ ಮಹಿಳೆ ವಾದಿಸಿದ್ದರು. 2017ರಲ್ಲಿ ಆನ್ಲೈನ್ನಲ್ಲಿ ತಮ್ಮ ಪರಿಚಯವಾಗಿತ್ತು. ಪರಿಚಯವು ದೈಹಿಕ ಸಂಪರ್ಕದವರೆಗೆ ತಿರುಗಿತ್ತು. ಕಾಂಡೋಮ್ ಬಳಸಿ ಕ್ರಿಯೆ ನಡೆಸುವುದಾಗಿ ಆತ ಹೇಳಿದ್ದ. ಆದರೆ ಆತ ಅದನ್ನು ತೆಗೆದಿರುವುದು ನನ್ನ ಅರಿವಿಗೆ ಬಂದಿರಲಿಲ್ಲ. ಎಚ್ಐವಿ ಸೋಂಕು ತಗುಲಿದಾಗಲೇ ನನಗೆ ಇದು ತಿಳಿಯಿತು ಎಂದು ಮಹಿಳೆ ದೂರಿದ್ದಾರೆ.
ಕಾಂಡೋಮ್ ಇಲ್ಲದೆಯೂ ಲೈಂಗಿಕತೆಗೆ ಆಕೆ ಅನುಮತಿಸಿದ್ದಳು ಎಂದು ಆರೋಪಿ ವಾದಿಸಿದ್ದರಿಂದ ಕೆಳಹಂತದ ಕೋರ್ಟ್ ಮಹಿಳೆಯ ಅರ್ಜಿಯನ್ನು ವಜಾ ಮಾಡಿತ್ತು. ಇದನ್ನು ಆಕೆ ಸುಪ್ರೀಂಕೋರ್ಟ್ನಲ್ಲಿ ಪ್ರಶ್ನಿಸಿದ್ದಳು. ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿರುವ ಕೋರ್ಟ್, ಸಂಗಾತಿಯ ಅನುಮತಿಯಿಲ್ಲದೇ ಸಂಭೋಗದ ವೇಳೆ ಕಾಂಡೋಮ್ ತೆಗೆಯುವುದೂ ಅಪರಾಧ ಎಂದು ಹೇಳಿದೆ.
ಲೈಂಗಿಕ ಕ್ರಿಯೆಯು ಮೂಲಭೂತವಾದ ಮತ್ತು ಸಕಾರಾತ್ಮಕವಾಗಿರುವ ವಿಭೀನ್ನ ಕ್ರಿಯೆ. ಇದು ಸುರಕ್ಷಿತವಾಗಿ ಇರಬೇಕು ಎಂದರೆ ಕಾಂಡೋಮ್ ಬಳಸಬೇಕು. ಒಬ್ಬರ ಅನುಮತಿ ಇಲ್ಲದೆಯೇ ಕಾಂಡೋಮ್ ತೆಗೆದು ಕ್ರಿಯೆಯಲ್ಲಿ ತೊಡಗಿಸಿಕೊಳ್ಳುವುದು ಅಪರಾಧ. ಹೀಗೆ ಮಾಡಿದವರು ಅಪರಾಧಿಯಾಗುತ್ತಾರೆ. ಬ್ರಿಟನ್ ಮತ್ತು ಸ್ವಿಜರ್ಲೆಂಡ್ನಲ್ಲಿಯೂ ಇದಾಗಲೇ ಇಂಥದ್ದೇ ತೀರ್ಪುಗಳನ್ನು ಕೋರ್ಟ್ಗಳು ನೀಡಿವೆ ಎಂದು ನ್ಯಾಯಮೂರ್ತಿಗಳು ಹೇಳಿದರು. ಈ ಹಿನ್ನೆಲೆಯಲ್ಲಿ ಈಗ ಈ ವ್ಯಕ್ತಿ ಕಾನೂನಿನ ಅನ್ವಯ ಕಠಿಣ ಶಿಕ್ಷೆಗೆ ಅರ್ಹ ಎಂದಿದೆ ಕೋರ್ಟ್ (ಏಜೆನ್ಸೀಸ್)
ಸಂಸಾರ ಮಾಡಲು ಒಪ್ಪದ ಪತ್ನಿ, ವಿಚ್ಛೇದನಕ್ಕೂ ರೆಡಿ ಇಲ್ಲ, ಪತಿಗಿರುವ ಕಾನೂನು ಅವಕಾಶಗಳೇನು?