ಸಿಡ್ನಿ: ಆಸ್ಟ್ರೇಲಿಯಾದ ಸಿಡ್ನಿಯಲ್ಲಿ ಹುಟ್ಟಿರುವ ನವಜಾತ ಗಂಡು ಮಗುವಿಗೆ ಡೋಮಿನಾಸ್ ಪಿಜ್ಜಾ ಸಂಸ್ಥೆ ಭರ್ಜರಿ ಆಫರ್ ನೀಡಿದೆ. ಅದೇನೆಂದರೆ ಮುಂದಿನ 60 ವರ್ಷಗಳವರೆಗೆ ಉಚಿತವಾಗಿ ಪಿಜ್ಜಾ ನೀಡಲಿದೆ.
ಇಂಥದ್ದೊಂದು ವಿಶೇಷ ಆಫರ್ ಮಗುವಿಗೆ ಕೊಟ್ಟಿರುವುದು ಏಕೆ ಗೊತ್ತಾ? ಅದರ ಹೆಸರಿನಿಂದಾಗಿ. ನಿಜ. ಹಾಗಿದ್ದರೆ ಆ ಮಗುವಿಗೆ ಅದೆಂಥ ಹೆಸರು ಇಟ್ಟಿರಬಹುದು ಎಂದು ನೀವು ಊಹಿಸಬಹುದು. ಮಗುವಿಗೆ ಇಟ್ಟಿರುವ ಹೆಸರು ಡೊಮಿನಿಕ್ ಜೂಲಿಯನ್ ಲಾಟ್.
ಈ ಹೆಸರು ಡೊಮಿನಿಕ್ ಸಂಸ್ಥೆಗೆ ತುಂಬಾ ಖುಷಿ ತಂದಿದೆ. ತಮ್ಮದೇ ಸಂಸ್ಥೆಯ ಹೆಸರನ್ನು ಮಗುವಿಗೆ ಇಟ್ಟಿರುವುದರಿಂದ ಈ ಉಡುಗೊರೆ ಎಂದಿದೆ.
ಅಷ್ಟಕ್ಕೂ ಈ ಉಡುಗೊರೆ ನೀಡಿರುವ ಹಿಂದೆ ಕಾರಣವೂ ಇದೆ. ಡೊಮಿನಿಕ್ ಸಂಸ್ಥೆಗೆ ಇದೀಗ 60ರ ಹರೆಯ. ಇದು ತನ್ನ 60ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದೆ. ಇದೇ ಸಮಯದಲ್ಲಿ ಈ ಮಗುವೂ ಹುಟ್ಟಿದ್ದು, ಆ ಮಗುವಿಗೆ ಸಂಸ್ಥೆಯ ಹೆಸರನ್ನೇ ಇಟ್ಟಿರುವುದಕ್ಕೆ ಈ ಭರ್ಜರಿ ಆಫರ್ ಸಿಕ್ಕಿದೆ.
ಡಿಸೆಂಬರ್ 9ರಂದು ಸಂಸ್ಥೆಗೆ 60 ವರ್ಷ ಆಗಿದ್ದು, ಕ್ಲೆಮೆಂಟೈನ್ ಓಲ್ಡ್ಫೀಲ್ಡ್ ಹಾಗೂ ಆಂಥೋನಿ ಲಾಟ್ ದಂಪತಿಗೆ ಮಗು ಕೂಡ ಅಂದೇ ಹುಟ್ಟಿದೆ.
ಮಗುವಿನಿಂದಾಗಿ ಈ ದಂಪತಿ ಇದೀಗ ಭಾರಿ ಪ್ರಚಾರ ಗಿಟ್ಟಿಸಿಕೊಳ್ಳುತ್ತಿದ್ದಾರೆ. ಮೊದಲೇ ಗೊತ್ತಿದ್ದರೆ ಈಗ ಹುಟ್ಟಿರುವ ಮಗುವಿಗೆ ಇದೇ ಹೆಸರು ಇಡುತ್ತಿದ್ದೆವು ಎಂದು ಇತರ ದಂಪತಿ ಬೇಸರ ಪಟ್ಟಿಕೊಳ್ಳುತ್ತಿರಬಹುದೇನೋ.
ಲಿವ್ ಇನ್ ಹೆಸರಲ್ಲಿ ಗರ್ಭಿಣಿ ಮಾಡಿ ಬೀದಿಗೆ ಬಿಟ್ಟಿದ್ದಾನೆ- ಆತ್ಮಹತ್ಯೆ ಬಿಟ್ಟು ಬೇರೆನು ಮಾಡಲಿ?
ಜಗಳ ಮಾಡುವಾಗ ಮೆದುಳಿನಿಂದ ಶಬ್ದ ಬರುತ್ತಿದ್ದು, ಭಯವಾಗುತ್ತಿದೆ; ಪರಿಹಾರ ಏನು?
ಇಲ್ಲಿ ನಿರ್ಮಾಣವಾಯ್ತು ನಟ ಸೋನು ಸೂದ್ ದೇವಾಲಯ: ನಿತ್ಯವೂ ಪೂಜೆ, ಆರತಿ