ಸ್ವಿಜರ್ಲೆಂಡ್: ಇದೀಗ ಇಂಟರ್ನೆಟ್ ಸೌಲಭ್ಯ ತುಂಬಾ ಕಡಿಮೆ ದರದಲ್ಲಿ ಸಿಗುತ್ತಿದ್ದರೂ ಉಚಿತವಾಗಿ ವೈಫೈ ಪಡೆಯಲು ಏನೆಲ್ಲಾ ಸರ್ಕಸ್ ಮಾಡುವವರು ಇದ್ದಾರೆ. ಆದರೆ ಇಲ್ಲೊಂದು ಮಗುವು ಹುಟ್ಟುತ್ತಲೇ ಉಚಿತ ವೈಫೈ ಸೌಲಭ್ಯ ಪಡೆದುಕೊಂಡು ಬಂದಿದೆ, ಅದೂ ಅದರ 18 ವರ್ಷದವರೆಗೆ!
ಅಷ್ಟಕ್ಕೂ ಇದು ಹೇಗೆ ಸಾಧ್ಯ ಎಂದರೆ ಆ ಮಗುವಿನ ಹೆಸರು! ಸ್ವಿಜರ್ಲೆಂಡ್ ದಂಪತಿಗೆ ಹುಟ್ಟಿರುವ ಮಗುವಿಗೆ ಇಟ್ಟಿರುವ ಹೆಸರಿನಿಂದಾಗಿ ಅದಕ್ಕೆ ಈ ಸೌಲಭ್ಯ ಸಿಕ್ಕಿದೆ.
ಅಷ್ಟಕ್ಕೂ ಈ ಮಗುವಿಗೆ ಅದೆಂಥ ಹೆಸರು ಇಟ್ಟಿದ್ದಾರೆ ಎನ್ನುವ ಕುತೂಹಲವಿದ್ದರೆ ಕೇಳಿ, ಅದರ ಹೆಸರು ಟ್ವಿಫಿಯಾ. ಟ್ವಿಫಿಯಾ ಎನ್ನುವುದು ಮಾಮೂಲು ಹೆಸರಲ್ಲ, ಬದಲಿಗೆ ಇಂಟರ್ನೆಟ್ ಸೇವೆಯನ್ನು ಪೂರೈಕೆ ಮಾಡುವ ಕಂಪೆನಿಯ ಹೆಸರು ಇದು.
ಕಂಪೆನಿಯ ಹುಟ್ಟುಹಬ್ಬದ ನಿಮಿತ್ತ ಅದು ಒಂದು ಆಫರ್ ನೀಡಿತ್ತು. ಅದೇನೆಂದರೆ, ಇನ್ನುಮುಂದೆ ಹುಟ್ಟುವ ಮಗುವಿಗೆ ತನ್ನ ಕಂಪೆನಿಯ ಹೆಸರಾದ ಟ್ವಿಫಿ, ಟ್ವಿಫಿಯಾ ಅಥವಾ ಟ್ವಿಫಿಯಸ್ ಇಟ್ಟರೆ ಆ ಮಗುವಿಗೆ ಕನಿಷ್ಠ 18 ವರ್ಷದ ವರೆಗೆ ಉಚಿತವಾಗಿ ವೈಫೈ ಸೌಲಭ್ಯ ನೀಡಲಾಗುವುದು ಎಂದು. ತನ್ನ ಫೇಸ್ಬುಕ್ ಖಾತೆಯಲ್ಲಿ ಈ ವಿಷಯ ತಿಳಿಸಿದ್ದ ಕಂಪೆನಿ, ಅಂಥ ಹೆಸರು ಇಟ್ಟಿರುವ ಮಗುವಿನ ಜನನ ಪ್ರಮಾಣಪತ್ರವನ್ನು ಹಾಗೂ ಹೆಸರು ಇಟ್ಟಿರುವ ದಾಖಲೆಗಳನ್ನು ಅಪ್ಲೋಡ್ ಮಾಡುವಂತೆ ಹೇಳಿತ್ತು.
ಇದನ್ನೂ ಓದಿ: ವಿಚ್ಛೇದಿತ ಅಕ್ಕನನ್ನು ರೇಪ್ ಮಾಡಿದ ತಮ್ಮಂದಿರು; ಹೊಡೆದು ಬಾಯಿ ಮುಚ್ಚಿಸಿದ ಪಾಲಕರು
ಅದರಂತೆ ಈ ದಂಪತಿ ಮಾಡಿದ್ದಾರೆ. ಆದ್ದರಿಂದ ಅವರ ಮಗುವಿಗೆ 18 ವರ್ಷ ಉಚಿತ ವೈಫೈ ಸಿಗಲಿದೆ. ಈಗ ದಂಪತಿ ಭವಿಷ್ಯದ ಲೆಕ್ಕಾಚಾರ ಹಾಕಿದ್ದಾರೆ. ಮಗುವಿಗೆ ಉಚಿತ ವೈಫೈ ಎಂದರೆ ಅದು ಅಪ್ಪ-ಅಮ್ಮನಿಗೆ ಸಿಕ್ಕಂತೆ ಅಲ್ಲವೆ? ಅದಕ್ಕಾಗಿ ಈ ಮುಂದಿನ 18 ವರ್ಷ ತಾವು ಇಂಟರ್ನೆಟ್ ಸೇವೆಗೆ ಎಷ್ಟು ಹಣ ಖರ್ಚು ಮಾಡುತ್ತಿದ್ದೆವೋ, ಅಷ್ಟು ಹಣವನ್ನು ಅವರು ಉಳಿತಾಯ ಮಾಡಲಿದ್ದಾರಂತೆ. ನಂತರ ಮಗುವಿಗೆ 18 ವರ್ಷ ತುಂಬಿದಾಗ ಆ ಉಳಿತಾಯದ ಹಣದಲ್ಲಿ ಕಾರು ಅಥವಾ ಇನ್ನಾವುದಾದರೂ ವಸ್ತುವನ್ನು ಮಗುವಿಗೆ ಗಿಫ್ಟ್ ಕೊಡಲಿದ್ದಾರಂತೆ.
ಮೊದಲು ಇಂಥದ್ದೊಂದು ಹೆಸರು ಮಗಳಿಗೆ ಇಡಲು ಮುಜುಗರವಾಯಿತು. ಹೆಸರು ಮನುಷ್ಯರಿಗೆ ಸ್ವಲ್ಪ ವಿಚಿತ್ರ ಎನಿಸಿತು. ಆದರೂ ನಂತರ ಇದೊಂದು ಡಿಫರೆಂಟ್ ಹೆಸರು ಎನಿಸಿ ಇಟ್ಟಿರುವುದಾಗಿ ದಂಪತಿ ಹೇಳಿದ್ದಾರೆ.
ನನ್ನಮ್ಮನ ಜತೆ 3 ಬಾರಿ ಮದುವೆಯಾಗಿ ಸೆಕ್ಸ್ ಮಾಡುವಾಗ ಅಪ್ಪ ತೀರಿಕೊಂಡರು – ಆತ್ಮಚರಿತ್ರೆಯಲ್ಲಿ ಆಸ್ಕರ್ ವಿಜೇತ
ಬೆಂಗಳೂರಿನಲ್ಲಿ ಭಯಾನಕ ಘಟನೆ: ಚಾಕು ಹಿಡಿದು ಕಂಡಕಂಡವರ ಮೇಲೆ ಹಲ್ಲೆ- ಒಬ್ಬನ ಸಾವು