ಬೆಂಗಳೂರು: ರಾಜ್ಯ ಬಿಜೆಪಿ ಸರ್ಕಾರಕ್ಕೆ ಮೂರು ವರ್ಷ ತುಂಬಿದ ಹಿನ್ನೆಲೆಯಲ್ಲಿ, ಪತ್ರಿಕಾಗೋಷ್ಠಿ ನಡೆಸುತ್ತಿರುವ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿಯವರು ಈ ವರ್ಷಗಳಲ್ಲಿ ತಮ್ಮ ಸರ್ಕಾರ ಮಾಡಿರುವ ಸಾಧನೆಗಳನ್ನು ಹೇಳಿಕೊಂಡಿದ್ದಾರೆ.
ಬಿಜೆಪಿ ಕಾರ್ಯಕರ್ತ ಪ್ರವೀಣ್ ಅವರ ಹತ್ಯೆಯ ಹಿನ್ನೆಲೆಯಲ್ಲಿ ಸಾಧನಾ ಸಮಾವೇಶವನ್ನು ರದ್ದು ಮಾಡಿರುವ ಸಿಎಂ, ಪತ್ರಿಕಾಗೋಷ್ಠಿಯಲ್ಲಿ ಸರ್ಕಾರದ ಸಾಧನೆಗಳ ಕುರಿತು ವಿವರಣೆ ನೀಡಿದ್ದಾರೆ. ಇದೇ ವೇಳೆ ಪತ್ರಕರ್ತರು ಕೇಳಿರುವ ಕೆಲವು ಪ್ರಶ್ನೆಗಳಿಗೆ ಹೀಗೆ ಉತ್ತರಿಸಿದ್ದಾರೆ.
* ಕಠಿಣ ಕ್ರಮದ ಸರ್ಕಾರ ಎಂದು ಜನ ಟೀಕಿಸುತ್ತಿದ್ದಾರೆ, ಏನಿಸುತ್ತದೆ?
ನಾವು ಬಾಯಿ‌ಮಾತಲ್ಲಿ ಹೇಳಲ್ಲ, ಮಾಡಿ ತೋರಿಸಿದ್ದೇವೆ. ಶಿವಮೊಗ್ಗದಲ್ಲಿ, ಡಿಜೆ ಹಳ್ಳಿ ಕೆಜಿ ಹಳ್ಳಿ ಪ್ರಕರಣದಲ್ಲಿ ಕಠಿಣ ಕ್ರಮ ಕೈಗೊಂಡಿದ್ದೇವೆ.
*ಉತ್ತರ ಪ್ರದೇಶದ ಮಾಡೆಲ್ ಇಲ್ಲೂ ಆಗಬೇಕು ಎಂಬ ಕೂಗು ಇದೆ, ನಿಮಗೂ ಅನಿಸಿದೆಯೇ?
ಉ. ಪ್ರದೇಶದಲ್ಲಿ ಅಲ್ಲಿನ ಸ್ಥಿತಿಗೆ ಸಿಎಂ ಯೋಗಿ ಆದಿತ್ಯನಾಥ ಸರಿ ಇದ್ದಾರೆ. ಪ್ರಸಂಗ ಎದುರಾದರೆ ಅದೇ ಮಾಡೆಲ್ ಇಲ್ಲೂ ಬರುತ್ತದೆ.
*ಹಿಂದುಗಳ ರಕ್ಷಣೆಗೆ ಸರ್ಕಾರಕ್ಕೆ ಬದ್ಧತೆ ಎಂದು ಚುನಾವಣೆಗೆ ಮೊದಲು ಹೇಳಿದ್ದೀರಿ? ಪಿಎಫ್ಐ ಬ್ಯಾನ್ ಏಕಿಲ್ಲ?
ಬ್ಯಾನ್ ಮಾಡುವುದು ಕೇಂದ್ರ. ರಾಜ್ಯದಿಂದ ವರದಿ ಕಳಿಸಿದ್ದೇವೆ. ಇಡೀ ದೇಶದಲ್ಲಿ ಒಂದು ತೀರ್ಮಾನ ಆಗುತ್ತದೆ. ಯಾವ ಯಾವ ವರದಿ ಕಳಿಸಬೇಕೋ ಕೊಟ್ಟಿದ್ದೇವೆ. ಆ ಪ್ರಕ್ರಿಯೆ ಪ್ರಾರಂಭ ಆಗಿದೆ. ಆದಷ್ಟು ಬೇಗ ಕೇಂದ್ರದಿಂದ ತೀರ್ಮಾನ ಹೊರಬರುತ್ತದೆ.
*ನಿಮ್ಮ ಸರ್ಕಾರಕ್ಕೆ ನೀವು ಎಷ್ಟು ಅಂಕ ಎಷ್ಟುಕೊಡುತ್ತೀರಿ?
ಜನ ನೂರಕ್ಕೆ ನೂರು ಅಂಕ ಕೊಟ್ಟಿದ್ದಾರೆ.
*ನಲವತ್ತು ಪರ್ಸೆಂಟ್ ಸರ್ಕಾರದ ಆರೋಪ ಬಂದಿತ್ತು, ಈಗ ಏನಾಗಿದೆ?
ಯಾರು ಯಾರೊಬ್ಬರಿಗೆ ನಲವತ್ತು ಪರ್ಸೆಂಟ್ ಕೊಟ್ಟಿದ್ದಾರೆ. ಅದು ಕಾಂಗ್ರೆಸ್ ಪ್ರೇರಿತ ಆರೋಪ.
*ಮಲೆನಾಡು, ಕರಾವಳಿ ಕೊಲೆಯಾಗಲು ನಿಮ್ಮ ನಾಯಕರು ಕೊಡುವ ಹೇಳಿಕೆ ಕಾರಣವಲ್ಲವೇ?
ಯಾರೂ ಪ್ರಚೋದನೆ ಹೇಳಿಕೆ ಕೊಟ್ಟಿಲ್ಲ.
*ನಾವು ಭಾಗ್ಯ ಕೊಟ್ಟೆವು ಬಿಜೆಪಿಯವರು ಒಂದಾದರೂ ಯೋಜನೆ ಹೇಳಲಿ ಎಂದು ಸಿದ್ದರಾಮಯ್ಯ ಪ್ರಶ್ನಿಸಿದ್ದಾರೆ, ಏನಂತೀರಿ?
ಅವರು ಭಾಗ್ಯ ಒಂದೂ ಜನರಿಗೆ ತಲುಪಲಿಲ್ಲ, ತಲುಪಿದ್ದು ದೌರ್ಭಾಗ್ಯ. ಅವರ ಯೋಜನೆ ಜನರಿಗೆ ತಲುಪಿದ್ದರೆ 120 ಸ್ಥಾನದಿಂದ ಎಪ್ಪತ್ತು ಸ್ಥಾನಕ್ಕೆ ಏಕೆ ಬರುತ್ತಿದ್ದರು.
*ಸಂಪುಟ ಸೇರುವ ಆಕಾಂಕ್ಷಿಗಳಿಗೆ ನೀವು ಸಿಹಿ ಸುದ್ದಿ ಕೊಡುತ್ತೀರಾ?
ನಡ್ಡಾ ಅವರು ಬಂದಿದ್ದರೆ ಈ ವಿಷಯ ಪ್ರಸ್ತಾಪ ಮಾಡುತ್ತಿದ್ದೆ, ಮುಂದಿನ ಭೇಟಿ ವೇಳೆ ಚರ್ಚೆಮಾಡುತ್ತೇನೆ.
VIDEO: ಬಿಜೆಪಿ ಸರ್ಕಾರಕ್ಕೆ ಮೂರು ವರ್ಷ: ಸಾಧನೆಯ ಹಾದಿ ವಿವರಿಸಿದ ಸಿಎಂ ಬೊಮ್ಮಾಯಿ…
ಪ್ರತಿ ಜಿಲ್ಲೆಗೂ ಉಸ್ತುವಾರಿ ಕಾರ್ಯದರ್ಶಿ ನೇಮಿಸಿದ ಸರ್ಕಾರ: ಸಂಪೂರ್ಣ ಡಿಟೇಲ್ಸ್ ಇಲ್ಲಿದೆ…