ಮಾಸ್ಕೋ: ಸ್ನಾನದ ಕೋಣೆಗೆ ಮೊಬೈಲ್ ತೆಗೆದುಕೊಂಡು ಹೋದ ಯುವತಿಯೊಬ್ಬಳು ವಿದ್ಯುತ್ ಶಾಕ್ನಿಂದ ದುರಂತ ಸಾವಿಗೀಡಾಗಿರುವ ಘಟನೆ ರಷ್ಯಾದ ಅರ್ಖಾಂಗೆಲ್ಸ್ಕ್ ನಗರದಲ್ಲಿ ನಡೆದಿದೆ.
ಒಲೆಸ್ಯಾ ಸೆಮೆನೋವಾ (24) ಮೃತ ಯುವತಿ. ಸ್ನಾನದ ಕೋಣೆಗೆ ತನ್ನ ಐಫೋನ್ ತೆಗೆದುಕೊಂಡು ಹೋಗಿದ್ದ ಒಲೆಸ್ಯಾ, ಚಾರ್ಜ್ಗೆ ಹಾಕಿ ಸ್ನಾನ ಮಾಡುವಾಗ ಆಕಸ್ಮಿಕವಾಗಿ ಚಾರ್ಜಿಂಗ್ ಐಫೋನ್ ಬಾತ್ಟಬ್ ಒಳಗೆ ಬಿದ್ದಿದೆ. ಇದರಿಂದ ವಿದ್ಯುತ್ ಶಾಕ್ ಹೊಡೆದು ಮೃತಪಟ್ಟಿದ್ದಾಳೆ.
ಒಲೆಸ್ಯಾ ಸಾವಿನ ಬಗ್ಗೆ ಮಾತನಾಡಿರುವ ಆಕೆಯ ಸ್ನೇಹಿತೆ ದರಿಯಾ, ಆಕೆಯನ್ನು ನೋಡಿದ ನನಗೆ ಶಾಕ್ ಆಯಿತು. ಒಮ್ಮೆ ಜೋರಾಗಿ ಕೂಗಿದೆ. ಆದರೆ, ಅಷ್ಟರಲ್ಲಾಗಲದೇ ಆಕೆ ಮುಖ ಬಾಡಿದಂತಿತ್ತು. ಉಸಿರಾಟ ಇರಲಿಲ್ಲ. ಬದುಕಿದ್ದಾಳೆಂಬ ಯಾವ ಸೂಚನೆಯು ಇರಲಿಲ್ಲ. ಇದರಿಂದ ಮತ್ತಷ್ಟು ಗಾಬರಿಗೊಂಡೆ. ಆಕೆಯನ್ನು ಮುಟ್ಟಿದಾಗ ನನಗೂ ವಿದ್ಯುತ್ ಶಾಕ್ ಹೊಡೆಯಿತು. ಬಾತ್ಟಬ್ನಲ್ಲಿ ಸ್ಮಾರ್ಟ್ಫೋನ್ ಇತ್ತು. ಅದು ಚಾರ್ಜ್ ಆಗುತ್ತಿತ್ತು ಎಂದು ಹೇಳಿದ್ದಾಳೆ.
ಇದನ್ನೂ ಓದಿ: ಸುಂದರವಾಗಿದ್ದ ಈಕೆಯ ಮುಖ ಹೀಗೇಕಾಯಿತು? ಹುಡುಗಿಯ ಮಾತು ಕೇಳಿದ್ರೆ ಶಾಕ್ ಆಗ್ತೀರಾ..!
ಒಲೆಸ್ಯಾ ಬಟ್ಟೆ ಅಂಗಡಿಯಲ್ಲಿ ಕೆಲಸ ಮಾಡುತ್ತಿದ್ದಳು. ಚಾರ್ಜ್ನಲ್ಲಿರುವಾಗಲೇ ಮೊಬೈಲ್ ನೀರಿನೊಳಗೆ ಬಿದ್ದಿದ್ದರಿಂದ ದುರಂತವಾಗಿ ಮೃತಪಟ್ಟಿದ್ದಾಳೆ ಎಂದು ವೈದ್ಯರು ಸಹ ಖಚಿತಪಡಿಸಿದ್ದಾರೆ. ಇದರ ಬೆನ್ನಲ್ಲೇ ಬಾತ್ಟಬ್ನಲ್ಲಿ ಒಲೆಸ್ಯಾ ಸ್ನಾನ ಮಾಡುತ್ತಿರುವ ವರ್ಷದ ಹಿಂದಿನ ವಿಡಿಯೋವೊಂದು ವೈರಲ್ ಆಗಿದೆ.
ಇದೀಗ ಒಲೆಸ್ಯಾ ಸಾವಿನಿಂದ ಎಚ್ಚೆತ್ತಿರುವ ರಷ್ಯಾದ ತುರ್ತು ಸಚಿವಾಲಯ ಎಚ್ಚರಿಕೆ ಸಂದೇಶವನ್ನು ರವಾನಿಸಿದೆ. ನೀರು ಮತ್ತು ವಿದ್ಯುತ್ ಉಪಕರಣಗಳು ಒಂದಕ್ಕೊಂದು ಹೊಂದಿಕೆಯಾಗುವುದಿಲ್ಲ ಎಂಬುದು ಈ ದುರಂತವು ಮತ್ತೊಮ್ಮೆ ನಮಗೆ ನೆನಪಿಸುತ್ತದೆ. ಯಾವುದೇ ಮೊಬೈಲ್ ಸಾಧನವಾಗಿರಲಿ ಅಪಾಯ ಸಂಭವಿಸುವ ಸಾಧ್ಯತೆ ಇದೆ ಎಂದಿರುವ ರಷ್ಯಾ ಸರ್ಕಾರ ಇಂತಹ ಘಟನೆಗಳು ಮರುಕಳಿಸದಂತೆ ಎಚ್ಚರಿಕೆ ವಹಿಸಿ ಎಂದಿದೆ.
ಇಂತಹ ದುರಂತಗಳು ಇದೇ ಮೊದಲೇನಲ್ಲ. ಕಳೆದ ಆಗಸ್ಟ್ನಲ್ಲಿ ಸ್ನಾನ ಮಾಡುವಾಗ ವಿದ್ಯುತ್ ಶಾಕ್ನಿಂದ 15 ವರ್ಷದ ಶಾಲಾ ಬಾಲಕಿ ಅನ್ನಾ ಕೆ ಮೃತಪಟ್ಟಿದ್ದಳು. ಕಳೆದ ವರ್ಷ ಲಿಲಿಯಾ ನೊವಿಕೊವಾ (26) ಬಾತ್ರೂಮ್ನಲ್ಲಿ ಕರೆಂಟ್ ಶಾಕ್ನಿಂದ ಜೀವ ಕಳೆದುಕೊಂಡಿದ್ದರು. (ಏಜೆನ್ಸೀಸ್)
ಮದ್ವೆಯಾದ ಹತ್ತೇ ದಿನದಲ್ಲಿ ಗಂಡನ ಕಳೆದುಕೊಂಡ ನವವಿವಾಹಿತೆಗೆ ಮತ್ತೊಂದು ಆಘಾತ..!