ಮುಂಬೈ: ಸದ್ಯ 35 ರೂಪಾಯಿಗಿಂತಲೂ ಕಡಿಮೆ ಬೆಲೆ ಈ ಪೆನ್ನಿ ಸ್ಟಾಕ್ ಈಗ ಕೆಲ ದಿನಗಳಿಂದ ಸಾಕಷ್ಟು ಬೇಡಿಕೆ ಸೃಷ್ಟಿಸಿದೆ. ಇದೇ ಇನ್ಫಿಬೀಮ್ ಅವೆನ್ಯೂಸ್ ಲಿಮಿಟೆಡ್ (Infibeam Avenues Ltd.) ಷೇರು.
ಮಂಗಳವಾರದ ಇಂಟ್ರಾ ಡೇ ವಹಿವಾಟಿನಲ್ಲಿ ಈ ಷೇರು ತನ್ನ 52 ವಾರಗಳ ಗರಿಷ್ಠ ಬೆಲೆಯಾದ 38.50 ರೂಪಾಯಿ ತಲುಪಿತು. ಈ ಸ್ಟಾಕ್ ಕೇವಲ 5 ವಹಿವಾಟಿನ ದಿನಗಳಲ್ಲಿ ಅಂದಾಜು 29 ಪ್ರತಿಶತದಷ್ಟು ಏರಿಕೆಯನ್ನು ಕಂಡಿದೆ. ಒಂದು ತಿಂಗಳಲ್ಲಿ ಶೇಕಡಾ 61.63ರಷ್ಟು ಹೆಚ್ಚಳವನ್ನು ಕಂಡಿದೆ.
ಕೇವಲ ಒಂದು ತಿಂಗಳಲ್ಲಿ ಇದು ತನ್ನ ಹೂಡಿಕೆದಾರರ ಹಣವನ್ನು ಒಂದೂವರೆ ಪಟ್ಟು ಹೆಚ್ಚು ಮಾಡಿದೆ. ಈ ಮಿಡ್-ಕ್ಯಾಪ್ ಸ್ಟಾಕ್ ಬಗ್ಗೆ ತಜ್ಞರ ಅಭಿಪ್ರಾಯವು ಸ್ಟ್ರಾಂಗ್ ಬೈ ಆಗಿದೆ. ಅಂದರೆ, ಈ ಷೇರು ಖರೀದಿಸಿದರೆ ಮುಂದಿನ ದಿನಗಳಲ್ಲಿ ಲಾಭ ನೀಡುವ ಸಾಧ್ಯತೆ ಅಧಿಕವಾಗಿದೆ ಎಂಬುದು ಅವರ ಅಂದಾಜು.
ಷೇರುಗಳ ಕಾರ್ಯಕ್ಷಮತೆ ಅತ್ಯುತ್ತಮವಾಗಿದ್ದು, ಇದು ಉತ್ತಮ ಹೂಡಿಕೆಯ ಅವಕಾಶವಾಗಿದೆ. ಆದಾರೂ, ಯಾವುದೇ ಹೂಡಿಕೆ ನಿರ್ಧಾರವನ್ನು ತೆಗೆದುಕೊಳ್ಳುವ ಮೊದಲು, ಖಂಡಿತವಾಗಿಯೂ ಪರಿಣಿತರ ಸಲಹೆಗಾರರ ಸಲಹೆಯನ್ನು ತೆಗೆದುಕೊಂಡು ಮುಂದುವರಿಯುವುದು ಉತ್ತಮ.
26 ಅಕ್ಟೋಬರ್ 2018 ರಂದು, ಈ ಕಂಪನಿಯ ಒಂದು ಷೇರು ಬೆಲೆ ರೂ 7.49 ಆಗಿತ್ತು. ಅಲ್ಲಿಂದ ಇಲ್ಲಿಯವರೆಗೆ ಅಂದಾಜು ಐದು ಪಟ್ಟು ಹೆಚ್ಚಾಗಿದೆ. ಈ ವರ್ಷ ಇದುವರೆಗೆ ಶೇಕಡಾ 54 ಕ್ಕಿಂತ ಹೆಚ್ಚು ಆದಾಯವನ್ನು ನೀಡಿದೆ. ಅಂದರೆ, ಕೇವಲ 29 ದಿನಗಳಲ್ಲಿ ತನ್ನ ಹೂಡಿಕೆದಾರರ 1 ಲಕ್ಷ ರೂ.ಗಳನ್ನು 1.56 ಲಕ್ಷ ರೂ.ಗೆ ಪರಿವರ್ತಿಸಿದೆ.
ಕಳೆದ ವರ್ಷದಲ್ಲಿ ಹಣ ದುಪ್ಪಟ್ಟಾಗಿದೆ. ಈ ಅವಧಿಯಲ್ಲಿ ಇನ್ಫಿಬೀಮ್ ಅವೆನ್ಯೂಸ್ 112 ಪ್ರತಿಶತದಷ್ಟು ಆದಾಯವನ್ನು ನೀಡಿದೆ. ಈ ಷೇರಿನ 52 ವಾರದ ಕನಿಷ್ಠ ಬೆಲೆ 12.85 ರೂಪಾಯಿ.
ಸ್ಟಾಕ್ ಏಕೆ ಏರುತ್ತಿದೆ?:
ಈ ಸ್ಟಾಕ್‌ನ ಏರಿಕೆಯ ಹಿಂದಿನ ಒಂದು ಕಾರಣವೆಂದರೆ ಗುಜರಾತ್ ಸರ್ಕಾರದೊಂದಿಗಿನ ಒಪ್ಪಂದ. ವಾಸ್ತವವಾಗಿ, ವೈಬ್ರೆಂಟ್ ಗುಜರಾತ್ ಗ್ಲೋಬಲ್ ಶೃಂಗಸಭೆ 2024ರಲ್ಲಿ ಈ ಕಂಪನಿಯು ಗುಜರಾತ್ ಸರ್ಕಾರದೊಂದಿಗೆ 2,000 ಕೋಟಿ ರೂಪಾಯಿ ಮೌಲ್ಯದ ಒಪ್ಪಂದಕ್ಕೆ ಸಹಿ ಹಾಕಿದೆ.
ಇನ್ಫಿಬೀಮ್ ಅವೆನ್ಯೂಸ್ ಮತ್ತು ಗುಜರಾತ್ ಸರ್ಕಾರದ ನಡುವಿನ ಈ ತಿಳಿವಳಿಕೆ ಒಪ್ಪಂದವು ಭಾರತದ AI (ಕೃತಕ ಬುದ್ಧಿಮತ್ತೆ- ಆರ್ಟಿಫಿಷಿಯಲ್ ಇಂಟಲಿಜೆನ್ಸ್) ದೃಷ್ಟಿಕೋನವನ್ನು ಹೆಚ್ಚಿಸಲು ಮತ್ತು AI ಸಾಧನಗಳನ್ನು ಮತ್ತಷ್ಟು ವಿಸ್ತರಿಸುವ ನಿಟ್ಟಿನಲ್ಲಿ ಭಾರತೀಯ ಚಿಲ್ಲರೆ ವ್ಯಾಪಾರಿಗಳಲ್ಲಿ ಸಹಯೋಗವನ್ನು ಉತ್ತೇಜಿಸಲು ಕಂಪನಿಯ ಅಚಲ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ ಎಂದು ಕಂಪನಿಯು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.
ಇನ್ಫಿಬೀಮ್ ಅವೆನ್ಯೂಸ್ ಲಿಮಿಟೆಡ್ ಭಾರತೀಯ ಫಿನ್‌ಟೆಕ್ ಕಂಪನಿಯಾಗಿದೆ. ಈ ಕಂಪನಿಯು ಎಲ್ಲ ಉದ್ಯಮಗಳಲ್ಲಿ ಕಂಪನಿಗಳು ಮತ್ತು ಸರ್ಕಾರಗಳಿಗೆ ಎಂಟರ್‌ಪ್ರೈಸ್ ಸಾಫ್ಟ್‌ವೇರ್ ಪ್ಲಾಟ್‌ಫಾರ್ಮ್‌ಗಳು ಮತ್ತು ಡಿಜಿಟಲ್ ಪಾವತಿ ಪರಿಹಾರಗಳನ್ನು ನೀಡುತ್ತದೆ.
BuildaBazaar ಎಂಟರ್‌ಪ್ರೈಸ್ ಪರಿಹಾರಗಳು ಮತ್ತು ಡಿಜಿಟಲ್ ಪಾವತಿ ಪರಿಹಾರಗಳನ್ನು ಒದಗಿಸುವ ಸಾಫ್ಟ್‌ವೇರ್ ಕಂಪನಿಯಾಗಿದೆ. ಪಾವತಿ ಆಯ್ಕೆಯು ವ್ಯಾಪಾರಿಗಳಿಗೆ ಮೊಬೈಲ್ ಮತ್ತು ವೆಬ್‌ಸೈಟ್ ಮೂಲಕ 27 ಕ್ಕೂ ಹೆಚ್ಚು ಕರೆನ್ಸಿಗಳಲ್ಲಿ ಪಾವತಿಗಳನ್ನು ಸ್ವೀಕರಿಸಲು ಅನುಮತಿಸುತ್ತದೆ. ಈ ಸಾಫ್ಟ್‌ವೇರ್ ಕ್ಯಾಟಲಾಗ್ ನಿರ್ವಹಣೆ, ನೈಜ ಸಮಯದಲ್ಲಿ ಬೆಲೆ ಹೋಲಿಕೆ ಮತ್ತು ಬೇಡಿಕೆಯ ಒಟ್ಟುಗೂಡಿಸುವಿಕೆಯಂತಹ ವೈಶಿಷ್ಟ್ಯಗಳನ್ನು ನೀಡುತ್ತದೆ.
ಈ ಕಂಪನಿಯು ದೇಶೀಯ ಮತ್ತು ಅಂತಾರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ವ್ಯಾಪಾರಿಗಳು, ಕಂಪನಿಗಳು, ನಿಗಮಗಳು, ಸರ್ಕಾರಿ ಏಜೆನ್ಸಿಗಳು ಮತ್ತು ಹಣಕಾಸು ಸಂಸ್ಥೆಗಳಿಗೆ ಸೇವೆಗಳನ್ನು ಒದಗಿಸುತ್ತದೆ. ಕಂಪನಿಯು ಯುನೈಟೆಡ್ ಅರಬ್ ಎಮಿರೇಟ್ಸ್, ಸೌದಿ ಅರೇಬಿಯಾ, ಓಮನ್ ಮತ್ತು ಯುನೈಟೆಡ್ ಸ್ಟೇಟ್ಸ್‌ಗೆ ಕೂಡ ಸೇವೆಗಳನ್ನು ಒದಗಿಸುತ್ತದೆ.
ಸೋಮವಾರಷ್ಟೇ ದಾಖಲೆ ಏರಿಕೆ ಕಂಡಿದ್ದ ಷೇರು ಸೂಚ್ಯಂಕ ಮಂಗಳವಾರ 801.67 ಅಂಕ ಕುಸಿತ ಕಂಡಿದ್ದೇಕೆ?
Q3ಯಲ್ಲಿ ಬಜಾಜ್ ಫೈನಾನ್ಸ್ ಕಂಪನಿ ಲಾಭ ಮಾಡಿದರೂ ಅದರ ಷೇರು ಬೆಲೆಗಳು ಕುಸಿದಿದ್ದೇಕೆ?
53500 ಕೋಟಿ ರೂ. ಆರ್ಡರ್; 1600% ಬಂಪರ್ ಆದಾಯ: ಹೂಡಿಕೆದಾರರನ್ನು ಸೆಳೆಯುತ್ತಿದೆ ರೈಲ್ವೇ ಸಂಬಂಧಿ ಷೇರು