ಮುಂಬೈ: ಎಸ್.ಎಸ್. ರಾಜಮೌಳಿ ನಿರ್ದೇಶನದ ಮತ್ತು ಜ್ಯೂನಿಯರ್ ಎನ್ಟಿಆರ್ ಹಾಗೂ ರಾಮ್ಚರಣ್ ತೇಜ ಅಭಿನಯದ ‘ಆರ್ಆರ್ಆರ್’ ಚಿತ್ರವು ಸಿಕ್ಕಾಪಟ್ಟೆ ಸುದ್ದಿ ಮಾಡುತ್ತಿದೆ. ಆಸ್ಕರ್ ಪ್ರಶಸ್ತಿ ಕಣದಲ್ಲಿರುವುದರ ಜತೆಗೆ ಗೋಲ್ಡನ್ ಗ್ಲೋಬ್ ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡಿದೆ.
ಇದನ್ನೂ ಓದಿ: ಶಾರುಖ್ ಖಾನ್ ಚಿತ್ರವೊಂದು ಹಿಟ್ ಆಗಿ ಎಷ್ಟು ಸಮಯ ಆಯ್ತು ಗೊತ್ತಾ?
ತಮ್ಮ ಚಿತ್ರದ ಹಾಡುಗಳ ಬಗ್ಗೆ ಇತ್ತೀಚೆಗೆ ಮಾತನಾಡಿರುವ ರಾಜಮೌಳಿ, ‘ಬಾಲಿವುಡ್ನವರು ಹಾಡುಗಳನ್ನು ಬಳಸುವುದಕ್ಕೂ ನಾನು ಬಳಸುವುದಕ್ಕೂ ವ್ಯತ್ಯಾಸವಿದೆ. ನಾನು ಹಾಡುಗಳನ್ನು ಕಥೆ ಮುಂದುವರೆಸುವುದಕ್ಕೆ ಬಳಸುತ್ತೇನೆ. ನನ್ನ ಚಿತ್ರದ ಹಾಡುಗಳು ಬರೀ ಡ್ಯಾನ್ಸ್ಗೆ ಸೀಮಿತವಾಗಿರುವುದಿಲ್ಲ ಅಥವಾ ಕಥೆಯನ್ನು ತುಂಡರಿಸುವುದಿಲ್ಲ. ಕಥೆಯನ್ನು ಮುಂದಕ್ಕೆ ತೆಗೆದುಕೊಂಡು ಹೋಗವ ಮಹತ್ವ ಪಾತ್ರವನ್ನು ನನ್ನ ಚಿತ್ರಗಳ ಹಾಡುಗಳು ಮಾಡುತ್ತವೆ’ ಎಂದು ರಾಜಮೌಳಿ ಹೇಳಿಕೊಂಡಿದ್ದಾರೆ.
‘RRR’ ಚಿತ್ರವು ಮಾರ್ಚ್ನಲ್ಲಿ ಬಿಡುಗಡೆಯಾಗಿತ್ತು. ಚಿತ್ರವು ಸಾವಿರ ಕೋಟಿ ರೂ. ಕಲೆಕ್ಷನ್ ಕಂಡಿತ್ತು. ಆ ನಂತರ ಟಿವಿ, ಓಟಿಟಿ ಎಲ್ಲೆಡೆ ಪ್ರಸಾರವಾಗಿತ್ತು. ಈ ಚಿತ್ರವು ಮೊದಲ ದಿನವೇ 223 ಕೋಟಿ ರೂ.ಗಳ ಕಲೆಕ್ಷನ್ ದಾಖಲಿಸುವ ಮೂಲಕ ಭಾರತೀಯ ಚಿತ್ರರಂಗದಲ್ಲೇ ಹೊಸ ದಾಖಲೆ ಮಾಡಿತ್ತು.
ಇದನ್ನೂ ಓದಿ: ಕ್ಯಾನ್ಸರ್ ಇರುವ ವಿಷಯ ಕೇಳಿದಾಗ ಸಂಜಯ್ ದತ್ ಮೊದಲ ರಿಯಾಕ್ಷನ್ ಏನಾಗಿತ್ತಂತೆ ಗೊತ್ತಾ?
ಈ ಚಿತ್ರವನ್ನು ವಿ.ವಿ. ದಾನಯ್ಯ ನಿರ್ಮಿಸಿದ್ದು, ಆಲಿಯಾ ಭಟ್, ಅಜಯ್ ದೇವಗನ್ ಮುಂತಾದವರು ನಟಿಸಿದ್ದಾರೆ. ಎಂ.ಎಂ. ಕೀರವಾಣಿ ಅವರ ಸಂಗೀತ ಈ ಚಿತ್ರಕ್ಕಿದೆ.