ಟೋಕಿಯೋ: ರಾಜಮೌಳಿ ನಿರ್ದೇಶನದ ‘ಆರ್.ಆರ್.ಆರ್’ ಚಿತ್ರವು ಕೆಲವು ತಿಂಗಳುಗಳ ಹಿಂದೆ ಜಪಾನ್ನಲ್ಲಿ ಬಿಡುಗಡೆಯಾಗುತ್ತದೆ ಎಂದು ಸುದ್ದಿಯಾದಾಗ, ಅದು ರಜನಿಕಾಂತ್ ಬರೆದ ದಾಖಲೆಯನ್ನು ಮುರಿಯುತ್ತದಾ? ಎಂಬ ಪ್ರಶ್ನೆ ಎಲ್ಲರಿಗೂ ಇದ್ದೇ ಇತ್ತು. ಆ ಪ್ರಶ್ನೆಗೂ ಕೊನೆಗೂ ಉತ್ತರ ಸಿಕ್ಕಿದೆ. ರಜನಿಕಾಂತ್ ಚಿತ್ರದ ದಾಖಲೆಯನ್ನು ಮುರಿದಿರುವ ‘ಆರ್.ಆರ್.ಆರ್’, ಜಪಾನ್ನಲ್ಲಿ ಹೊಸ ದಾಖಲೆಯೊಂದನ್ನು ಬರೆದಿದೆ.
ಇದನ್ನೂ ಓದಿ: ರಿಷಭ್ ಶೆಟ್ಟಿ ಕಂಡರೆ ಹೊಟ್ಟೆಕಿಚ್ಚಂತೆ! ಕಾಂತಾರ ಯಶಸ್ಸಿನ ಬಗ್ಗೆ ನವಾಜುದ್ದೀನ್ ಸಿದ್ದಿಖಿ ಆಡಿದ ಮಾತುಗಳಿವು…
ರಜನಿಕಾಂತ್ ಅವರಿಗೆ ದೊಡ್ಡ ಮಟ್ಟದ ಯಶಸ್ಸು ತಂದುಕೊಟ್ಟ ಚಿತ್ರವೆಂದರೆ ಅದು ‘ಮುತ್ತು’. ಈ ಚಿತ್ರವು ಭಾರತದಲ್ಲಷ್ಟೇ ಅಲ್ಲ, ಜಪಾನ್ನಲ್ಲೂ ಬಿಡುಗಡೆಯಾಗಿ ದೊಡ್ಡ ಜಯ ಸಾಧಿಸಿತ್ತು. ಅಷ್ಟೇ ಅಲ್ಲ, ಈ ಚಿತ್ರದ ನಂತರ ಜಪಾನ್ನಲ್ಲಿ ರಜನಿಕಾಂತ್ ಅವರಿಗೆ ದೊಡ್ಡ ಅಭಿಮಾನಿ ವೃಂದ ಹುಟ್ಟಿಕೊಂಡಿತ್ತು.
ಅಲ್ಲಿನ ಬಾಕ್ಸ್-ಆಫೀಸ್ ಸುದ್ದಿಯ ಪ್ರಕಾರ ‘ಮುತ್ತು’ ಚಿತ್ರವು 23.50 ಕೋಟಿ ರೂ.ಗಳನ್ನು ಆಗ ಸಂಪಾದಿಸಿತ್ತಂತೆ. ಆದರೆ, ‘ಆರ್.ಆರ್.ಆರ್’ ಚಿತ್ರವು 400 ಮಿಲಿಯನ್ ಯೆನ್ ಅಥವಾ 24.10 ಕೋಟಿ ರೂ.ಗಳನ್ನು ಸಂಪಾದಿಸುವ ಮೂಲಕ ‘ಮುತ್ತು’ ಚಿತ್ರದ ದಾಖಲೆಯನ್ನು ಮುರಿದಿದೆ. ಅಷ್ಟೇ ಅಲ್ಲ, ಜಪಾನ್ನಲ್ಲಿ ಅತೀ ಹೆಚ್ಚು ಗಳಿಕೆ ಮಾಡಿದ ಭಾರತೀಯ ಚಿತ್ರ ಎಂಬ ಹೆಗ್ಗಳಿಕೆಗೂ ಪಾತ್ರವಾಗಿದೆ.
ಇದನ್ನೂ ಓದಿ: ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುತ್ತಿಲ್ಲ ರಶ್ಮಿಕಾ ಅಭಿನಯದ ಎರಡನೇ ಬಾಲಿವುಡ್ ಚಿತ್ರ … ಯಾಕೆ?
ರಾಜಮೌಳಿ ನಿರ್ದೇಶನದ ‘ಆರ್.ಆರ್.ಆರ್’ ಚಿತ್ರಕ್ಕೆ ಜಗತ್ತಿನಾದ್ಯಂತ ಮೆಚ್ಚುಗೆ ವ್ಯಕ್ತವಾಗಿದ್ದು, ಚಿತ್ರವು ಆಸ್ಕರ್ ಪ್ರಶಸ್ತಿಗೆ ಒಟ್ಟು 15 ವಿಭಿನ್ನ ವಿಭಾಗಗಳಿಗೆ ನಾಮನಿರ್ದೇಶನಗೊಂಡಿದೆ. ಇದಲ್ಲದೆ ಗೋಲ್ಡನ್ ಗ್ಲೋಬ್ ಪ್ರಶಸ್ತಿಗಳಿಗೆ ಚಿತ್ರವು ಎರಡು ವಿಭಾಗಗಳಲ್ಲಿ ನಾಮಿನೇಟ್ ಆಗಿದೆ.
ನನ್ನ ಸಿನಿಮಾ, ನನ್ನ ಹಾಡು, ಯಾರೂ ಬಳಸುವಂತಿಲ್ಲ … ‘ಸ್ವಾತಿಮುತ್ತಿನ ಮಳೆ ಹನಿಯೇ’ ಟೈಟಲ್ ಕೊಡಲ್ಲ ಎಂದ ಬಾಬು