ನವದೆಹಲಿ: ಟೀಮ್ ಇಂಡಿಯಾದ ಯುವ ಆಟಗಾರ ರಿಷಭ್ ಪಂತ್ ಅವರು ತಮ್ಮ ಗೆಳತಿ ಇಶಾ ನೇಗಿಯೊಂದಿಗೆ ಹೊಸ ವರ್ಷ ಆಚರಿಸಿರುವ ಫೋಟೋವನ್ನು ಇನ್ಸ್ಟಾಗ್ರಾಂನಲ್ಲಿ ಶೇರ್ ಮಾಡಿಕೊಂಡಿದ್ದು, ಈವರೆಗೂ ಹರಿದಾಡುತ್ತಿದ್ದ ವದಂತಿಗಳಿಗೆ ಬ್ರೇಕ್ ಹಾಕಿದ್ದಾರೆ.
ಹಿಮಚಾದಿತ ಬೆಟ್ಟವೊಂದರಲ್ಲಿ ಇಶಾ ನೇಗಿಯೊಂದಿಗೆ ರಿಷಭ್ ಕ್ಯಾಮರಾಗೆ ಪೋಸ್ ನೀಡಿದ್ದಾರೆ. ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿ, ನಾನು ನಿನ್ನೊಂದಿಗೆ ಇದ್ದಾಗ ನನ್ನನ್ನು ನಾನು ಇಷ್ಟಪಡುತ್ತೇನೆ ಎಂದು ರಿಷಭ್ ಬರೆದುಕೊಂಡಿದ್ದಾರೆ. ಇನ್ನೊಂದೆಡೆ ಇಶಾ ನೇಗಿ ಕೂಡ ಪೋಟೋ ಪೋಸ್ಟ್ ಮಾಡಿ, ತಮ್ಮ ಗೆಳೆತನ ಐದು ವರ್ಷ ಪೂರೈಸಿರುವುದನ್ನು ಬಹಿರಂಗಪಡಿಸಿದ್ದಾರೆ.
ಇನ್ನು ಕಳೆದ ಜನವರಿಯಲ್ಲಿ ರಿಷಭ್ ಪಂತ್ ತಮ್ಮ ಅಭಿಮಾನಿಗಳಿಗೆ ಇಶಾ ಅವರ ದರ್ಶನ ಮಾಡಿಸಿದ್ದರು. ಮೊದಲ ಬಾರಿಗೆ ಇಶಾ ಜತೆಗಿನ ಫೋಟೋ ಪೋಸ್ಟ್ ಮಾಡು ನಿನ್ನನ್ನು ಸಂತೋಷದಿಂದಿಡಲು ಬಯಸುತ್ತೇನೆ. ಏಕೆಂದರೆ ನಾನು ಸಂತೋಷವಾಗಿರಲು ನೀನೆ ಕಾರಣ ಎಂದು ಬರೆದು ಪರಿಚಯಿಸಿದ್ದರು. ಬಳಿಕ ರಿಷಭ್ ಪಂತ್ ಬಗ್ಗೆ ಪ್ರೀತಿ ಕುರಿತಾದ ಸಾಕಷ್ಟು ವದಂತಿಗಳು ಹರಡಲಾರಂಭಿಸಿತ್ತು. ಆದರೆ, ಯಾವುದಕ್ಕೂ ಪಂತ್ ಪ್ರತಿಕ್ರಿಯೆ ನೀಡಿರಲಿಲ್ಲ.
ಇಶಾ ನೇಗಿ ಇಂಟೀರಿಯರ್ ಡಿಸೈನರ್ ಆಗಿದ್ದಾರೆ. ತಮ್ಮ ಇನ್ಸ್ಟಾಗ್ರಾಂನಲ್ಲಿ ರಿಷಭ್ ಜತೆಗಿನ ಸಾಕಷ್ಟು ಫೋಟೋಗಳನ್ನು ಪೋಸ್ಟ್ ಮಾಡಿಕೊಂಡಿರುವುದು ಅವರಿಬ್ಬರ ನಡುವಿನ ಪ್ರೀತಿಗೆ ಸಾಕ್ಷಿಯಾಗಿದೆ.
ಇನ್ನು ಪಂತ್ ವಿಚಾರಕ್ಕೆ ಬಂದರೆ ಗುವಾಹಟಿಯಲ್ಲಿ ಭಾನುವಾರದಿಂದ ಶ್ರೀಲಂಕಾ ವಿರುದ್ಧ ಆರಂಭವಾಗುವ ಮೂರು ಟಿ20 ಸರಣಿಯ ಪಂದ್ಯದಲ್ಲಿ ತಮ್ಮ ಕರಾಮತ್ತು ಪ್ರದರ್ಶಿಸಲು ಸಜ್ಜಾಗಿದ್ದಾರೆ. (ಏಜೆನ್ಸೀಸ್)
https://www.instagram.com/p/B61BHcuAyQ-/