ಇಸ್ಲಾಮಾಬಾದ್: ಮುದ್ದಾಗಿ ಸಾಕಿರುವ ಮಗಳಿಗೆ ಧಾರ್ಮಿಕ ಶಿಕ್ಷಣವೂ ಸಗಲಿ ಎನ್ನುವ ಕಾರಣಕ್ಕೆ ತನ್ನ ಮನೆಗೇ ಧಾರ್ಮಿಕ ಗುರುವನ್ನು ಕರೆ ತಂದ ತಾಯಿಯೊಬ್ಬಳು ಇದೀಗ ಕುಟುಂಬ ಸಮೇತ ಪೊಲೀಸ್ ಠಾಣೆಯ ಮೆಟ್ಟಿಲೇರುವ ಸ್ಥಿತಿ ಬಂದಿದೆ. ಪಾಕಿಸ್ತಾನದಲ್ಲಿ ಇಂತದ್ದೊಂದು ಘಟನೆ ನಡೆದಿದೆ.
ಪಾಕಿಸ್ತಾನದ ಗುಲ್ಶನ್ ಇ ಇಕ್ಬಾಲ್ ಏರಿಯಾದ ಮಹಿಳೆ ತನ್ನ 13 ವರ್ಷದ ಮಗಳಿಗೆ ಧಾರ್ಮಿಕ ಶಿಕ್ಷಣ ಕಲಿಸಲೆಂದು ಓರ್ವ ಧಾರ್ಮಿಕ ಗುರುವಿನೊಂದಿಗೆ ಮಾತನಾಡಿದ್ದಳು. ಆತ ಮನೆಗೆ ಬಂದು ಶಿಕ್ಷಣ ನೀಡಲು ಒಪ್ಪಿದ್ದ. ಅದರಂತೆ ಮನೆಯಲ್ಲಿ ಬಾಲಕಿಯ ಕೊಠಡಿಯಲ್ಲೇ ಧಾರ್ಮಿಕ ಶಿಕ್ಷಣವನ್ನು ಆರಂಭಿಸಲಾಗಿತ್ತು. ಆದರೆ ಈ ಶಿಕ್ಷಣ ಆರಂಭವಾದ ಕೆಲವೇ ದಿನಗಳಲ್ಲಿ ಬಾಲಕಿ ತನ್ನ ಅಮ್ಮನಿಗೆ ದೂರು ನೀಡಿದ್ದಾಳೆ. ಆತ ನನ್ನ ಅಶ್ಲೀಲ ಫೋಟೋಗಳನ್ನು ತೆಗೆದುಕೊಂಡು ನನಗೇ ತೋರಿಸುತ್ತಾನೆ ಎಂದು ಹೇಳಿದ್ದಾಳೆ.
ಇದಾದ ಕೆಲವೇ ದಿನಗಳಲ್ಲಿ ಆ ಧಾರ್ಮಿಕ ಗುರು ಬಾಲಕಿಯ ಅಮ್ಮನ ವಾಟ್ಸ್ಆ್ಯಪ್ಗೆ ಬಾಲಕಿಯ ಅಶ್ಲೀಲ ಚಿತ್ರಗಳನ್ನು ಕಳುಹಿಸಿದ್ದಾನೆ. ನನ್ನ ಬಯಕೆಗಳನ್ನು ನೀವು ಪೂರೈಸದಿದ್ದರೆ ಈ ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಾಕಿ ವೈರಲ್ ಮಾಡುವುದಾಗಿ ಬೆದರಿಸಿದ್ದಾನೆ. ಆತನ ಬೆದರಿಕೆಗೆ ಹೆದರಿದ ಕುಟುಂಬ ಸೀದಾ ಪೊಲೀಸ್ ಠಾಣೆಯ ಮೆಟ್ಟಿಲೇರಿದೆ. ಆತನ ವಿರುದ್ಧ ದೂರು ನೀಡಿದೆ. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಇದೀಗ ಆರೋಪಿಯನ್ನು ವಶಕ್ಕೆ ಪಡೆದು ವಿಚಾರಣೆ ಆರಂಭಿಸಿದ್ದಾರೆ. (ಪಿಟಿಐ)
ಮದುವೆಯಾಗೋಕೆ ವರ್ಜಿನಿಟಿ ಟೆಸ್ಟ್ ಮಾಡಿಸಲೇಬೇಕು! ಈ ರಾಷ್ಟ್ರದಲ್ಲಿದೆ ವಿಚಿತ್ರ ರೂಲ್ಸ್