ದುಬೈ: ಸರ್ವಾಂಗೀಣ ನಿರ್ವಹಣೆ ಮೂಲಕ ಗಮನಸೆಳೆದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಐಪಿಎಲ್-14ರ ಎರಡನೇ ಭಾಗದಲ್ಲಿ ಸತತ ಎರಡನೇ ಗೆಲುವು ದಾಖಲಿಸುವ ಮೂಲಕ ಪ್ಲೇಆಫ್ ಹಂತಕ್ಕೆ ಮತ್ತಷ್ಟು ಸನಿಹವಾಯಿತು. ದುಬೈ ಸ್ಟೇಡಿಯಂನಲ್ಲಿ ಬುಧವಾರ ನಡೆದ ಕಾದಾಟದಲ್ಲಿ ವಿರಾಟ್ ಕೊಹ್ಲಿ ಬಳಗ ಮಾಜಿ ಚಾಂಪಿಯನ್ ರಾಜಸ್ಥಾನ ರಾಯಲ್ಸ್ ತಂಡವನ್ನು 7 ವಿಕೆಟ್ಗಳಿಂದ ಮಣಿಸಿತು. ಈ ಮೂಲಕ ಲೀಗ್ನಲ್ಲಿ 7ನೇ ಜಯ ದಾಖಲಿಸಿದ ಆರ್ಸಿಬಿ ಅಂಕಪಟ್ಟಿಯಲ್ಲಿ 3ನೇ ಸ್ಥಾನ ಕಾಯ್ದುಕೊಂಡಿತು. 7ನೇ ಸೋಲು ಕಂಡ ರಾಯಲ್ಸ್ ತಂಡದ ಮುಂದಿನ ಹಾದಿ ಮತ್ತಷ್ಟು ಕಠಿಣಗೊಂಡಿತು.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ರಾಯಲ್ಸ್ ತಂಡ ಆರಂಭಿಕರಾದ ಎವಿನ್ ಲೆವಿಸ್ (58 ರನ್, 37 ಎಸೆತ, 5 ಬೌಂಡರಿ, 3 ಸಿಕ್ಸರ್) ಭರ್ಜರಿ ಬ್ಯಾಟಿಂಗ್ ನಡುವೆಯೂ ಹರ್ಷಲ್ ಪಟೇಲ್ (34ಕ್ಕೆ 3), ಯಜುವೇಂದ್ರ ಚಾಹಲ್ (18ಕ್ಕೆ 2) ಹಾಗೂ ಶಾಬಾಜ್ ಅಹ್ಮದ್ (10ಕ್ಕೆ 2) ಮಾರಕ ದಾಳಿಗೆ ನಲುಗಿ 9 ವಿಕೆಟ್ಗೆ 149 ರನ್ಗಳಿಗೆ ಸಮಾಧಾನ ಕಂಡಿತು. ಈ ಗುರಿ ಬೆನ್ನಟ್ಟಿದ ಆರ್ಸಿಬಿ, ವಿಕೆಟ್ ಕೀಪರ್-ಬ್ಯಾಟ್ಸ್ಮನ್ ಕೆಎಸ್ ಭರತ್ (44ರನ್, 35 ಎಸೆತ, 3 ಬೌಂಡರಿ, 1 ಸಿಕ್ಸರ್) ಹಾಗೂ ಮ್ಯಾಕ್ಸ್ವೆಲ್ (50*ರನ್, 30 ಎಸೆತ, 6 ಬೌಂಡರಿ, 1 ಸಿಕ್ಸರ್) ಜೋಡಿಯ ಬಿರುಸಿನ ಬ್ಯಾಟಿಂಗ್ ಫಲವಾಗಿ 17.1 ಓವರ್ಗಳಲ್ಲಿ 3 ವಿಕೆಟ್ಗೆ 153 ರನ್ಗಳಿಸಿ ಜಯದ ನಗೆ ಬೀರಿತು.
ರಾಜಸ್ಥಾನ ರಾಯಲ್ಸ್: 9 ವಿಕೆಟ್ಗೆ 149 (ಲೆವಿಸ್ 58, ಯಶಸ್ವಿ ಜೈಸ್ವಾಲ್ 31, ಕ್ರಿಸ್ ಮಾರಿಸ್ 14, ಹರ್ಷಲ್ ಪಟೇಲ್ 34ಕ್ಕೆ 3, ಯಜುವೇಂದ್ರ ಚಾಹಲ್ 18ಕ್ಕೆ 2, ಶಾಬಾಜ್ ಅಹಮದ್ 10ಕ್ಕೆ 2), ಆರ್ಸಿಬಿ: 17.1 ಓವರ್ಗಳಲ್ಲಿ 3 ವಿಕೆಟ್ಗೆ 153 (ವಿರಾಟ್ ಕೊಹ್ಲಿ 25, ದೇವದತ್ ಪಡಿಕಲ್ 22, ಕೆಎಸ್ ಭರತ್ 44, ಗ್ಲೆನ್ ಮ್ಯಾಕ್ಸ್ವೆಲ್ 50*, ಎಬಿಡಿವಿಲಿಯರ್ಸ್ 4*, ಮುಸ್ತಾಫಿಜರ್ ರೆಹಮಾನ್ 20ಕ್ಕೆ 2).
ಜಯದೊಂದಿಗೆ ಪ್ಲೇಆಫ್ ಸನಿಹಕ್ಕೆ ಆರ್ಸಿಬಿ
ಸೋಲಿನಿಂದ 7ನೇ ಸ್ಥಾನದಲ್ಲೇ ಉಳಿದ ರಾಜಸ್ಥಾನ#IPL2021 #IPLPrediction #RCBvsRR #RRvRCB pic.twitter.com/kJZWadlCVd— Vijayavani (@VVani4U) September 29, 2021
And we march on! 🙌🏻
Drop a ❤️ if you enjoyed that all-round display from our stars, 12th Man Army! #PlayBold #WeAreChallengers #ನಮ್ಮRCB #IPL2021 #RRvRCB pic.twitter.com/BMHmw43Qct
— Royal Challengers Bangalore (@RCBTweets) September 29, 2021