ಹೈದರಾಬಾದ್: ಸಂಚಾರ ನಿಯಮ ಉಲ್ಲಂಘನೆ ಹಿನ್ನೆಲೆಯಲ್ಲಿ ಕಾರನ್ನು ಲಾಕ್ ಮಾಡಿದ್ದಕ್ಕೆ ಆಕ್ರೋಶಗೊಂಡ ಮಹಿಳೆಯೊಬ್ಬರು ಟ್ರಾಫಿಕ್ ಪೊಲೀಸರ ವಿರುದ್ಧ ಕಿರುಚಾಡಿ, ಸ್ಥಳದಲ್ಲೇ ಹೈಡ್ರಾಮ ಮಾಡಿರುವ ಘಟನೆ ಬುಧವಾರ (ಸೆ.21) ಹೈದರಾಬಾದ್ನಲ್ಲಿ ನಡೆದಿದ್ದು, ಇದಕ್ಕೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಕೋಠಿ ಪ್ರದೇಶದ ಸುಲ್ತಾನ್ ಬಜಾರ್ನ ಜನನಿಬಿಡ ಪ್ರದೇಶದಲ್ಲಿರುವ ನೋ ಪಾರ್ಕಿಂಗ್ ವಲಯದಲ್ಲಿ ಪಾರ್ಕ್ ಮಾಡಿದ್ದ ಕಾರನ್ನು ಹೈದರಾಬಾದ್ ಟ್ರಾಫಿಕ್ ಪೊಲೀಸರು ಸೀಜ್ ಮಾಡಿದರು. ಟ್ರಾಫಿಕ್ ತೆರವುಗೊಳಿಸುವ ಕಾರ್ಯಾಚರಣೆಯ ಭಾಗವಾಗಿ ನೋ ಪಾರ್ಕಿಂಗ್ ಜಾಗದಲ್ಲಿ ನಿಲ್ಲಿಸಿದ್ದ ವಾಹನಗಳನ್ನು ಪೊಲೀಸ್ ಸಿಬ್ಬಂದಿ ಟೋಯಿಂಗ್ ಮಾಡುತ್ತಿದ್ದರು. ಈ ವೇಳೆ ಕಾರೊಂದರ ಚಕ್ರಗಳನ್ನು ಟೋಯಿಂಗ್ ಮಾಡಲು ಮುಂದಾದಾಗ ಅದನ್ನು ನೋಡಿದ ಕಾರಿನ ಮಾಲಕಿ ವಿರೋಧ ವ್ಯಕ್ತಪಡಿಸಿದರು.
ಕಾರನ್ನೇಕೆ ಸೀಜ್ ಮಾಡುತ್ತೀರಾ? ಎಂದು ಕರ್ತವ್ಯ ನಿರತ ಪೊಲೀಸ್ ಸಿಬ್ಬಂದಿಯ ಮೇಲೆಯೇ ಮಹಿಳೆ ಕೂಗಾಡಿದಳು. ಅಲ್ಲದೆ, ಮಿತಿ ಮೀರಿ ವರ್ತಿಸಿದ ಮಹಿಳೆ ಒಂದು ಹಂತದಲ್ಲಿ ಪೊಲೀಸ್ ಸಿಬ್ಬಂದಿಯೊಬ್ಬರ ವಾಕಿ-ಟಾಕಿಯನ್ನು ಕಸಿದುಕೊಂಡು, ಅವರನ್ನು ನೂಕಿದರು. ಅವಾಚ್ಯ ಪದಗಳಿಂದ ನಿಂದಿಸುತ್ತಾ ಸ್ಥಳದಲ್ಲೇ ಭಾರೀ ಹೈಡ್ರಾಮವನ್ನು ಸೃಷ್ಟಿಸಿದರು. ಮಹಿಳೆಯ ಕೂಗಾಟವನ್ನು ನೋಡಿ ಪೊಲೀಸರು ಒಂದು ತಬ್ಬಿಬ್ಬಾದರು.
ಆದರೆ, ಮಹಿಳೆಯ ಕಿರುಚಾಟಕ್ಕೆ ಕ್ಯಾರೆ ಎನ್ನದ ಪೊಲೀಸರು ಕಾರನ್ನು ನೋ ಪಾರ್ಕಿಂಗ್ನಲ್ಲಿ ಪಾರ್ಕ್ ಮಾಡಿದ್ದಕ್ಕೆ ದಂಡ ವಿಧಿಸಿದರು ಮತ್ತು ಕರ್ತವ್ಯನಿರತ ಪೊಲೀಸರ ಜೊತೆ ಅನುಚಿತವಾಗಿ ವರ್ತಿಸಿದ್ದಕ್ಕೆ ಪ್ರಕರಣವನ್ನು ದಾಖಲಿಸಿದ್ದು, ತನಿಖೆ ನಡೆಸುತ್ತಿದ್ದಾರೆ. (ಏಜೆನ್ಸೀಸ್)
సుల్తాన్ బజార్ ట్రాఫిక్ పోలీస్ తనిఖీలు చేస్తుండగా సుల్తాన్ బజార్ లోని"నో"పార్కింగ్ స్థలంలో కారు పార్కింగ్ చేసిన మహిళ "నో" పార్కింగ్ స్థలంలో కారు పార్కింగ్ ఉండడంతో కార్ విల్ కు లాక్ వేసి చలాన్ వేసిన ట్రాఫిక్ పోలీసులు ఏ విధంగా చలన్ వేస్తారు అంటూ వాగ్వాదం. pic.twitter.com/akS82rDB8D
— Sai vineeth(Journalist🇮🇳) (@SmRtysai) September 21, 2022
ದೇಶದ ಹಲವಡೆ ಪಿಎಫ್ಐ ಕಚೇರಿಗಳ ಮೇಲೆ ಎನ್ಐಎ, ಇಡಿ ದಾಳಿ: 100ಕ್ಕೂ ಹೆಚ್ಚು ಪಿಎಫ್ಐ ಸದಸ್ಯರ ಬಂಧನ
ದೂರು ನೀಡಲು ಹೋದ ದೂರುದಾರನ ಮೇಲೆಯೇ ವಿಶ್ವನಾಥಪುರ ಠಾಣಾ ಪೊಲೀಸರಿಂದ ದೌರ್ಜನ್ಯ!?
ಶಂಕಿತ ಉಗ್ರರು ಸಿಕ್ಕಿಬಿದ್ದಿದ್ದೇ ರೋಚಕ: ಭಯೋತ್ಪಾದಕರ ತಯಾರಿಕಾ ಕಾರ್ಖಾನೆ ಮಲೆನಾಡು?