ನವದೆಹಲಿ: ಇತ್ತೀಚೆಗೆ ಬಿಡುಗಡೆಯಾದ “ಬ್ಲ್ಯಾಕ್ ಅಂಡ್ ವೈಟ್” ಶೀರ್ಷಿಕೆಯುಳ್ಳ ತಮ್ಮ ಆತ್ಮಚರಿತ್ರೆಯಲ್ಲಿ ನ್ಯೂಜಿಲೆಂಡ್ ತಂಡದ ಮಾಜಿ ಕ್ರಿಕೆಟಿಗ ರಾಸ್ ಟೇಲರ್ ಅವರು ಶಾಕಿಂಗ್ ಸಂಗತಿಯನ್ನು ಬಹಿರಂಗಪಡಿಸಿದ್ದಾರೆ.
ಐಪಿಎಲ್ನಲ್ಲಿ ಒಮ್ಮೆ ಪಂಜಾಬ್ ಕಿಂಗ್ಸ್ ಇಲೆವೆನ್ ತಂಡ ನೀಡಿದ್ದ ಗುರಿ ಬೆನ್ನತ್ತಿದಾಗ ಆ ಪಂದ್ಯದಲ್ಲಿ ನಾನು ಡಕೌಟ್ ಆಗಿದ್ದಕ್ಕೆ ರಾಜಸ್ಥಾನ ರಾಯಲ್ಸ್ ತಂಡದ ಮಾಲೀಕ ನನ್ನ ಕಪಾಳಕ್ಕೆ ಬಾರಿಸಿದ್ದರು ಎಂದು ಆರೋಪಿಸಿದ್ದಾರೆ.
ಮೊಹಾಲಿಯಲ್ಲಿ ಪಂಜಾಬ್ ಮತ್ತು ರಾಜಸ್ಥಾನ ನಡುವಿನ ಪಂದ್ಯದ ನಡೆಯುತ್ತಿತ್ತು. 195 ರನ್ ಚೇಸ್ ಮಾಡಬೇಕಾಗಿತ್ತು. ಆದರೆ, ನಾನು ಶೂನ್ಯಕ್ಕೆ ಔಟ್ ಆದೆ. ಪಂದ್ಯದ ಬಳಿಕ ತಂಡ, ಸಹಾಯಕ ಸಿಬ್ಬಂದಿ ಮತ್ತು ಮ್ಯಾನೇಜ್ಮೆಂಟ್ ಹೋಟೆಲ್ ಒಂದರ ಟಾಪ್ ಫೋರ್ನಲ್ಲಿ ಇದ್ದರು. ಲೀಸ್ ಹರ್ಲಿ ಜೊತೆ ವಾರ್ನೆ ಇದ್ದರು. ಈ ವೇಳೆ ರಾಜಸ್ಥಾನ ರಾಯಲ್ಸ್ ತಂಡದ ಮಾಲೀಕರಲಿ ಒಬ್ಬರು ನನ್ನತ್ತ ಬಂದು, ರಾಸ್, ನೀವು ಡಕ್ ಆಗಲೆಂದು ನಾವು ನಿಮಗೆ ಮಿಲಿಯನ್ ಡಾಲರ್ ಪಾವತಿ ಮಾಡಲಿಲ್ಲ ಎಂದು ಹೇಳುತ್ತಲೇ ನನ್ನ ಕಪಾಳಕ್ಕೆ 3 ರಿಂದ 4 ಬಾರಿ ಬಾರಿಸಿದರು ಎಂದು ರಾಸ್ ಟೇಲರ್ ಪುಸ್ತಕದಲ್ಲಿ ಬರೆದುಕೊಂಡಿದ್ದಾರೆ.
ಈ ವೇಳೆ ಅವರು ನಗುತ್ತಿದ್ದರು ಮತ್ತು ಅವರ ಹೊಡೆತ ಗಟ್ಟಿಯಾದ ಹೊಡೆತವಾಗಿರಲಿಲ್ಲ. ಆದರೂ, ಅವರು ನಟಿಸುತ್ತಿದ್ದಾರೆ ಎಂದು ನನಗೆ ಅನಿಸಲಿಲ್ಲ. ನಾನದನ್ನು ದೊಡ್ಡ ಸಮಸ್ಯೆಯಾಗಿ ಮಾಡಲು ಹೋಗಲಿಲ್ಲ. ಆದರೆ, ಅನೇಕ ವೃತ್ತಿಪರ ಕ್ರೀಡಾ ಪರಿಸರದಲ್ಲಿ ಈ ರೀತಿ ನಡೆಯುತ್ತಿದೆ ಎಂದು ನಾನು ಊಹಿಸಲು ಸಾಧ್ಯವಾಗಲಿಲ್ಲ ಎಂದು ರಾಸ್ ಟೇಲರ್ ಬೇಸರ ಹೊರಹಾಕಿದ್ದಾರೆ.
38 ವರ್ಷದ ಟೇಲರ್ ಐಪಿಎಲ್ನಲ್ಲಿ 2008 ರಿಂದ 2010 ರವರೆಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ಆಡಿದರು. ನಂತರ 2011 ರಲ್ಲಿ ರಾಜಸ್ಥಾನ ರಾಯಲ್ಸ್ನೊಂದಿಗೆ ಸೇರಿದರು. (ಏಜೆನ್ಸೀಸ್)
ಅಶ್ಲೀಲ ಮೆಸೇಜ್ ಮೂಲಕ ನೈನಾ ಜೈಸ್ವಾಲ್ಗೆ ನಿತ್ಯವು ಕಿರುಕುಳ ನೀಡ್ತಿದ್ದ ಕಿಡಿಗೇಡಿಯ ಬಂಧನ
ಮಲ್ಟಿಫ್ಲೆಕ್ಸ್ಗಳಲ್ಲಿ ಪಾಪ್ಕಾರ್ನ್ ದುಬಾರಿ ಏಕೆ? PVR ಮುಖ್ಯಸ್ಥ ಅಜಯ್ ಬಿಜ್ಲಿ ಕೊಟ್ಟ ಕಾರಣವಿದು…