ಕೊಚ್ಚಿ: ಕಾಂಗ್ರೆಸ್ ಮುಖಂಡ ಶಶಿ ತರೂರ್ ಅವರು ಹಿಡುಗಾಯಿ ಹೊಡೆಯುತ್ತಿರುವ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ಟ್ರೋಲ್ ಮಾಡಲಾಗಿದ್ದು, ಮೀಮ್ಸ್ ಫೋಟೋಗಳನ್ನು ಸ್ವತಃ ಶಶಿ ತರೂರ್ ಅವರು ತಮ್ಮ ಫೇಸ್ಬುಕ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
ನಾಣು ತೆಂಗಿನಕಾಯಿಯನ್ನು ಶಾಸ್ತ್ರೀಯವಾಗಿ ಒಡೆಯುವ ಚಿತ್ರವನ್ನು ಬಳಸಿ ಈ ಮೀಮ್ಸ್ಗಳನ್ನು ಹರಿಬಿಡಲಾಗಿದೆ. ಈ ಫೋಟೋಗಳನ್ನು ಯಾರು ಹರಿಬಿಟ್ಟಿದ್ದಾರೋ ನನಗೆ ಗೊತ್ತಿಲ್ಲ. ಆದರೆ, ನೋಡಲು ತುಂಬಾ ತಮಾಷೆಯಾಗಿವೆ. ವೈರಲ್ ಆಗಿರುವ ಫೋಟೋಗಳಲ್ಲಿ ಇವು ನನ್ನ ಕೆಲವು ಮೆಚ್ಚಿನವುಗಳು ಎಂದು ಶಶಿ ತರೂರ್ ಫೇಸ್ಬುಕ್ನಲ್ಲಿ ಬರೆದುಕೊಂಡಿದ್ದಾರೆ.
ಅಂದಹಾಗೆ ತರೂರ್ ಅವರು ಹಿಡುಗಾಯಿ ಒಡೆಯುತ್ತಿರುವ ಫೋಟೋವನ್ನು ಟೀ ತಯಾರಕ, ಡ್ಯಾನ್ಸರ್, ಬೌಲರ್, ಕುಸ್ತಿಪಟು ಹಾಗೂ ಜಾವೆಲಿನ್ ಥ್ರೂ ನಿರಜ್ ಚೋಪ್ರಾ ರೀತಿ ಮೀಮ್ಸ್ ಮಾಡಿ ಹರಿಬಿಟ್ಟಿದ್ದಾರೆ.
ಅನೇಕ ವರ್ಷಗಳ ಬಳಿಕ ಶಶಿ ತರೂರ್ ಈ ವರ್ಷ ತಮ್ಮ ತವರು ಮನೆ ಪಲಕ್ಕಾಡ್ನ ಎಲವಂಚೇರಿಯಲ್ಲಿ ಓಣಂ ಹಬ್ಬ ಆಚರಿಸಿದ್ದಾರೆ. ಹಬ್ಬದ ಹಿನ್ನೆಲೆಯಲ್ಲಿ ತಮ್ಮೂರಿನ ಭಗವತಿ ದೇವಸ್ಥಾನಕ್ಕೆ ತೆರಳಿ ಹಿಡುಗಾಯಿ ಹೊಡೆದಿರುವು ಫೋಟೋವನ್ನು ಶಶಿ ತರೂರ್ ಟ್ವೀಟ್ ಮಾಡಿಕೊಂಡಿದ್ದರು. ಅದೇ ಫೋಟೋವನ್ನು ಬಳಸಿಕೊಂಡು ಟ್ರೋಲಿಗರು ಮೀಮ್ಸ್ಗಳನ್ನು ಮಾಡಿ ಹರಿಬಿಟ್ಟಿದ್ದಾರೆ.
ಮೀಮ್ಸ್ ಫೋಟೋಗಳನ್ನು ಸ್ವಲ್ಪವೂ ಸಂಕೋಚ ಪಟ್ಟುಕೊಳ್ಳದೇ ತಮ್ಮ ಫೇಸ್ಬುಕ್ ಖಾತೆಯಲ್ಲಿ ಶೇರ್ ಮಾಡಿಕೊಂಡಿರುವ ಶಶಿ ತರೂರ್ ಅವರ ಕ್ರೀಡಾ ಮನೋಭಾವ ಹಾಗೂ ಹಾಸ್ಯ ಪ್ರಜ್ಞೆಗೆ ನೆಟ್ಟಿಗರು ಬಹಳ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಹಾಗೇ ಮೀಮ್ಸ್ಗಳನ್ನು ಮಾಡಿರುವ ಟ್ರೋಲಿಗರು ಸೃಜನಾತ್ಮಕತೆಗೂ ಬಹುಪರಾಕ್ ಹೇಳಿದ್ದಾರೆ. (ಏಜೆನ್ಸೀಸ್)
ನನ್ನ ಗಂಡನನ್ನು ಬಂಧಿಸಬೇಡಿ! ಶೀಲ ಶಂಕಿಸಿ ಗುಪ್ತಾಂಗವನ್ನೇ ಹೊಲಿದ್ರೂ ಪಾಪಿ ಪತಿಯನ್ನು ಬಿಟ್ಟುಕೊಡದ ಪತ್ನಿ
ಮೈಸೂರು ಗ್ಯಾಂಗ್ರೇಪ್ ಪ್ರಕರಣ: ಪರೀಕ್ಷೆ ಬರೆಯದೆ ಪೊಲೀಸ್ ಬಲೆಗೆ ಬಿದ್ದ ನಾಲ್ವರು ಆರೋಪಿಗಳು
ಸಿಎಂ ಯೋಗಿ ಆದಿತ್ಯಾನಾಥ್ಗೆ ಸವಾಲು ಹಾಕಿದ್ದ ಮಾಜಿ ಐಪಿಎಸ್ ಅಧಿಕಾರಿಯನ್ನು ಹೊತ್ತೊಯ್ದ ಯುಪಿ ಪೊಲೀಸರು!