ಪಾಟ್ನಾ: ಮುಂಬರುವ ಲೋಕಸಭೆ ಚುನಾವಣೆಯಲ್ಲಿ INDIA ಬಣ ಅಧಿಕಾರಕ್ಕೆ ಬಂದರೆ ರಾಜ್ಯದಲ್ಲಿ ಐದು ಹೊಸ ವಿಮಾನ ನಿಲ್ದಾಣಗಳನ್ನು ನಿರ್ಮಿಸುವುದಾಗಿ ಬಿಹಾರದ ಮಾಜಿ ಉಪಮುಖ್ಯಮಂತ್ರಿ ಮತ್ತು ರಾಷ್ಟ್ರೀಯ ಜನತಾ ದಳದ ನಾಯಕ ತೇಜಸ್ವಿ ಯಾದವ್ ಶನಿವಾರ ಭರವಸೆ ನೀಡಿದ್ದಾರೆ.
ಇದನ್ನೂ ಓದಿ: ಅಜಯ್ ದೇವಗನ್ ‘ಸಿಂಗಂ’ ಬಿಡುಗಡೆ ಮತ್ತಷ್ಟು ವಿಳಂಬ? ಕಾರಣ ಹೀಗಿದೆ ನೋಡಿ..
ಚುನಾವಣಾ ಪ್ರಣಾಳಿಕೆಯನ್ನು ಬಿಡುಗಡೆ ಮಾಡುವ ಸಂದರ್ಭದಲ್ಲಿ ಯಾದವ್ ಈ ಘೋಷಣೆ ಮಾಡಿದರು. ಆದರೆ, ಅದರ ಬದಲು ರಾಜ್ಯದಲ್ಲಿ ಬಸ್ ನಿಲ್ದಾಣಗಳನ್ನು ನಿರ್ಮಿಸುವತ್ತ ಗಮನ ಹರಿಸಬೇಕು ಎಂದು ನೆಟಿಜನ್‌ಗಳು ಟ್ರೋಲ್ ಮಾಡಿದ್ದಾರೆ.
ತೇಜಸ್ವಿ ಯಾದವ್ ಪ್ರಣಾಳಿಕೆ ಬಿಡುಗಡೆ ಮಾಡುತ್ತಿದ್ದಂತೆ ನೆಟಿಜನ್ಸ್ ಟೀಕೆಗಳ ಸುರಿಮಳೆಗರೆದಿದ್ದಾರೆ. X(ಎಕ್ಸ್) ಬಳಕೆದಾರ ಸಂಜಯ್ ಸಿಂಗ್, ದರ್ಭಾಂಗಾ ಮೇ ಕಿತ್ನಿ ವಿಮಾನಗಳು ಕಾರ್ಯನಿರ್ವಹಣೆಯ ಹೈ ಸರ್ ಜಿ? (ದರ್ಭಾಂಗಾದಿಂದ ಎಷ್ಟು ವಿಮಾನಗಳು ಕಾರ್ಯನಿರ್ವಹಿಸುತ್ತಿವೆ?) ಮುಜಫರ್‌ಪುರ ವಿಮಾನ ನಿಲ್ದಾಣದ ಪ್ರಯೋಜನವೇನು? ಇದು ಕೇವಲ ರಾಜಕೀಯ ಗಿಮಿಕ್ ಅಲ್ಲವೇ? ಎಂಯುಜಡ್ ವಿಮಾನ ನಿಲ್ದಾಣವು ವಾಣಿಜ್ಯ ಚಟುವಟಿಕೆ ಕಾರ್ಯಸಾಧ್ಯವಾಗುತ್ತಿದೆಯೇ? ಎಂದು ಪ್ರಶ್ನಿಸಿದ್ದಾರೆ.
ಇನ್ನೊಬ್ಬ ಬಳಕೆದಾರ, ‘ನಗರ ಅಭಿವೃದ್ಧಿಯಾಗಿದೆಯೇ? ವಿಮಾನ ನಿಲ್ದಾಣವನ್ನು ಸ್ಥಳೀಯ ಬಸ್ ಡಿಪೋ ರೀತಿಯಲ್ಲಿ ಮಾಡುವುದೇ?’ ಎಂದು ಪ್ರಶ್ನಿಸಿದ್ದಾರೆ. ಬಾಪ್ ನೆ ರೈಲ್ವೇ ಖಯಾ ಯೇ ವಿಮಾನ ನಿಲ್ದಾಣ? ಎಂದು ಆಗಿನ ರೈಲ್ವೇ ಸಚಿವ ಲಾಲು ಪ್ರಸಾದ್ ಯಾದವ್ ಅವರ ಉದ್ಯೋಗಕ್ಕಾಗಿ ಭೂಮಿ ಹಗರಣವನ್ನು ಉಲ್ಲೇಖಿಸಿ ಬಳಕೆದಾರರು ಪ್ರಶ್ನಿಸಿದ್ದಾರೆ.
ಆರ್‌ಜೆಡಿಯ ‘ಪರಿವರ್ತನ್ ಪತ್ರ’ ಪ್ರಣಾಳಿಕೆ: ಆರ್ಜೆಡಿ ತನ್ನ ‘ಪರಿವರ್ತನ್ ಪಾತ್ರ’ ಪ್ರಣಾಳಿಕೆಯನ್ನು ಅನಾವರಣಗೊಳಿಸಿದ್ದು, ಅದರೊಳಗೆ ವಿವರಿಸಿರುವ 24 ಭರವಸೆಗಳನ್ನು ಈಡೇರಿಸುವುದಾಗಿ ವಾಗ್ದಾನ ಮಾಡಿದೆ. ಈ ಬದ್ಧತೆಗಳಲ್ಲಿ ಯುವಕರಿಗೆ ಉದ್ಯೋಗಾವಕಾಶ, ಆಗಸ್ಟ್ 15 ರೊಳಗೆ ನಿರುದ್ಯೋಗವನ್ನು ನಿರ್ಮೂಲನೆ ಮಾಡುವ ಪ್ರತಿಜ್ಞೆ, ಜೊತೆಗೆ ಮುಂಬರುವ ರಕ್ಷಾಬಂಧನ ಹಬ್ಬದಿಂದ ಬಡ ಮಹಿಳೆಯರಿಗೆ 1 ಲಕ್ಷ ರೂ. ಒದಗಿಸುವ ಭರವಸೆ ಪ್ರಮುಖವಾಗಿ ನೀಡಲಾಗಿದೆ.