ಲಿಟಲ್ ರಾಕ್: ಯುನೈಟೆಡ್ ಸ್ಟೇಟ್ಸ್ನ ಅರ್ಕಾನಸ್ ಮೂಲದ ನಥಾನಿಯಲ್ ಎಂಬ ವ್ಯಕ್ತಿಯ ಬಗ್ಗೆ ತಿಳಿದರೆ, ಈ ಭೂಮಿಯ ಮೇಲೆ ಇಂಥವರು ಇರ್ತಾರಾ ಎಂದು ಅನಿಸುವುದರ ಜೊತೆಗೆ ಈ ಕಣ್ಣಲ್ಲಿ ಇನ್ನು ಏನೇನು ನೋಡಬೇಕು ಎಂಬ ಡೈಲಾಗ್ ಕೂಡ ನೆನಪಾಗುವುದರಲ್ಲಿ ಸಂಶಯವೇ ಇಲ್ಲ.
ಬಹುತೇಕರಿಗೆ ಸ್ವಂತ ಕಾರು ಖರೀದಿಸಬೇಕೆಂಬ ಆಸೆ ಇರುತ್ತದೆ. ಕಾರಿನಲ್ಲಿ ಜಾಲಿ ರೈಡ್ ಹೋಗುತ್ತಿದ್ದರೆ ಅದರ ಮಜವೇ ಬೇರೆ. ಆದರೆ, ಈ ನಥಾನಿಯಲ್ ಎಂಬಾತ ಕಾರಿನ ಮೇಲಿಟ್ಟಿರುವ ಆಸೆಯೇ ಬೇರೆ. ಅಸಲಿಗೆ ಕಾರು ನಮಗೆಲ್ಲ ಒಂದು ವಸ್ತುವಾಗಿ ಕಂಡರೆ, ಈತನಿಗೆ ತನ್ನ ಬಾಳ ಸಂಗಾತಿಯಾಗಿ ಕಾಣುತ್ತದೆ. ಕಾರಿಗೆ ದಾಸನಾಗಿರುವ ನಥಾನಿಯಲ್, ಅದರ ಜೊತೆ ಸಂಸಾರ ಸುಖವನ್ನು ಅನುಭವಿಸುತ್ತಿದ್ದಾನಂತೆ. ಅದು ಹೇಗೆ ಅಂತಿರಾ? ನಥಾನಿಯಲ್ ಕುರಿತ ಒಂದು ಆಸಕ್ತಿದಾಯ ಸ್ಟೋರಿ ಇಲ್ಲಿದೆ ನೋಡಿ…
ಮೈ ಸ್ಟ್ರೇಂಜ್ ಅಡಿಕ್ಷನ್ (ನನ್ನ ವಿಚಿತ್ರ ವ್ಯಸನ) ಹೆಸರಿನ ಟಿಎಲ್ಸಿ ಡಾಕ್ಯುಮೆಂಟರಿ ಸರಣಿಯ ಆಬ್ಜೆಕ್ಟೋಫಿಲಿಯಾ ಎಪಿಸೋಡ್ ಒಂದು 2012ರ ಫೆಬ್ರವರಿಯಲ್ಲಿ ಪ್ರಸಾರವಾಯಿತು. ಇದರಲ್ಲಿ ನಥಾನಿಯಲ್ ಎಂಬಾತ ತನ್ನ ಕಾರಿನ ಜತೆ ರೊಮ್ಯಾಂಟಿಕ್ ಸಂಬಂಧ ಹೊಂದಿರುವ ಬಗ್ಗೆ ಪ್ರಸಾರ ಮಾಡಲಾಯಿತು. ಅದಕ್ಕೆ ಸಂಬಂಧಿಸಿದ ವಿಡಿಯೋ ಇದೀಗ ಮತ್ತೊಮ್ಮೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಸಾಕಷ್ಟು ಜನರ ಕುತೂಹಲಕ್ಕೆ ಕಾರಣವಾಗಿದೆ.
ಮೊದಲನೆಯದಾಗಿ ಆಬ್ಜೆಕ್ಟೋಫಿಲಿಯಾ ಎಂದರೆ ಏನು ಎಂಬುದನ್ನು ತಿಳಿಯೋಣ. ಇದರರ್ಥ ಜನರು ತಮಗೆ ಇಷ್ಟವಾದ ವಸ್ತುವಿನ ಜತೆ ಬಲವಾದ ಭಾವನೆ ಇಟ್ಟುಕೊಳ್ಳುವುದು ಅಥವಾ ಲೈಂಗಿಕ ಸಂಬಂಧವನ್ನು ಹೊಂದುವುದು. ಇದು ಪಾಶ್ಚಿಮಾತ್ಯ ಸಂಸ್ಕೃತಿಯ ಒಂದು ಭಾಗ. ಅನೇಕ ಜನರು ಈ ಗೀಳನ್ನು ಹೊಂದಿದ್ದು, ತಮ್ಮ ಅಚ್ಚುಮೆಚ್ಚಿನ ವಸ್ತುಗಳ ಜತೆ ಸಂಬಂಧವನ್ನು ಇಟ್ಟುಕೊಳ್ಳುತ್ತಾರೆ. ಇದನ್ನು ಕೇಳಲು ಒಂದು ರೀತಿ ಮುಜುಗರ ಅನಿಸಿದರೂ ಇದು ಸತ್ಯ.
ನಥಾನಿಯಲ್ಗೆ ಸಂಬಂಧಿಸಿದ ಡಾಕ್ಯುಮೆಂಟರಿಯಲ್ಲಿ 1998ರ ಸರಣಿಯ ಛೆವೆ ಮೊಂಟೆ ಕಾರ್ಲೋ ಕಾರಿನ ಜತೆ ನಥಾನಿಯಲ್ ಹೇಗೆ ಸಂಬಂಧ ಹೊಂದಿದ್ದ ಎಂದು ವಿವರಿಸಲಾಗಿದೆ. ತನ್ನ ಕಾರಿನ ಜತೆಗೆ ಟೆಲಿಪತಿ (ಮನೋವಿಜ್ಞಾನದ ಪ್ರಕಾರ ಮನಸ್ಸಿನಿಂದ ಮನಸ್ಸಿನ ಜತೆ ನಡೆಸುವ ಸಂವಹನ) ಸಂವಹನ ಹೊಂದಿದ್ದ ಈತ, ಹಾಡನ್ನು ಹೇಳುತ್ತಾ ಅದರ ಜತೆಗೆ ಲೈಂಗಿಕ ಸಂಭೋಗ ನಡೆಸುತ್ತಿದ್ದ ಎಂಬುದನ್ನು ತಿಳಿಸಲಾಗಿದೆ.
ಈ ಬಗ್ಗೆ ಮಾತನಾಡಿರುವ ನಥಾನಿಯಲ್, 2005ರಲ್ಲಿ ಕಾರು ಡೀಲರ್ಶಿಪ್ನಲ್ಲಿ ಚೇಸ್ನನ್ನು ನೋಡಿದಾಗ ಮೊದಲ ನೋಟದಲ್ಲೇ ಪ್ರೀತಿಯಾಯಿತು. ಬಳಿಕ ಅದನ್ನು ಖರೀದಿಸಿ ಬಳಸಲು ಆರಂಭಿಸಿದ ಕೆಲ ದಿನಗಳ ನಂತರ ಪ್ರೀತಿ ರೊಮ್ಯಾಂಟಿಕ್ ಸಂಬಂಧಕ್ಕೆ ತಿರುಗಿತು. ಕೆಲವೊಮ್ಮೆ ದೈಹಿಕ ಸಂಬಂಧವು ನಮ್ಮಿಬ್ಬರು ನಡುವೆ ಇರಲಿದೆ. ನಾನು ನನ್ನ ಕಾರಿನ ಜತೆ ತುಂಬಾ ಗಾಢವಾದ ಸಂಬಂಧವನ್ನು ಹೊಂದಿದ್ದೇನೆ ಎಂದು ಹೇಳಿದರು.
ತನ್ನ ಹದಿಹರೆಯದಿಂದಲೂ ನಥಾನಿಯಲ್ಗೆ ಕಾರುಗಳೆಂದರೆ ತುಂಬಾ ಪ್ರೀತಿ. ಆದರೆ, ಹದಿಹರೆಯದಲ್ಲಿ ಏಳು ಗೆಳತಿಯರೊಂದಿಗೆ ಡೇಟಿಂಗ್ ಮಾಡಿದ್ದರಿಂದ ಕಾರಿನ ಬಗ್ಗೆ ಆತ ಹೆಚ್ಚು ಯೋಚಿಸುತ್ತಿರಲಿಲ್ಲವಂತೆ. ಯಾವಾಗ ಚೇಸ್ ಭೇಟಿಯಾದನೋ ಅಂದಿನಿಂದ ಅದರ ಪ್ರೀತಿಯಲ್ಲಿ ಮುಳುಗಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ. (ಏಜೆನ್ಸೀಸ್)
ಪ್ರತಿನಿತ್ಯ 3 ಕೆಜಿ ಅನ್ನ, 4 ಕೆಜಿ ರೊಟ್ಟಿ, 3.5 ಕೆಜಿ ಮಾಂಸ ತಿನ್ನುವ ಇಬ್ಬರು ಹೆಂಡಿರ ಗಂಡನ ಕಣ್ಣೀರ ಕತೆಯಿದು!
ಚಪ್ಪಲಿ ವಿವಾದದ ಬಳಿಕ ನಯನತಾರಾಗೆ ಮತ್ತೊಂದು ಬಿಗ್ ಶಾಕ್: ಇನ್ನೊಂದು ಮಿಸ್ಟೇಕ್ CCTVಯಲ್ಲಿ ಸೆರೆ
ಗ್ರಾ.ಪಂ. ಚುನಾವಣೆಯಲ್ಲಿ ಮಾಜಿ ಚಂಬಲ್ ಡಕಾಯಿತ ಮಲ್ಖಾನ್ ಸಿಂಗ್ ಪತ್ನಿ ಅವಿರೋಧ ಆಯ್ಕೆ!