ಎಡಪ್ಪಾಲ್: ರಿಮೋಟ್ ಕಂಟ್ರೋಲ್ ಬಳಸಿಕೊಂಡು ವಿದ್ಯುತ್ ಚಾಲಿತ ತೂಕದ ಯಂತ್ರದ ಮೂಲಕ ಗ್ರಾಹಕರಿಗೆ ವಂಚನೆ ಮಾಡುತ್ತಿದ್ದ ಚಿಕನ್ ಮಾರಾಟಗಾರನನ್ನು ಬಂಧಿಸಿರುವ ಘಟನೆ ಕೇರಳದ ಎಡಪಾಲ್ನಲ್ಲಿ ನಡೆದಿದೆ.
ಬಂಧಿತ ಆರೋಪಿಯನ್ನು ವಟ್ಟಮ್ಕುಲಮ್ ನಿವಾಸಿ ಅಫ್ಸಾಲ್ (31) ಎಂದು ಗುರುತಿಸಲಾಗಿದೆ. ಇತರೆ ಚಿಕನ್ ಮಾರಟ ಮಳಿಗೆಗಳಿಗೆ ಹೋಲಿಸಿದರೆ, ಅತ್ಯಂತ ಕಡಿಮೆ ದರ ನಿಗದಿ ಮಾಡಿ ಈತ ಗ್ರಾಹಕರನ್ನು ತನ್ನತ್ತ ಸೆಳೆಯುತ್ತಿದ್ದ. ಬೆಲೆ ಕಡಿಮೆ ಇರುವುದನ್ನು ನೋಡಿ ಚಿಕನ್ ಕೊಳ್ಳಲು ಮುಗಿ ಬೀಳುತ್ತಿದ್ದ ಗ್ರಾಹಕರಿಗೆ ವಿದ್ಯುತ್ ಚಾಲಿತ ತೂಕದ ಯಂತ್ರವನ್ನು ರಿಮೋಟ್ ಮೂಲಕ ಕಂಟ್ರೋಲ್ ಮಾಡಿ, ತೂಕದಲ್ಲಿ ವ್ಯತ್ಯಾಸ ಬರುವಂತೆ ಮಾಡಿ ವಂಚಿಸುತ್ತಿದ್ದ.
ಆರೋಪಿ ಅಫ್ಸಾಲ್, ಬಕ್ರೀದ್ನಂತಹ ಹಬ್ಬದ ಸಮಯದಲ್ಲಿ 10 ರಿಂದ 20 ರೂಪಾಯಿವರೆಗೂ ರಿಯಾಯಿತಿ ನೀಡಿ ಚಿಕನ್ ಮಾರಾಟ ಮಾಡಿದ್ದಾರೆ. ಇದರಿಂದ ಈತ ಅಂಗಡಿ ಮುಂದೆ ಜನರ ದಂಡೇ ಸೇರುತ್ತಿತ್ತು. ಇದರಿಂದ ಇತರೆ ಅಂಗಡಿಗಳಿಗೆ ತುಂಬಾ ನಷ್ಟ ಉಂಟಾಗುತ್ತಿತ್ತು. ಇದರಿಂದ ಅನುಮಾನಗೊಂಡ ಇತರೆ ಚಿಕನ್ ಅಂಗಡಿ ಮಾಲೀಕರು ಆತನನ್ನು ರೆಡ್ ಹ್ಯಾಂಡ್ ಆಗಿ ಹಿಡಿದು ಕೊಟ್ಟಿದ್ದಾರೆ.
ತೂಕದ ಯಂತ್ರದ ಮೇಲೆ 1 ಕೆಜಿ ಕೋಳಿ ಮಾಂಸವನ್ನು ಇಡುವ ಮೊದಲು ಯಂತ್ರದ ಪರದೆಯಲ್ಲಿ 1 ಕಿಲೋಗ್ರಾಂ ತೋರಿಸುತ್ತಿತ್ತು. ಇದನ್ನು ರಿಮೋಟ್ ಕಂಟ್ರೋಲ್ನಿಂದ ಮಾಡಿದ್ದ. ಈ ಬಗ್ಗೆ ದೂರು ನೀಡಿದ ಬಳಿಕ, ವಿಚಾರಣೆ ನಡೆಸಿದ ಪೊಲೀಸರು, ವಿದ್ಯುತ್ ಚಾಲಿತ ತೂಕದ ಯಂತ್ರದಲ್ಲಿ ವಂಚನೆ ನಡೆದಿರುವುದು ದೃಢವಾಗಿದೆ. ಈ ಹಿನ್ನೆಲೆಯಲ್ಲಿ ಅಫ್ಸಾಲ್ನನ್ನು ಪೊಲೀಸರು ಬಂಧಿಸಿದ್ದಾರೆ. (ಏಜೆನ್ಸೀಸ್)
ಅಪಘಾತ ಆಗಿದೆ ಅಂತ ಕರೆ ಮಾಡಿದ್ರೆ ಕಾಪಾಡುವ ಬದಲು ಪತಿಗೆ ಸಾವಿನ ದಾರಿ ತೋರಿದ ಪತ್ನಿ: ಪ್ರೀತಿ ಕೊಂದ ಕಿರಾತಕಿ?
ಒಳಉಡುಪು ಬಿಚ್ಚಿಟ್ಟು ಪರೀಕ್ಷೆ ಬರೆಯುವಂತೆ ಪಟ್ಟು: ಪಾಲಕರ ಮುಂದೆ ಕಣ್ಣೀರಿಟ್ಟ ವಿದ್ಯಾರ್ಥಿನಿಯರು
ನಾಪತ್ತೆಯಾದ ಮುದ್ದಿನ ಗಿಣಿಗಾಗಿ ಕಣ್ಣೀರಿಡುತ್ತಿರುವ ಕುಟುಂಬ: ಹುಡುಕಿ ಕೊಟ್ಟವರಿಗೆ 50 ಸಾವಿರ ರೂ. ಬಹುಮಾನ