ಹೈದರಾಬಾದ್: ಕೆಜಿಎಫ್ ಸಿನಿಮಾ ಮೂಲಕ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡಿದ ನಟಿ ಶ್ರೀನಿಧಿ, ಸದ್ಯ ಯಶಸ್ಸಿನ ಅಲೆಯಲ್ಲಿ ತೇಲುತ್ತಿದ್ದಾರೆ. ಕೆಜಿಎಫ್ ಚಾಪ್ಟರ್ 1ಕ್ಕಿಂತ ಕೆಜಿಎಫ್ ಚಾಪ್ಟರ್ 2ನ ಅದ್ಭುತ ಯಶಸ್ಸಿನಿಂದ ಶ್ರೀನಿಧಿಯ ಸಂತಸಕ್ಕೆ ಪಾರವೇ ಇಲ್ಲದಂತಾಗಿದೆ. ಮಾಜಿ ಬ್ಯೂಟಿ ಕ್ವೀನ್ ತಮ್ಮ ಮುಂದಿನ ಕೊಬ್ರಾ ಚಿತ್ರದ ಬಿಡುಗಡೆಗೆ ಎದುರು ನೋಡುತ್ತಿದ್ದು, ಮತ್ತೆ ಯಶಸ್ಸಿನ ನಿರೀಕ್ಷೆಯಲ್ಲಿದ್ದಾರೆ. ಇದರ ನಡುವೆ ಶ್ರೀನಿಧಿ ಕುರಿತ ಭಾರೀ ಸುದ್ದಿಯೊಂದು ಟಾಲಿವುಡ್ ಗಲ್ಲಿಯಿಂದ ಕೇಳಿಬಂದಿದೆ.
ಯಾವುದು ಆ ಸುದ್ದಿ ಅಂದರೆ, ಶ್ರೀನಿಧಿ ಅವರ ಸಂಭಾವನೆಯ ಡಿಮ್ಯಾಂಡ್ ಕೇಳಿ ಟಾಲಿವುಡ್ ಮಂದಿ ಶಾಕ್ ಆಗಿದ್ದಾರಂತೆ. ಬ್ಯಾಕ್ ಟು ಬ್ಯಾಕ್ ಸಿನಿಮಾ ಸಕ್ಸಸ್ ಅನ್ನು ಬಂಡವಾಳ ಮಾಡಿಕೊಂಡಿರುವ ಶ್ರೀನಿಧಿ ತಮ್ಮ ಮುಂದಿನ ಚಿತ್ರಗಳಿಗೆ ಭಾರೀ ಸಂಭಾವನೆ ಏರಿಸಿಕೊಂಡಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ.
ಹಾಗಾದ್ರೆ, ಶ್ರೀನಿಧಿ ಡಿಮ್ಯಾಂಡ್ ಮಾಡುತ್ತಿರುವ ಸಂಭಾವನೆ ಎಷ್ಟು ಅಂತಾ ನೋಡುವುದಾದರೆ, ಒಂದು ಸಿನಿಮಾಗೆ ಬರೋಬ್ಬರಿ 2 ಕೋಟಿ ರೂ. ಸಂಭಾವನೆಯನ್ನು ಶ್ರೀನಿಧಿ ಕೇಳುತ್ತಿದ್ದಾರೆ ಎಂದು ಹೇಳಲಾಗಿದೆ. ಇದರಿಂದ ಟಾಲಿವುಡ್ ನಿರ್ಮಾಪಕರು ಶಾಕ್ ಆಗಿದ್ದು, ಕೆಜಿಎಫ್ನಲ್ಲೇ ಅವರ ಪಾತ್ರಕ್ಕೆ ಹೆಚ್ಚಿನ ಮಹತ್ವ ನೀಡಿಲ್ಲ ಮತ್ತು ಪೂಜಾ ಹೆಗ್ಡೆ, ಸಮಂತಾ ಮತ್ತು ರಶ್ಮಿಕಾರಂತೆ ಹೆಸರು ಮಾಡಿಲ್ಲ ಎಂಬುದನ್ನು ಶ್ರೀನಿಧಿ ಅರಿತುಕೊಳ್ಳಬೇಕೆಂದು ಟಾಲಿವುಡ್ ಗಲ್ಲಿಯಲ್ಲಿ ಚರ್ಚೆಯಾಗುತ್ತಿದೆ.
ಸಮಂತಾ ಮತ್ತು ಪೂಜಾ ಹೆಗ್ಡೆ ಅಂಥವರೇ ತಮ್ಮ ಸಿನಿಮಾ ವೃತ್ತಿ ಜೀವನ ಆರಂಭಿಸುವಾಗ 2 ರಿಂದ 4 ಲಕ್ಷ ರೂ. ಸಂಭಾವನೆ ಪಡೆದುಕೊಳ್ಳುತ್ತಿದ್ದರು. ಸಾಕಷ್ಟು ಸಿನಿಮಾಗಳು ಹಿಟ್ ಆದ ಬಳಿಕ ಮತ್ತು ತುಂಬಾ ಬೋಲ್ಡ್ ಪಾತ್ರಗಳಿಗೂ ಸೈ ಅನ್ನುವ ಮೂಲಕ ಇದೀಗ ಪ್ರತಿ ಸಿನಿಮಾಗೆ 2 ರಿಂದ 4 ಕೋಟಿ ರೂಪಾಯಿ ಸಂಭಾವನೆ ಪಡೆಯುತ್ತಿದ್ದಾರೆ. ಆದರೆ, ಈ ಸ್ಥಾನಕ್ಕೆ ಬರಲು ಹಲವು ವರ್ಷಗಳ ಶ್ರಮ ಇದೆ. ಆದರೆ, ಶ್ರೀನಿಧಿ ಕೇವಲ ಎರಡೇ ಚಿತ್ರಕ್ಕೆ ಈ ಮಟ್ಟದ ಬೇಡಿಕೆ ಇಡುತ್ತಿರುವುದು ಅವರ ಸಿನಿಮಾ ಭವಿಷ್ಯಕ್ಕೆ ಒಳ್ಳೆಯದಲ್ಲ ಎಂದು ಚರ್ಚೆಯಾಗುತ್ತಿದೆ.
ಸಿನಿಮಾ ವಿಚಾರಕ್ಕೆ ಬಂದರೆ, ತಮಿಳು ನಿರ್ದೇಶಕ ಅಜಯ್ ಜ್ಞಾನಮುತ್ತು ನಿರ್ದೇಶನದ ಹಾಗೂ ಎ.ಆರ್. ರೆಹಮಾನ್ ಸಂಗೀತವಿರುವ ಕೋಬ್ರಾ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ವಿಕ್ರಮ್ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಟೀಂ ಇಂಡಿಯಾದ ಮಾಜಿ ಆಟಗಾರ ಇರ್ಫಾನ್ ಪಠಾಣ್ ಕೂಡ ಈ ಚಿತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ. (ಏಜೆನ್ಸೀಸ್)
ಸಾಮಾಜಿಕ ಜಾಲತಾಣದಲ್ಲಿ ದಿಢೀರ್ ವೈರಲ್ ಆಯ್ತು ಕೆಜಿಎಫ್ ಬ್ಯೂಟಿ ಶ್ರೀನಿಧಿ ಶೆಟ್ಟಿಯ ಹಾಟ್ ಅವತಾರಗಳು!
ಸಲಿಂಗಕಾಮ ಅಪರಾಧವಲ್ಲ… ಪ್ರೇಯಸಿಗಾಗಿ ಕಣ್ಣೀರಿಡುತ್ತಿರುವ ಯುವತಿಯ ನೋವಿನ ಮಾತಿದು!
ಕೆ.ಎಲ್. ರಾಹುಲ್ ಒಳಉಡುಪು ಜಾಹೀರಾತು ನೋಡಿ ನಟಿ ಕಸ್ತೂರಿ ಮಾಡಿದ ಹಾಟ್ ಕಾಮೆಂಟ್ ವೈರಲ್!