ಮುಂಬೈ: ವಿಭಿನ್ನ ಉಡುಗೆಗಳನ್ನು ತೊಟ್ಟು ಕ್ಯಾಮೆರಾಗೆ ಪೋಸ್ ಕೊಡುವ ನಟಿಯರು ಕೆಲವೊಮ್ಮೆ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ಟ್ರೋಲ್ ಆಗುವುದು ಸಾಮಾನ್ಯ. ಅದೇ ರೀತಿಯಲ್ಲಿ ಬಾಲಿವುಡ್ ಬೇಬೋ ಕರೀನಾ ಕಪೂರ್ ಇತ್ತೀಚೆಗೆ ಜಾಲತಾಣಿಗರ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.
ಹಳದಿ ಬಣ್ಣದ ಟೂ ಪೀಸ್ ಕಲರ್ ಕೋ-ಆರ್ಡ್‌ (ಕಾಲರ್ನಿಂದ ಕೆಳಗಿನವರೆಗೂ ಒಂದೇ ರೀತಿಯ ಬಟ್ಟೆಯೊಂದಿಗೆ ಸಮನ್ವಯಗೊಳಿಸಿದ ಫ್ಯಾಬ್ರಿಕ್ ಉಡುಗೆ) ಬಟ್ಟೆಯ ಜತೆ ಮ್ಯಾಚಿಂಗ್ ಸರವನ್ನು ಧರಿಸಿ ಕ್ಯಾಮೆರಾಗೆ ಪೋಸ್ ನೀಡಿರುವ ಕರೀನಾ ಕಪೂರ್ ಅವರ ಇತ್ತೀಚಿನ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಈ ಉಡುಗೆಯ ವಿನ್ಯಾಸಗಾರ್ತಿ ಹೆಸರು ಲಕ್ಷ್ಮೀ ಲೆಹ್ರ್. ಬಾಲಿವುಡ್ನ ಎಲ್ಲ ನಟಿಯರು ಒಮ್ಮೆಯಾದರು ಲಕ್ಷ್ಮೀ ಲೆಹ್ರ್ ಅವರು ವಿನ್ಯಾಸವನ್ನು ಆನಂದಿಸಿರುತ್ತಾರೆ. ಅಷ್ಟು ಖ್ಯಾತಿಯನ್ನು ಅವರು ಹೊಂದಿದ್ದಾರೆ. ಇದೀಗ ಕರೀನಾ ಕಪೂರ್ ಅವರಿಗೆ ಅವರು ಮಾಡಿರುವ ವಿನ್ಯಾಸ ಕೆಲವರಿಗೆ ಇಷ್ಟವಾಗಿದ್ದರೂ ಇನ್ನು ಕೆಲವರ ಮನಸ್ಸಿಗೆ ಒಪ್ಪಿಗೆ ಆಗಿಲ್ಲ. ಹೀಗಾಗಿಯೇ ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲ್ ಮಾಡುತ್ತಿದ್ದಾರೆ.
ಇನ್ನು ಡ್ರೆಸ್ ಬೆಲೆ ನೆಟ್ಟಿಗರ ಕೋಪಕ್ಕೂ ಕಾರಣವಾಗಿದೆ. ಅಂದಹಾಗೆ ಡ್ರೆಸ್ನ ಬೆಲೆ ಬರೋಬ್ಬರಿ 70 ಸಾವಿರ. ಟಾಪ್ಗೆ 30,599 ರೂ. ವೆಚ್ಚವಾದರೆ, ಶಾರ್ಟ್ಸ್ಗೆ ಬರೋಬ್ಬರಿ 39,599 ರೂಪಾಯಿ. ಕೇವಲ ಎರಡು ತುಣುಕು ಬಟ್ಟೆಗೆ ಇಷ್ಟೊಂದು ಮೊತ್ತವಾ? ಎಂದು ನೆಟ್ಟಿಗರು ಟೀಕಿಸಿದ್ದಾರೆ. ಈ ಬಟ್ಟೆಯಲ್ಲಿ ಅಂಥದ್ದೇನಿದೆ? ನೋಡೋಕೆ ಸಭ್ಯವಾಗಿಯೂ ಇಲ್ಲ ಅಥವಾ ಆಕರ್ಷಕವಾಗಿಯೂ ಎಲ್ಲ ಎಂದು ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದಾರೆ. ಇನ್ನೊಂದೆಡೆ ಕರೀನಾ ಅವರ ಫೋಟೋ ವೈರಲ್ ಕೂಡ ಆಗುತ್ತಿದೆ. (ಏಜೆನ್ಸೀಸ್)
ದುಬೈನಲ್ಲಿ ಕೇರಳದ ಸೋಶಿಯಲ್ ಮೀಡಿಯಾ ಸ್ಟಾರ್ ಸಾವು: ಗಂಡನ ಮೇಲಿನ ಸಂಶಯಕ್ಕೆ ಕಾರಣ ಹೀಗಿದೆ…
ತನ್ನ ಕಾರು ಅಪಘಾತಕ್ಕೀಡಾದ ಬಗ್ಗೆಯೇ ಹೊಸ ಹಾಡು ರಚಿಸಿ ಧ್ವನಿ ನೀಡಿದ ಕಚ್ಚಾ ಬಾದಾಮ್ ಗಾಯಕ!
ರಾಷ್ಟ್ರೀಯ ಪಕ್ಷಗಳಿಂದ ಮೇಕೆದಾಟು ಮಕ್ಮಲ್‌ಟೋಪಿ: ವಿವಾದ ಎನ್ನುವ ಮೂಲಕ ಬಿಕ್ಕಟ್ಟು ಸೃಷ್ಟಿ ಎಂದ ಮಾಜಿ ಸಿಎಂ ಎಚ್ಡಿಕೆ