ವಿಜಯವಾಣಿ ಸುದ್ದಿಜಾಲ ಹುಬ್ಬಳ್ಳಿ: ಬ್ಯಾಟರ್ ವೀರಾಜ ಹಾವೇರಿ ಆಲ್ರೌಂಡ್ ನಿರ್ವಹಣೆ (73ರನ್, 72 ಎಸೆತ, 6ಬೌಂ., 1ಸಿ. ಹಾಗೂ 30ಕ್ಕೆ 2 ವಿಕೆಟ್)ಯ ಬಲದಿಂದ ಆರ್.ಕೆ. ವಾರಿಯರ್ಸ್ , ಹುಬ್ಬಳ್ಳಿ ಟೈಗರ್ಸ್ ತಂಡದ ವಿರುದ್ಧ 14 ರನ್ಗಳಿಂದ ಜಯ ಗಳಿಸಿ ಹುಬ್ಬಳ್ಳಿ ಪ್ರೀಮಿಯಂ ಲೀಗ್ (ಎಚ್ಪಿಎಲ್) ಯುತ್ ಕ್ರಿಕೆಟ್ ಟೂರ್ನಿಯಲ್ಲಿ ಚಾಂಪಿಯನ್ ಆಯಿತು.
ರಾಜನಗರ ಕೆಎಸ್ಸಿಎ ಮೈದಾನದಲ್ಲಿ ಶನಿವಾರ ಫೈನಲ್ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಆರ್.ಕೆ. ವಾರಿಯರ್ಸ್ 30 ಓವರ್ಗಳಲ್ಲಿ 4 ವಿಕೆಟ್ಗೆ 192ರನ್ ಗಳಿಸಿತ್ತು. ಇದಕ್ಕೆ ಉತ್ತರವಾಗಿ ಹುಬ್ಬಳ್ಳಿ ಟೈಗರ್ಸ್ 178ರನ್ಗೆ ಆಲೌಟ್ ಆಯಿತು. ವೀರಾಜ ಹಾವೇರಿ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.
ಹುಬ್ಬಳ್ಳಿ ಟೈಗರ್ಸ್ ತಂಡದ ಮಣಿಕಂಠ ಬುಕಿಟಗರ ಸರಣಿ ಶ್ರೇಷ್ಠ, ಹುಬ್ಬಳ್ಳಿ ಹಿರೋಸ್ ತಂಡದ ಅಬ್ದುಲ್ ದಿವಾನಲಿ (19ವಯೋಮಿತಿ) ಹಾಗೂ ಹುಬ್ಬಳ್ಳಿ ಟೈಗರ್ಸ್ ತಂಡದ ಕೃಷ್ಣ ಪಹುಜಾ (16 ವಯೋಮಿತಿ) ಉತ್ತಮ ಬ್ಯಾಟರ್, ಆರ್.ಕೆ. ವಾರಿಯರ್ಸ್ನ ವಿನಾಯಕ ಪಾಂಡೆ (19ವಯೋಮಿತಿ) ಹಾಗೂ ಡಿಪೋಟ್ ಟೈಗರ್ಸ್ನ ಅರ್ನವ ಕೆ. (16 ವಯೋಮಿತಿ) ಉತ್ತಮ ಬೌಲರ್ ಪ್ರಶಸ್ತಿ ಪಡೆದರು.
ಸ್ವರ್ಣಾ ಗ್ರುಪ್ ಆಫ್ ಕಂಪನೀಸ್ನ ಎಂಡಿ ಡಾ. ವಿ.ಎಸ್.ವಿ. ಪ್ರಸಾದ ಹಾಗೂ ಕ್ರಿಕೆಟಿಗ ಶಿಶಿರ್ ಭವಾನೆ ಟ್ರೋಫಿ ವಿತರಿಸಿದರು. ಬಿಡಿಕೆ ಸ್ಪೋರ್ಟ್ಸ್ ಫೌಂಡೇಷನ್ ಟ್ರಸ್ಟಿ ಬಾಬಾ ಭೂಸದ, ಎಂ.ಜಿ. ಅಮುಗಮ್ ಪಂಕಜ ಮುನ್ವರ, ಕೈಲಾಸ ಮುನ್ವರ, ಉದಯ ಲೋಡಯಾ, ವಿನಾಯಕ ಗುಡಿ, ಮನೀಷ್ ಠಕ್ಕರ್, ಕಾರ್ತಿಕ ಚವ್ಹಾಣ, ಇತರರು ಇದ್ದರು.
ಸಂಕ್ಷಿಪ್ತ ಸ್ಕೋರ್
ಆರ್.ಕೆ. ವಾರಿಯರ್ಸ್: 4ವಿಕೆಟ್ಗೆ 192 (ವೀರಾಜ್ ಹಾವೇರಿ 73, ಸುಪ್ರೀತ್ ಎನ್. 52, ಕವಿಷ್ ಮೂಕಣ್ಣವರ 34, ಸಿದ್ದು ಸಾವೋಜಿ 43ಕ್ಕೆ 2, ಆದಿತ್ಯಾ ಉಮರಾಣಿ 21ಕ್ಕೆ 2).
ಹುಬ್ಬಳ್ಳಿ ಟೈಗರ್ಸ್: 178ಕ್ಕೆ ಆಲೌಟ್ (ಕೃಷ್ಣ ಪಹುಜಾ 50, ಮಣಿಕಂಠ ಬುಕಿಟಗರ 29, ಸಿದ್ದು ಸಾವೋಜಿ 29, ಪವನ ಎಸ್. 25, ಸಿದ್ದಪ್ಪ ಪಿ. 37ಕ್ಕೆ 4, ವೀರಾಜ ಹಾವೇರಿ 30ಕ್ಕೆ 2).