ಬೆಂಗಳೂರು: ನಟಿ ತಾರಾ ಮತ್ತೊಮ್ಮೆ ಅಮ್ಮ ಆಗಲಿದ್ದಾರಾ? ಇತ್ತೀಚೆಗಷ್ಟೇ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿರುವ ಕೆಲ ಫೋಟೋಗಳನ್ನು ನೋಡಿದರೆ ಅಂತಹ ಅನುಮಾನ ಮೂಡದೇ ಇರದು. ಹೌದು, ರೇಷ್ಮೆ ಸೀರೆಯುಟ್ಟು, ಅಂದವಾಗಿ ಸಿಂಗಾರಗೊಂಡು, ಮಿಲಿಯನ್ ಡಾಲರ್ ನಗು ಬೀರುತ್ತಾ, ಬೇಬಿ ಬಂಪ್ ಹಿಡಿದು ನಿಂತಿರುವ ತಾರಾ ಅನುರಾಧ ಅವರ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ.
ಈ ಫೋಟೋಗಳನ್ನು ನೋಡಿದವರು 9 ವರ್ಷಗಳ ಬಳಿಕ ತಾರಾ ಅವರು ಮತ್ತೊಮ್ಮೆ ತಾಯಿಯಾಗಲಿದ್ದಾರೆ ಎಂದೇ ಭಾವಿಸಿದ್ದರು. ಸ್ಯಾಂಡಲ್ವುಡ್ನ ಸ್ಟಾರ್ ನಾಯಕ, ನಾಯಕಿಯರ ಫೇವರೇಟ್ ಮಮ್ಮಿಗೆ ಹಲವರು ವಿಶ್ ಕೂಡ ಮಾಡಿದ್ದರು.
ಆದರೆ ಅಲ್ಲೇ ಇರೋದು ಕಥೆಯಲ್ಲಿ ಒಂದು ಟ್ವಿಸ್ಟ್. ಯಾಕೆಂದರೆ ತಾರಾ ಅವರು ನಿಜ ಜೀವನದಲ್ಲಿ ಮತ್ತೊಮ್ಮೆ ಅಮ್ಮ ಆಗದೇ, ಸಿನಿಮಾ ಒಂದರ ಪಾತ್ರಕ್ಕಾಗಿ ಹೀಗೆ ಗೆಟಪ್ ಮಾಡಿಕೊಂಡಿದ್ದಾರೆ. ಅಂದಹಾಗೆ ಚಿತ್ರದ ಹೆಸರು ‘ಉಸಿರೇ ಉಸಿರೇ’.
ಬಿಗ್ ಬಾಸ್ ಹಾಗೂ ಸಿಸಿಎಲ್ ಖ್ಯಾತಿಯ ರಾಜೀವ್ ನಾಯಕನಾಗಿರುವ, ಶ್ರೀಜಿತಾ ಘೋಷ್ ನಾಯಕಿಯಾಗಿರುವ ಚಿತ್ರವಿದು. ಸಿಎಂ ವಿಜಯ್ ನಿರ್ದೇಶಿಸುತ್ತಿರುವ ಈ ಚಿತ್ರದಲ್ಲಿ ನಟಿ ತಾರಾ ಕೂಡ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಚಿತ್ರೀಕರಣಕ್ಕಾಗಿ ಈ ಗೆಟಪ್ ಮಾಡಿಕೊಂಡಿದ್ದರು.
ನಟಿ ತಾರಾ ಅನುರಾಧ ಕಳೆದ ಮೂರೂವರೆ ದಶಕಗಳಿಂದ ಕನ್ನಡ ಚಿತ್ರಗಳಲ್ಲಿ ಮಿಂಚುತ್ತಿದ್ದಾರೆ. ಅದರ ಜತೆಗೆ ಕಳೆದ ಒಂದು ದಶಕದಿಂದ ರಾಜಕಾರಣದಲ್ಲೂ ಬಿಜಿಯಾಗಿದ್ದಾರೆ. ಇನ್ನು ಕಳೆದ ಎರಡು ಮೂರು ವರ್ಷಗಳಿಂದ ಕಿರುತೆರೆ, ಅದರಲ್ಲೂ ರಿಯಾಲಿಟಿ ಶೋಗಳಲ್ಲೂ ತಾರಾ ತೊಡಗಿಸಿಕೊಂಡಿದ್ದಾರೆ. ಹೀಗೆ ವಯಸ್ಸು 50 ದಾಟಿದ ನಂತರವೂ ಅವರು ತಮ್ಮದೇ ರೀತಿಯಲ್ಲಿ ಸಿನಿಮಾ, ಶೋ, ಪಾಲಿಟಿಕ್ಸ್ ಅಂತ ಬಿಜಿ…
ಪ್ರೇಮಲೋಕ ಹಾಡಿನ ಮರುಸೃಷ್ಟಿಗೆ ಜೂಹಿ ಚಾವ್ಲಾ ಫಿದಾ: ಹರ್ಷಿಕಾ ಪೂಣಚ್ಚ ಖುಷಿಗೆ ಪಾರವೇ ಇಲ್ಲ
‘ಕೆಜಿಎಫ್-2 ಬಳಿಕ ಯಶ್ ಕನ್ನಡ ನಟನಾಗಿ ಉಳಿದಿಲ್ಲ, ಇನ್ಮುಂದೆ ಸಣ್ಣ ಸಿನಿಮಾಗಳಲ್ಲೂ ನಟಿಸಲ್ಲ’
ಅವನು ನನ್ನವ, ಮದ್ವೆಯಾಗ್ದೇ ಇಲ್ಲಿಂದ ಕದಲಲ್ಲ: ಖ್ಯಾತ ನಟನ ಮನೆ ಮುಂದೆ ಮಧ್ಯರಾತ್ರಿ ನಟಿಯ ಧರಣಿ!