ನವದೆಹಲಿ: ಇತ್ತೀಚೆಗಷ್ಟೇ ಭಾರತದಿಂದ ಆಸ್ಕರ್ಗೆ ಆಯ್ಕೆಯಾಗಿರುವ ಗುಜರಾತಿ ಸಿನಿಮಾ ‘ಛೆಲ್ಲೋ ಶೋ’ದಲ್ಲಿ ಬಾಲನಟನಾಗಿ ನಟಿಸಿರುವ ರಾಹುಲ್ ಕೊಲಿ (10) ಅಕಾಲಿಕ ಮರಣ ಹೊಂದಿದ್ದಾರೆ.
ಕಳೆದ ನಾಲ್ಕು ತಿಂಗಳಿಂದ ಲುಕೆಮಿಯಾದಿಂದ ಬಳಲುತ್ತಿದ್ದ ರಾಹುಲ್, ಚಿಕಿತ್ಸೆ ಫಲಿಸದೇ ನಿನ್ನೆ (ಅ.11) ಕೊನೆಯುಸಿರೆಳೆದಿದ್ದಾರೆ. ಛೆಲ್ಲೋ ಶೋ ಮೂಲಕ ರಾಹುಲ್ ಗುಜರಾತಿ ಸಿನಿಮಾ ಇಂಡಸ್ಟ್ರಿಗೆ ಕಾಲಿಟ್ಟಿದ್ದ. ಈ ಸಿನಿಮಾ 2023ರ ಆಸ್ಕರ್ಗೆ ಆಯ್ಕೆಯಾಗಿದೆ. ಇಂಗ್ಲಿಷ್ನಲ್ಲಿ ಈ ಚಿತ್ರದ ಶೀರ್ಷಿಕೆ, ‘ಲಾಸ್ಟ್ ಫಿಲ್ಮ್ ಶೋ’.
ಫಿಲ್ಮ್ ಫೆಡರೇಷನ್ ಆಫ್ ಇಂಡಿಯಾ 2023ರ ಆಸ್ಕರ್ಗೆ ಭಾರತದಿಂದ ಗುಜರಾತಿ ಸಿನಿಮಾ ಚೆಲ್ಲೋ ಶೋ ಆಯ್ಕೆ ಆಗಿದೆ ಎಂಬುದಾಗಿ ಸೆ.20ರಂದು ಘೋಷಿಸಿದೆ. 95ನೇ ಅಕಾಡೆಮಿ ಅವಾರ್ಡ್ಸ್ನ ಬೆಸ್ಟ್ ಇಂಟರ್ನ್ಯಾಷನಲ್ ಫೀಚರ್ ಫಿಲ್ಮ್ ಕೆಟಗರಿಯಲ್ಲಿ ಈ ಸಿನಿಮಾ ಪ್ರದರ್ಶನಗೊಳ್ಳಲಿದೆ.
ಪಾನ್ ನಳಿನ್ ನಿರ್ದೇಶಿಸಿರುವ ಈ ಸಿನಿಮಾದಲ್ಲಿ ಭವಿನ್ ರಬರಿ, ಭವೇಶ್ ಶ್ರಿಮಲಿ, ರಿಚಾ ಮೀನಾ, ದೀಪೆನ್ ರಾವಲ್, ಪರೇಶ್ ಮೆಹ್ತ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ. ರಾಯ್ ಕಪೂರ್ ಫಿಲ್ಸ್ಮ್ ಮತ್ತು ಆರೆಂಜ್ ಸ್ಟುಡಿಯೊದಿಂದ ನಿರ್ಮಾಣಗೊಂಡಿರುವ ಈ ಸಿನಿಮಾ ಅ. 14ರಂದು ತೆರೆ ಕಾಣಲಿದೆ. (ಏಜೆನ್ಸೀಸ್)
ಒಂದೇ ವೇದಿಕೆಯಲ್ಲಿ ರಮ್ಯಾ-ರಚಿತಾ; ಹೆಡ್ ಬುಷ್ ಪ್ರಿ-ರಿಲೀಸ್ನಲ್ಲಿ ಸ್ಟಾರ್ ನಟಿಯರು
ಅನಗತ್ಯ ಅಧಿಕಾರಿಗಳಿಗೆ ಕೊಕ್: 2 ಸಾವಿರ ಹುದ್ದೆಗಳು ರದ್ದು; ಸಂಪುಟ ಉಪಸಮಿತಿ ಶಿಫಾರಸು