ನವದೆಹಲಿ: ಸಾಮಾಜಿಕ ಜಾಲತಾಣ ದೈತ್ಯ ಕಂಪನಿಗಳಲ್ಲಿ ಒಂದಾದ ಫೇಸ್ಬುಕ್ ಇನ್ನು ಹೆಚ್ಚು ದಿನ ಫೇಸ್ಬುಕ್ ಆಗಿ ಉಳಿಯುವುದಿಲ್ಲ. ಗುರುವಾರ ನಡೆದ ಕಂಪನಿಯ ಈವೆಂಟ್ನಲ್ಲಿ ಫೇಸ್ಬುಕ್ ಹೆಸರು ಬದಲಾಯಿಸಿದ್ದು, ಇನ್ಮುಂದೆ ಮೆಟಾ (Meta) ಅನ್ನೋ ಹೆಸರಿನಿಂದ ಕರೆಯಲಾಗುತ್ತದೆ. ಕಂಪನಿಯ ಸಿಇಒ ಮಾರ್ಕ್ ಜುಕರ್ಬರ್ಗ್ ಹೊಸ ಹೆಸರನ್ನು ಬಹಿರಂಗಪಡಿಸಿದ್ದಾರೆ.
ಈ ಬಗ್ಗೆ ಮಾತನಾಡಿರುವ ಜುಕರ್ಬರ್ಗ್, ನಮ್ಮದು ಸಂಪರ್ಕ ಸಾಧಿಸಲು ತಂತ್ರಜ್ಞಾನವನ್ನು ನಿರ್ಮಿಸುವ ಕಂಪನಿಯಾಗಿದೆ. ಒಟ್ಟಾಗಿ, ನಾವು ಅಂತಿಮವಾಗಿ ಜನರನ್ನು ನಮ್ಮ ತಂತ್ರಜ್ಞಾನದ ಕೇಂದ್ರದಲ್ಲಿ ಇರಿಸುವುದು ಮತ್ತು ಒಟ್ಟಾಗಿ, ನಾವು ಬೃಹತ್ ಪ್ರಮಾಣದ ಆರ್ಥಿಕತೆಯನ್ನು ಅನ್ಲಾಕ್ ಮಾಡುವುದು ಉದ್ದೇಶವಾಗಿದೆ ಎಂದಿದ್ದಾರೆ.
ಫೇಸ್ಬುಕ್ ಎಂಬ ಹೆಸರು ಇಂದು ಕಂಪನಿಯ ಎಲ್ಲಾ ವಿಭಿನ್ನ ವ್ಯವಹಾರಗಳನ್ನು ಸಂಪೂರ್ಣವಾಗಿ ಒಳಗೊಳ್ಳುವುದಿಲ್ಲ ಮತ್ತು ಅದು ಕೇವಲ ಒಂದು ಉತ್ಪನ್ನಕ್ಕೆ ಮಾತ್ರ ನಿಕಟ ಸಂಬಂಧವನ್ನು ಹೊಂದಿದೆ. ಹೊಸ ಹೆಸರು ಕಂಪನಿಯನ್ನು ಕಾಲಾನಂತರದಲ್ಲಿ ಮೆಟಾವರ್ಸ್ ಕಂಪನಿಯಾಗಿ ಕಾಣಲು ಸಹಾಯ ಮಾಡುತ್ತದೆ ಎಂದು ಜುಕರ್ಬರ್ಗ್ ಹೇಳಿದರು.
ಇನ್ನು ಕಂಪನಿಯ ಮೊಬೈಲ್ ಆ್ಯಪ್ಗಳ ಹೆಸರು ಫೇಸ್ಬುಕ್, ಇನ್ಸ್ಟಾಗ್ರಾಂ, ಮೆಸೆಂಜರ್ ಹಾಗೂ ವಾಟ್ಸ್ಆ್ಯಪ್ ಆಗಿ ಉಳಿಯಲಿದೆ ಎಂದು ಕಂಪನಿ ಹೇಳಿದೆ.
ರೀಬ್ರ್ಯಾಂಡಿಂಗ್ ಎಂಬುದು ಫೇಸ್ಬುಕ್ನ ಒಂದು ಅಂಶವಾಗಿದ್ದು, ಸೋಶಿಯಲ್ ಮೀಡಿಯಾ ಕಂಪನಿ ಎಂಬ ಟ್ಯಾಗ್ನಿಂದ ಹೊರಬರುವ ಉದ್ದೇಶದಿಂದ ಹಾಗೂ ಮೆಟಾವರ್ಸ್ ಸೃಷ್ಟಿಸುವ ಮಾರ್ಕ್ ಜುಕರ್ಬರ್ಗ್ ಪ್ಲಾನ್ ಅನ್ನು ನಿರ್ಮಾಣ ಮಾಡುವುದೇ ಹೆಸರು ಬದಲಾವಣೆಗೆ ಪ್ರಮುಖ ಕಾರಣವಾಗಿದೆ.
ಕಂಪನಿಯ ಈ ನಡೆಯಿಂದ ಕಾರ್ಪೊರೇಟ್ ರಚನೆಯ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ. ಆದರೆ, ಫೇಸ್ಬುಕ್ ತನ್ನ ಆರ್ಥಿಕತೆಯನ್ನು ಹೇಗೆ ವರದಿ ಮಾಡುತ್ತದೆ ಎಂಬುದರ ಮೇಲೆ ಪರಿಣಾಮ ಬೀರುತ್ತದೆ ಎಂದು ಜುಕರ್ಬರ್ಗ್ ಹೇಳಿದ್ದಾರೆ. ಅಲ್ಲದೆ, ಇಂದಿನ ಪ್ರಕಟಣೆಯು ನಾವು ಡೇಟಾವನ್ನು ಹೇಗೆ ಬಳಸುತ್ತೇವೆ ಅಥವಾ ಹಂಚಿಕೊಳ್ಳುತ್ತೇವೆ ಎಂಬುದರ ಮೇಲೆ ಪರಿಣಾಮ ಬೀರುವುದಿಲ್ಲ ಎಂದಿದ್ದಾರೆ.
ಇದೇ ರೀತಿಯಲ್ಲಿ ಗೂಗಲ್ ಕೂಡ ತನ್ನನ್ನು ತಾನೇ ಮರುಬ್ರಾಂಡ್ ಮಾಡಿಕೊಂಡಿತು ಮತ್ತು ಪೋಷಕ ಕಂಪನಿ ಆಲ್ಫಾಬೆಟ್ನ ಅಡಿಯಲ್ಲಿ ಅನೇಕ ಕಂಪನಿಗಳಲ್ಲಿ ಒಂದಾಗಿ ಬ್ರ್ಯಾಂಡ್ ಅನ್ನು ಮರುಸಂಘಟಿಸಿತು. (ಏಜೆನ್ಸೀಸ್)
ಮುಂದಿನ ಮೂರು ವರ್ಷಗಳವರೆಗೆ ಆರ್ಬಿಐ ಗವರ್ನರ್ ಆಗಿ ಶಕ್ತಿಕಾಂತ್ ದಾಸ್ ಮರು ನೇಮಕ
ಇಲ್ಲಿ ಕೆಜಿ ಬಾಳೆಹಣ್ಣಿಗೆ 3,300 ರೂ.!; ಉತ್ತರ ಕೊರಿಯಾದಲ್ಲಿ ಹಣದುಬ್ಬರ ತೀವ್ರ, ಕಡಿಮೆ ಆಹಾರ ತಿನ್ನಿ ಎಂದ ಸರ್ಕಾರ