ಕೋಲ್ಕತ: ಕರೊನಾ ಸಾಂಕ್ರಮಿಕ ಅಂತ್ಯವಾದ ಬಳಿಕ ಪೌರತ್ವ ತಿದ್ದುಪಡಿ ಕಾಯ್ದೆ (ಸಿಎಎ)ಯನ್ನು ಅನುಷ್ಠಾನಕ್ಕೆ ತರಲಾಗುವುದು ಎಂದು ಕೇಂದ್ರ ಗೃಹ ಸಚಿವ ಅಮಿತ್ ಷಾ ಅವರು ಹೇಳಿದರು.
ಮೂರು ದಿನಗಳ ಪಶ್ಚಿಮ ಬಂಗಾಳ ಪ್ರವಾಸದಲ್ಲಿರುವ ಅಮಿತ್ ಷಾ, ಸಿಎಎ ಅನುಷ್ಠಾನಕ್ಕೆ ಬರುವುದಿಲ್ಲ ಎಂದು ತೃಣಮೂಲ ಕಾಂಗ್ರೆಸ್ (ಟಿಎಂಸಿ) ವದಂತಿಯನ್ನು ಹರಡುತ್ತಿದೆ. ಆದರೆ, ಕರೊನಾ ಅಂತ್ಯವಾದ ಬೆನ್ನಲ್ಲೇ ಸಿಎಎ ಅನುಷ್ಠಾನಕ್ಕೆ ಬರಲಿದೆ ಎಂದು ನಾನು ಹೇಳುತ್ತಿದ್ದೇನೆ ಎಂದರು.
ಸಿಎಎ ಎಂಬುದು ವಾಸ್ತವವಾಗಿತ್ತು, ಈಗಲು ವಾಸ್ತವವಾಗಿದೆ ಮತ್ತು ಮುಂದೆಯು ವಾಸ್ತವವಾಗಿಯೇ ಉಳಿಯಲಿದೆ. ಯಾವುದೂ ಬದಲಾವಣೆ ಆಗುವುದಿಲ್ಲ ಎಂದು ಅಮಿತ್ ಷಾ ಹೇಳಿದರು.
ಸಿಎಎ 2019ರ ಡಿಸೆಂಬರ್ನಲ್ಲಿ ಅಂಗೀಕೃತವಾಗಿದೆ. ಪಾಕಿಸ್ತಾನ, ಬಾಂಗ್ಲಾದೇಶ ಮತ್ತು ಅಫ್ಘಾನಿಸ್ತಾನದಲ್ಲಿನ ಮುಸ್ಲಿಮೇತರ ಅಲ್ಪಸಂಖ್ಯಾತರು ಅಂದರೆ, ಹಿಂದು, ಸಿಖ್, ಜೈನ್, ಬೌದ್ಧ, ಪಾರ್ಸಿ ಮತ್ತು ಕ್ರಿಶ್ಚಿಯನ್ನರು ಭಾರತೀಯ ಪೌರತ್ವವನ್ನು ಪಡೆಯಲು ಈ ಕಾಯ್ದೆ ಅನುಮತಿಸುತ್ತದೆ. ಕಾಯ್ದೆ ಅಡಿಯಲ್ಲಿ, 2014ರ ಡಿಸೆಂಬರ್ 31 ರ ಮೊದಲು ಭಾರತಕ್ಕೆ ಬಂದ ಈ ಸಮುದಾಯಗಳ ಜನರನ್ನು ಅಕ್ರಮ ವಲಸಿಗರು ಎಂದು ಪರಿಗಣಿಸಲಾಗುವುದಿಲ್ಲ ಆದರೆ, ಭಾರತೀಯ ಪೌರತ್ವವನ್ನು ಅವರಿಗೆ ನೀಡಲಾಗುತ್ತದೆ.
ಆದರೆ, ಸಿಎಎ ವಿರುದ್ಧ ನಿರ್ಣಯ ಅಂಗೀಕರಿಸಿದ ರಾಜ್ಯಗಳಲ್ಲಿ ಪಶ್ಚಿಮ ಬಂಗಾಳವೂ ಒಂದಾಗಿದೆ. (ಏಜೆನ್ಸೀಸ್)
ಪಿಯು ವಿದ್ಯಾರ್ಥಿನಿಯ ಬದುಕಲ್ಲಿ ಎಂಟ್ರಿ ಕೊಟ್ಟ ನೆರೆಮನೆಯ ಪೊಲೀಸ್ ಪೇದೆ: ಮುಂದಾಗಿದ್ದು ದುರಂತ ಅಂತ್ಯ
ಬಾಹ್ಯಾಕಾಶಕ್ಕೆ ಮಾನವನ ಬೆತ್ತಲೆ ಚಿತ್ರ ಕಳುಹಿಸಲಿದೆ NASA: ಕಾರಣ ಕೇಳಿದ್ರೆ ನಿಮ್ಮ ಹುಬ್ಬೇರುವುದು ಖಂಡಿತ!
ಪ್ರಸಿದ್ಧ GIFನ ನಗುವ ಹುಡುಗಿ, ಖ್ಯಾತ ರಿಯಾಲಿಟಿ ಸ್ಟಾರ್ ಕೈಲಿಯಾ ಪೋಸಿ 16ನೇ ವಯಸ್ಸಿಗೆ ಆತ್ಮಹತ್ಯೆ