ಬೆಂಗಳೂರು: ಕನ್ನಡದ ಅತಿದೊಡ್ಡ ರಿಯಾಲಿಟಿ ಶೋ ಬಿಗ್ಬಾಸ್ ತನ್ನ 8ನೇ ಆವೃತ್ತಿಯನ್ನು ಕರೊನಾ ಲಾಕ್ಡೌನ್ನಿಂದಾಗಿ 75 ದಿನಗಳಿಗೆ ಮೊಟಕುಗೊಳಿಸಿ ವೀಕ್ಷಕರಿಗೆ ಶಾಕ್ ನೀಡಿತ್ತು. ಮತ್ತೆ ಶುರುವಾಗುತ್ತೆ ಎಂಬ ಯಾವ ಸುಳಿವು ಇರಲಿಲ್ಲ. ಇದೀಗ ಕರೊನಾ ಲಾಕ್ಡೌನ್ ಸಡಿಲವಾಗುತ್ತಿದ್ದಂತೆ ಬಿಗ್ಬಾಸ್ ಆರಂಭಕ್ಕೆ ಕ್ಷಣಗಣನೇ ಆರಂಭವಾಗಿದೆ. ಹೌದು. ನಾಳೆಯಿಂದ ಬಿಗ್ಬಾಸ್ ತನ್ನ ಎರಡನೇ ಇನ್ನಿಂಗ್ಸ್ ಆರಂಭಿಸಲಿದೆ.
ಅರ್ಧಕ್ಕೆ ನಿಂತು ಮತ್ತೆ ಪ್ರಾರಂಭವಾದ ಏಕೈಕ ರಿಯಾಲಿಟಿ ಶೋ ಎಂಬ ಹೆಸರಿಗೆ ಬಿಗ್ಬಾಸ್ ಕನ್ನಡ ಪಾತ್ರವಾಗಿದ್ದು, ಇಂಡಿಯನ್ ಟೆಲಿವಿಷನ್ ಇತಿಹಾಸದಲ್ಲಿ ಬಿಗ್ಬಾಸ್ ಹೊಸ ಇತಿಹಾಸ ಬರೆದಿದೆ. ನಾಳೆಯಿಂದ ಶೋ ಏನೋ ಮತ್ತೆ ಆರಂಭವಾಗುತ್ತದೆ. ಆದರೆ, ಎರಡನೇ ಇನ್ನಿಂಗ್ಸ್ ಎಷ್ಟು ದಿನಗಳವರೆಗೆ ನಡೆಯಲಿದೆ ಎಂಬ ಕುತೂಹಲ ಜನರಲ್ಲಿದೆ.
ಈ ಬಗ್ಗೆ ಹೊಸ ಸುದ್ದಿಯೊಂದು ಹರಿದಾಡುತ್ತಿದ್ದು, ಮತ್ತಷ್ಟು ವಾರಗಳ ಕಾಲ ಎರಡನೇ ಇನ್ನಿಂಗ್ಸ್ ವಿಸ್ತರಿಸಲು ಕಲರ್ಸ್ ಕನ್ನಡ ನಿರ್ಧರಿಸಿದೆ ಎಂಬ ಮಾಹಿತಿ ಇದೆ. ಸಾಮಾನ್ಯವಾಗಿ ಬಿಗ್ಬಾಸ್ 100 ದಿನಗಳ ಕಾಲ ನಡೆಯಲಿದೆ. ಈಗಾಗಲೇ 75 ದಿನಗಳ ಕಾಲ ಶೋ ನಡಿದಿದ್ದು, ಇನ್ನು 25 ದಿನಗಳು ಮಾತ್ರ ಉಳಿದಿತ್ತು. ಆದರೆ, ವೀಕ್ಷಕರಿಗೆ ನಿರಾಸೆ ಆಗದಿರಲು 50 ದಿನಗಳ ಕಾಲ ನಡೆಸಲು ತೀರ್ಮಾನಿಸಿದ್ದಾರೆ ಎಂಬ ಮಾಹಿತಿ ಇದೆ.
ಇದಲ್ಲದೆ, ವೀಕ್ಷಕರಿಗೆ ಎರಡನೇ ಇನ್ನಿಂಗ್ಸ್ನಲ್ಲಿ ಕೆಲವು ಸರ್ಪ್ರೈಸ್ಗಳು ಕಾದಿವೆ. ವೈಲ್ಡ್ ಕಾರ್ಡ್ ಎಂಟ್ರಿ ಮೂಲಕ ಮತ್ತಷ್ಟು ಮಂದಿಯನ್ನು ಬಿಗ್ ಮನೆಯೊಳಗೆ ಸೇರಿಸಲು ಚಿಂತನೆ ನಡೆದಿದೆ. ಒಂದು ವೇಳೆ ಇದೆಲ್ಲವೂ ನಿಜವಾದರೆ, ಇನ್ನುಷ್ಟು ದಿನಗಳ ಕಾಲ ಬಿಗ್ಬಾಸ್ ಮನರಂಜನೆಯನ್ನು ಜನರು ಕಣ್ತುಂಬಿಕೊಳ್ಳಬಹುದಾಗಿದೆ. (ಏಜೆನ್ಸೀಸ್)
ಶೌಚಗೃಹಕ್ಕೆ ಹೋದ ಇನ್ಸ್ಪೆಕ್ಟರ್ ಪತ್ನಿ ತುಂಬಾ ಹೊತ್ತು ಬರಲೇ ಇಲ್ಲ: ಬಾಗಿಲು ತೆರೆದ ಪತಿಗೆ ಕಾದಿತ್ತು ಶಾಕ್!
ಯುವತಿಗಾಗಿ ಎರಡು ರಾಜ್ಯಗಳ ಪೊಲೀಸರ ನಡುವೆ ಪೈಪೋಟಿ: ಕೊನೆಗೆ ನ್ಯಾಯಾಲಯದಲ್ಲಿ ಗೆಲುವು ದಕ್ಕಿದ್ದು ಯಾರಿಗೆ?