ನವದೆಹಲಿ: ಫೇಸ್ಬುಕ್ನಲ್ಲಿ ಪರಿಚಯ ಇಲ್ಲದವರ ಸ್ನೇಹ ಮಾಡಿಕೊಳ್ಳುವ ಮುನ್ನ ಹತ್ತು ಬಾರಿ ಯೋಚಿಸಬೇಕು. ಇಲ್ಲವಾದಲ್ಲಿ ಕೆಲವೊಮ್ಮೆ ಎಂಥಾ ದುರ್ಗತಿ ಎದುರಿಸಬೇಕಾಗುತ್ತದೆ ಎಂಬುದಕ್ಕೆ ದೆಹಲಿ ಮಹಿಳೆ ದುರಂತ ಉದಾಹರಣೆಯಾಗಿದ್ದಾಳೆ.
ಫೇಸ್ಬುಕ್ ಫ್ರೆಂಡ್ ನಂಬಿ ಆತನೊಂದಿಗೆ ತೆರಳಿದ ಮಹಿಳೆಯನ್ನು ಬರೋಬ್ಬರಿ 25 ಮಂದಿ ಸೇರಿ ಕಾಡಿನಲ್ಲಿ ಗ್ಯಾಂಗ್ರೇಪ್ ಮಾಡಿರುವ ಘಟನೆ ದೆಹಲಿ ಸಮೀಪದಲ್ಲಿ ಮೇ 3ರಂದು ನಡೆದಿದ್ದು, ಘಟನೆ ನಡೆದ 9 ದಿನಗಳ ಬಳಿಕ ಮಹಿಳೆ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದಾಳೆ.
ಸುಶಿಕ್ಷಿತ ಮಹಿಳೆಯಾಗಿರುವ ಸಂತ್ರಸ್ತೆ ದೆಹಲಿಯ ಪ್ರತಿಷ್ಠಿತ ಮನೆಗಳಲ್ಲಿ ಕೆಲಸ ಮಾಡಿಕೊಂಡಿದ್ದಾಳೆ. ಸುಮಾರು 4 ವರ್ಷಗಳಿಂದ ದೆಹಲಿಯಲ್ಲಿ ವಾಸವಿದ್ದಾಳೆ. ಈ ಮಧ್ಯೆ 23 ವರ್ಷದ ಸಾಗರ ಹೆಸರಿನ ಯುವಕ ಕಳೆದ ಜನವರಿಯಲ್ಲಿ ಆಕೆಗೆ ಫೇಸ್ಬುಕ್ ಮೂಲಕ ಪರಿಚಯವಾಗಿದ್ದಾನೆ. ಅನೇಕ ದಿನಗಳವರೆಗೆ ಫೇಸ್ಬುಕ್ನಲ್ಲಿ ನಡೆದ ಮಾತುಕತೆ ನಂತರ ಫೋನ್ ನಂಬರ್ ವಿನಿಮಯ ಹಂತಕ್ಕೆ ಬಂದಿದೆ.
ಹೀಗೆ ಇಬ್ಬರ ನಡುವೆ ಫೋನ್ನಲ್ಲಿ ಮಾತುಕತೆ ನಡೆಯುತ್ತಿರುವಾಗ ಒಮ್ಮೆ ಸಾಗರ್, ಆಕೆಗೆ ಮದುವೆ ಪ್ರಸ್ತಾಪ ಮುಂದಿಟ್ಟಿದ್ದಾನೆ. ಅಲ್ಲದೆ, ಆಕೆಯನ್ನು ತನ್ನ ಪಾಲಕರಿಗೆ ಪರಿಚಯ ಮಾಡಿಕೊಡುವುದಾಗಿಯೂ ಹೇಳಿದ್ದಾನೆ. ಹಿಂದು-ಮುಂದು ಯೋಚಿಸದೇ ಆತನನ್ನು ಬಲವಾಗಿ ನಂಬಿದ ಸಂತ್ರಸ್ತೆ ತುಂಬಾ ಸಲುಗೆ ಬೆಳಸಿಕೊಂಡಿದ್ದಾಳೆ.
ಪಾಲಕರಿಗೆ ನೇರವಾಗಿ ಪರಿಚಯ ಮಾಡಿಕೊಡುತ್ತೇನೆ ಹೋಡಲ್ ಏರಿಯಾಗಿ ಬಂದುಬಿಡು ಎಂದು ಸಾಗರ್ ಹೇಳಿದ ಮಾತನ್ನು ನಂಬಿ ಮೇ 3ರಂದು ಮಹಿಳೆ ಹೋಡಲ್ ಕಡೆ ಪ್ರಯಾಣ ಬೆಳೆಸಿದ್ದಾಳೆ. ಸಾಗರ್ ಹೇಳಿದ ಸ್ಥಳಕ್ಕೆ ಹೋಗಿದ್ದಾಳೆ. ಬಳಿಕ ಸಾಗರ್ ಆಕೆಯನ್ನು ರಾಮಗಢದ ಕಾಡಿಗೆ ಕರೆದಿಯ್ದಿದ್ದಾನೆ. ಇದೇ ವೇಳೆ ಸಾಗರ್ ಸಹೋದರು ಮತ್ತು ಆತನ ಸ್ನೇಹಿತರು ಕಾಡಿನಲ್ಲಿರುವ ಟ್ಯೂಬ್ ವೆಲ್ನಲ್ಲಿ ಮಧ್ಯ ಸೇವಿಸುತ್ತಿದ್ದರು.
ಆಕೆ ಅವರಿದ್ದ ಸ್ಥಳಕ್ಕೆ ತೆರಳುತ್ತಿದ್ದಂತೆ ಎಲ್ಲರೂ ಸೇರಿ ಆಕೆಯ ಮೇಲೆ ಅತ್ಯಾಚಾರ ಮಾಡಿದ್ದಾರೆ. ಇದಾದ ಮಾರನೇ ದಿನಕ್ಕೆ ಮಹಿಳೆಯನ್ನು ಸ್ಕ್ರ್ಯಾಪ್ ಡೀಲರ್ ಆಕಾಶ್ ಬಳಿ ಕರೆದೊಯ್ದಿದ್ದಾರೆ. ಇದೇ ವೇಳೆ ಐದು ಮಂದಿಯಿಂದ ಮತ್ತೆ ಮಹಿಳೆಯ ಮೇಲೆ ಅತ್ಯಾಚಾರ ನಡೆದಿದೆ. ಪದೇಪದೆ ರೇಪ್ನಿಂದಾಗಿ ಮಹಿಳೆಯ ಆರೋಗ್ಯ ಹದಗೆಡುತ್ತಿದ್ದಂತೆ ಐವರು ಆರೋಪಿಗಳು ಆಕೆಯನ್ನು ಬದರ್ಪುರ್ ಗಡಿ ಬಳಿ ಎಸೆದು ಪರಾರಿಯಾಗಿದ್ದಾರೆ.
ಮೇ 12 ರಂದು ಹಾಸ್ಸನ್ಪುರ್ ಪೊಲೀಸ್ ಠಾಣೆಗೆ ತೆರಳಿದ ಮಹಿಳೆ ಆರೋಪಿಗಳ ವಿರುದ್ಧ ದೂರು ದಾಖಲಿಸಿದ್ದಾಳೆ. ನನಗೆ ಆರೋಗ್ಯ ಸರಿಯಿಲ್ಲದಿದ್ದರಿಂದ ದೂರು ನೀಡಲು ವಿಳಂಬವಾಯಿತು ಎಂದಿದ್ದಾಳೆ. ದೂರಿನ ಆಧಾರದ ಮೇಲೆ ಶುಕ್ರವಾರ ಸಾಗರ್ನನ್ನು ಪೊಲೀಸರು ಬಂಧಿಸಿದ್ದು, ವಿಚಾರಣೆ ಆರಂಭಿಸಿದ್ದಾರೆ. (ಏಜೆನ್ಸೀಸ್)
ತನ್ನೊಂದಿಗೆ ಮಲಗುವಂತೆ ನಟಿಗೆ ಆಹ್ವಾನ ನೀಡಿದ ಪ್ರಾಧ್ಯಾಪಕ: ಜಾಲತಾಣದಲ್ಲಿ ಅಳಲು ತೋಡಿಕೊಂಡ ನಟಿ!
ಎರಡನೇ ವಿವಾಹವಾಗಿದ್ದ ವಿಚ್ಛೇದಿತೆಗೆ ಎಂಜಲು ನೆಕ್ಕುವ ಶಿಕ್ಷೆ! ಮಹಾರಾಷ್ಟ್ರದಲ್ಲಿ ಆಘಾತದ ಘಟನೆ
ಕ್ಷಮೆ ಕೇಳಲಿ ಎಂದ ರೋಹಿಣಿ ಸಿಂಧೂರಿಗೆ ಪ್ರಶ್ನೆಗಳ ಸುರಿಮಳೆಗೈದ ಶಾಸಕ ಸಾರಾ ಮಹೇಶ್!