ನವದೆಹಲಿ: ಅದ್ಭುತ ಧ್ವನಿ ಮತ್ತು ಉತ್ತಮ ನಟನಾ ಕೌಶಲ್ಯದಿಂದ ಭೋಜ್ಪುರಿ ಬ್ಯೂಟಿ ಅಕ್ಷರಾ ಸಿಂಗ್ ಖ್ಯಾತಿ ಗಳಿಸಿದ್ದಾರೆ. ಸಿನಿಮಾದಿಂದಾಚೆಗೆ ಹಿಂದಿಯ ಬಿಗ್ಬಾಸ್ ಒಟಿಟಿಯಲ್ಲಿ ಕಾಣಿಸಿಕೊಂಡಿದ್ದಾರೆ. ಅಲ್ಲದೆ, ಅಕ್ಷರಾ ಅವರ ಹಾಡುಗಳು ಯೂಟ್ಯೂಬ್ನಲ್ಲಿ ಪ್ರಸಿದ್ಧಿ ಪಡೆದಿವೆ. ಇದೀಗ ಬೇರೆ ಕಾರಣಕ್ಕೆ ಅಕ್ಷರಾ ವಿವಾದಕ್ಕೆ ಗುರಿಯಾಗಿದ್ದಾರೆ.
ಅಕ್ಷರಾ ಅವರದ್ದು ಎನ್ನಲಾದ ಎಂಎಂಎಸ್ ವಿಡಿಯೋ ಸೋರಿಕೆಯಾಗಿದೆ. ಈ ವಿಚಾರಕ್ಕೆ ಅವರು ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲ್ಗೆ ಗುರಿಯಾಗಿದ್ದಾರೆ. ಸದ್ಯ ಎಂಎಂಎಸ್ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ವಿಡಿಯೋದಲ್ಲಿ ಮುಖ ಸ್ಪಷ್ಟವಾಗಿಲ್ಲ. ಆದರೆ, ವಿಡಿಯೋದಲ್ಲಿರುವುದು ಅಕ್ಷರಾ ಸಿಂಗ್ ಎಂದು ಅನೇಕರು ವಾದಿಸುತ್ತಿದ್ದಾರೆ. ಆದಾಗ್ಯೂ ಅಕ್ಷರಾ ಅಭಿಮಾನಿಗಳು ನಟಿಯ ಪರವಾಗಿ ನಿಂತಿದ್ದು, ವಿಡಿಯೋದಲ್ಲಿರುವುದು ಅಕ್ಷರಾ ಅವರಲ್ಲ ಎಂದು ಪ್ರತಿವಾದಿಸುತ್ತಿದ್ದಾರೆ.
ಇತ್ತೀಚೆಗೆ ನಡೆದ ಮಾಧ್ಯಮ ಸಂದರ್ಶನದಲ್ಲಿ ಮಾತನಾಡಿದ ಅಕ್ಷರಾ, ಇಂತಹ ವಿಚಾರಗಳ ಬಗ್ಗೆ ನಾನು ತಲೆಕೆಡಿಸಿಕೊಳ್ಳುವುದಿಲ್ಲ. ನಾನು ಈವರೆಗೂ ಎಂಎಂಎಸ್ ವಿಡಿಯೋ ತುಣುಕನ್ನೇ ನೋಡಿಲ್ಲ. ಇದೊಂದು ಕಳಪೆ ವರ್ತನೆಯಾಗಿದ್ದು, ಇದರಿಂದ ನನಗೇನೂ ತೊಂದರೆ ಆಗುವುದಿಲ್ಲ ಎಂದಿದ್ದಾರೆ.
ಇಂತಹ ಕೃತ್ಯಕ್ಕಾಗಿ ನಾನು ಅಳಲು ಹೋಗುವುದಿಲ್ಲ. ಇಂತಹ ಕೃತ್ಯವನ್ನು ಯಾರೇ ಮಾಡಿದರೂ ನಾನು ಆ ಬಗ್ಗೆ ತಲೆಕೆಡಿಸಿಕೊಳ್ಳುವುದಿಲ್ಲ ಎನ್ನುತ್ತಾ ಮಾತು ಮುಗಿಸಿದರು. (ಏಜೆನ್ಸೀಸ್)
ಪ್ರೀತಿಸಿ ಮದ್ವೆಯಾದ ಪತ್ನಿಯನ್ನೇ ಕೊಂದನಾ ಪತಿ? ಆರೋಪ-ಪ್ರತ್ಯಾರೋಪಗಳ ಮಧ್ಯೆ ಅನಾಥವಾದ ಕಂದಮ್ಮ
ತಿರುಪತಿ ತಿಮ್ಮಪ್ಪನ ಸನ್ನಿಧಿಗೆ 1.02 ಕೋಟಿ ರೂಪಾಯಿ ದೇಣಿಗೆ ನೀಡಿದ ಮುಸ್ಲಿಂ ಕುಟುಂಬ!