‘ಮುನ್ನಾಭಾಯಿ ಎಂಬಿಬಿಎಸ್’, ‘ಲಗೇ ರಹೋ ಮುನ್ನಾಭಾಯಿ’ ಸಿನಿಮಾಗಳು ಮಾಡಿದ ಮೋಡಿ ಅಷ್ಟಿಷ್ಟಲ್ಲ. ನಿರ್ದೇಶಕ ರಾಜ್ಕುಮಾರ್ ಹಿರಾನಿ ಕೈ ಚಳಕದಲ್ಲಿ ಮೂಡಿ ಬಂದ ಆ ಎರಡು ಸಿನಿಮಾಗಳು ಪ್ರೇಕ್ಷಕರ ಮನದಲ್ಲಿ ಇಂದಿಗೂ ಮಾಸ್ಟರ್ಪೀಸ್ ಆಗಿ ಉಳಿದಿವೆ. ಸಂಜಯ್ ದತ್ ಮತ್ತು ಅರ್ಷದ್ ವಾರ್ಸಿ ಕಾಂಬಿನೇಷನ್ ನೋಡುಗರಿಂದ ಮೆಚ್ಚುಗೆ ಅಷ್ಟೇ ಅಲ್ಲ ಈ ಜೋಡಿಯ ಮತ್ತಷ್ಟು ಸಿನಿಮಾಗಳು ಬರಲಿ ಎಂದು ಬೇಡಿಕೆ ಇಟ್ಟಿದ್ದು ಇದೆ. ಇದೀಗ ತುಂಬ ವರ್ಷಗಳ ಬಳಿಕ ಈ ಜೋಡಿಯನ್ನು ಒಟ್ಟಿಗೆ ತೆರೆಗೆ ತರುವ ಕೆಲಸ ಬಾಲಿವುಡ್ನಲ್ಲಿ ನಡೆಯುತ್ತಿದೆ.
ಇದನ್ನೂ ಓದಿ: ಸೋಷಿಯಲ್ ಮೀಡಿಯಾದಲ್ಲಿ ‘ಓಂ’ ಹವಾ!
2003ರಲ್ಲಿ ‘ಮುನ್ನಾಭಾಯಿ ಎಂಬಿಬಿಎಸ್’ ತೆರೆಗೆ ಬಂದರೆ, 2006ರಲ್ಲಿ ‘ಲಗೇ ರಹೋ ಮುನ್ನಾಭಾಯಿ’ ಸಿನಿಮಾ ಬಿಡುಗಡೆಯಾಗಿತ್ತು. ಅದಾದ ಮೇಲೆ ‘ಧಮಾಲ್’ ಸೇರಿ ಕೆಲ ಸಿನಿಮಾದಲ್ಲಿ ಕಾಣಿಸಿಕೊಂಡರೂ ಪೂರ್ಣ ಪ್ರಮಾಣದಲ್ಲಿ ಸಂಜಯ್ ದತ್ ಮತ್ತು ಅರ್ಷದ್ ಒಟ್ಟಿಗೆ ಬೇರೆ ಸಿನಿಮಾದಲ್ಲಿ ಜತೆಯಾಗಲಿಲ್ಲ. ಆ ಕೊರತೆಯನ್ನು ನೀಗಿಸುವ ಉದ್ದೇಶದಿಂದಲೇ ನಿರ್ಮಾಪಕ ಸಂದೀಪ್ ಸಿಂಗ್ ಕಾಮಿಡಿ ಶೈಲಿಯ ಸಿನಿಮಾ ನಿರ್ಮಾಣಕ್ಕೆ ಮುಂದಾಗಿದ್ದಾರೆ.
ಇದನ್ನೂ ಓದಿ: ಕೆಜಿಎಫ್ ಹಾಡುಗಳ ಕೆಲಸ ಶುರು
ಕಳೆದ ವರ್ಷವೇ ಈ ಸಿನಿಮಾ ಬಗ್ಗೆ ಒಂದಷ್ಟು ಮಾಹಿತಿ ಹೊರಬಿದ್ದಿತ್ತಾದರೂ, ಯಾವುದೂ ಅಧಿಕೃತವಾಗಿರಲಿಲ್ಲ. ಸಂಜಯ್ ದತ್ ಡಾನ್ ಪಾತ್ರ ನಿಭಾಯಿಸಲಿದ್ದು, ಆ ಚಿತ್ರದಲ್ಲಿ ಕುರುಡನಾಗಿ ಅವರು ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿತ್ತು. ಆ ಕಣ್ಣು ಕಾಣದ ಡಾನ್ಗೆ ಕಣ್ಣಾಗಿ, ಸ್ನೇಹಿತನಾಗಿ ಅರ್ಷದ್ ವಾರ್ಸಿ ಇರಲಿದ್ದಾರೆ ಎಂಬ ಸುದ್ದಿ ಹರಿದಾಡಿತ್ತು. ಇದೀಗ ಆ ಸಿನಿಮಾ ಕೆಲಸಗಳಿಗೆ ನಿರ್ಮಾಪಕರು ಚಾಲನೆ ನೀಡಿದ್ದು, ಸ್ಕ್ರಿಪ್ಟಿಂಗ್ ಸಹ ನಡೆಯುತ್ತಿದೆ. ಶೀಘ್ರದಲ್ಲಿ ನಿರ್ದೇಶಕ ಮತ್ತು ಇನ್ನುಳಿದ ತಾರಾಗಣದ ಬಗ್ಗೆ ಅಧಿಕೃತ ಮಾಹಿತಿ ನೀಡಲಿದ್ದಾರಂತೆ ನಿರ್ಮಾಪಕರು. (ಏಜೆನ್ಸೀಸ್)
ಪೊಲೀಸರ ಜತೆಗೆ ಪೈಲ್ವಾನ್ ಮತ್ತು ಬುದ್ಧಿವಂತ … ಕರೊನಾ ಬಗ್ಗೆ ಜಾಗೃತಿ ಮೂಡಿಸಲು ಹೊಸ ಹೆಜ್ಜೆ