ಸಿನಿಮಾ ಸೆಲೆಬ್ರಿಟಿಗಳು ಸೋಷಿಯಲ್ ಮೀಡಿಯಾದಲ್ಲಿ ಟ್ರೋಲ್ಗೆ ಆಹಾರವಾಗುತ್ತಿರುತ್ತಾರೆ. ಅದ್ಯಾವ ಮಟ್ಟಿಗೆ ಅಂದರೆ, ಒಂದಷ್ಟು ಮಂದಿ ಟ್ರೋಲ್ಗೆ ಬೇಸತ್ತು ಮತ್ತೆ ಜಾಲತಾಣಕ್ಕೆ ಬರುವುದೇ ಬೇಡ ಎಂದು ನಿರ್ಧರಿಸಿದ್ದೂ ಉಂಟು! ಆದರೆ, ಪ್ರಿಯಾಂಕಾ ಚೋಪ್ರಾ ಮಾತ್ರ ಅದೆಲ್ಲದಕ್ಕಿಂತ ವಿಭಿನ್ನ. ಟ್ರೋಲ್ ಆದರೂ, ನಗುಮೊಗದಲ್ಲೇ ಅದನ್ನು ಸ್ವೀಕರಿಸಿದ್ದಾರೆ.
ಹೌದು, ಬಾಂಬ್ ರೀತಿಯಲ್ಲಿ ಬಟ್ಟೆ ಸುತ್ತಿಕೊಂಡು ನಿಂತಿರುವ ಫೋಟೋದಲ್ಲಿ ಇರುವವರು ನಟಿ ಪ್ರಿಯಾಂಕಾ ಚೋಪ್ರಾ. ಈ ಉಡುಪು ನೋಡಿದ ತಕ್ಷಣ ಕುತೂಹಲ ಮೂಡದೇ ಇರದು. ಆ ಕುತೂಹಲವನ್ನೇ ಟ್ರೋಲಿಗರು ಬಗೆಬಗೆ ರೀತಿಯಲ್ಲಿ ಬಿಂಬಿಸಿ ಟ್ರೆಂಡ್ ಮಾಡುತ್ತಿದ್ದಾರೆ. ಆ ಟ್ರೋಲ್ಗಳನ್ನು ಟ್ವಿಟರ್ನಲ್ಲಿ ಪ್ರಿಯಾಂಕಾ ಶೇರ್ ಮಾಡಿಕೊಂಡು, ‘ತುಂಬ ಮಜವಾಗಿದೆ. ನನ್ನ ಈ ದಿನವನ್ನು ಪರಿಪೂರ್ಣವಾಗಿಸಿದ್ದಕ್ಕೆ ಎಲ್ಲರಿಗೂ ಧನ್ಯವಾದ’ ಟ್ರೋಲ್ಗೇ ಫಿದಾ ಆಗಿದ್ದಾರೆ. ಇತ್ತೀಚೆಗಷ್ಟೇ ಪ್ರಿಯಾಂಕಾ ಇನ್ಸ್ಟಾಗ್ರಾಂನಲ್ಲಿ ಎರಡು ಫೋಟೋಗಳನ್ನು ಹಂಚಿಕೊಂಡಿದ್ದರು. ಮುಖ ಮತ್ತು ಕಾಲುಗಳೆರಡು ಮಾತ್ರ ಕಾಣುವಂಥ ಹಸಿರು ಬಣ್ಣದ ವಿಚಿತ್ರ ಬಟ್ಟೆ ತೊಟ್ಟಿದ್ದರು. ಆ ಫೋಟೋ ವೈರಲ್ ಆಗುತ್ತಿದ್ದಂತೆ, ಆಟೋ ರಿಕ್ಷಾದ ಹಾರ್ನ್, ಪ್ಯಾರಾಚೂಟ್, ಉಷ್ಟ್ರಪಕ್ಷಿ, ದೀಪಾವಳಿ ಬಾಂಬ್, ಪಫರ್ ಮೀನಿಗೆ ಹೋಲಿಸಿ ತಮಾಷೆ ಮಾಡುತ್ತಿದ್ದಾರೆ. ಅಂದಹಾಗೆ, ಬಟ್ಟೆ ವಿಚಾರದಲ್ಲಿ ಪ್ರಿಯಾಂಕಾ ಈ ಹಿಂದೆಯೂ ಸಾಕಷ್ಟು ಸಲ ಟ್ರೋಲ್ಗೆ ಗುರಿಯಾಗಿದ್ದರು. –ಏಜೆನ್ಸೀಸ್