ವಿವರಣೆಗೆ ಬರುವುದಾದರೆ, ವಿದ್ಯಾರ್ಥಿನಿಯು ಬೋರ್ಡ್ ಪರೀಕ್ಷೆ ಎದುರಿಸಬೇಕಿತ್ತು. ಆದರೆ, ಪರೀಕ್ಷೆಯ ದಿನ ಆಕೆಯ ತಂದೆ ಆತುರದಲ್ಲಿ ತಪ್ಪಾದ ಪರೀಕ್ಷಾ ಕೇಂದ್ರಕ್ಕೆ ಬಿಟ್ಟು ಹೋಗಿದ್ದರು. ಇದಾದ ಬಳಿಕ ವಿದ್ಯಾರ್ಥಿನಿ ತನ್ನ ರೋಲ್ ನಂಬರ್ಗಾಗಿ ಹುಡುಕಾಡಿದ್ದಾಳೆ. ನಾನು ತಪ್ಪಾದ ಪರೀಕ್ಷಾ ಕೇಂದ್ರದಲ್ಲಿದ್ದೇನೆ ಎಂಬುದು ಸಹ ಆ ವಿದ್ಯಾರ್ಥಿನಿಗೆ ಗೊತ್ತಿರಲಿಲ್ಲ. ಎಷ್ಟೇ ಹುಡುಕಾಡಿದರೂ ನಂಬರ್ ಸಿಗದೇ ಅಸಹಾಯಕಳಾಗಿದ್ದ ಆಕೆಯನ್ನು ಹತ್ತಿರದಲ್ಲೇ ಇದ್ದ ಪೊಲೀಸ್ ಅಧಿಕಾರಿ ನೋಡುತ್ತಾರೆ. ಸಮೀಪ ಹೋಗಿ ಪರಿಶೀಲಿಸಿದಾಗ ಆಕೆ ತಪ್ಪಾದ ಪರೀಕ್ಷಾ ಕೇಂದ್ರಕ್ಕೆ ಬಂದಿರುವುದು ತಿಳಿಯುತ್ತದೆ ಮತ್ತು ಆಕೆ ಪರೀಕ್ಷೆಯಿಂದ ವಂಚಿತಳಾಗಬಹುದು ಎಂದು ಭಾವಿಸುತ್ತಾರೆ.
