ಹೈದರಾಬಾದ್: ಕ್ಯಾನ್ಸರ್ನಿಂದ ಬಳಲುತ್ತಿರುವ ಏಳು ವರ್ಷದ ಬಾಲಕ ಪೊಲೀಸ್ ಆಗಬೇಕೆಂಬ ಆಸೆಯನ್ನು ಬಂಜಾರಾ ಹಿಲ್ಸ್ ಪೊಲೀಸರು ಈಡೇರಿಸಿದ್ದಾರೆ.
ಗುಂಟೂರಿನ ಮೋಹನ್ ಸಾಯಿ ಕಳೆದ ಕೆಲವು ದಿನಗಳಿಂದ ಗುದನಾಳದ ಕ್ಯಾನ್ಸರ್ ನಿಂದ ಬಳಲುತ್ತಿದ್ದಾರೆ. ಮೋಹನ್ ಸಾಯಿ ಬ್ರಹ್ಮ ಮತ್ತು ಲಕ್ಷ್ಮಿ ದಂಪತಿ ಎರಡನೇ ಮಗ. ಕ್ಯಾನ್ಸರ್ನಿಂದ ಬಳಲುತ್ತಿರುವ ಮಗನನ್ನು ನೋಡಿ ದಿನವೂ ನೋವು ನುಂಗಿಕೊಂಡು ದಿನ ಕಳೆಯುತ್ತಿದ್ದಾರೆ. ಗುಂಟೂರಿನ ಮೋಹನ್ ಸಾಯಿ ಎಂಬ ಬಾಲಕನಿಗೆ ವರ್ಷದ ಹಿಂದೆ ಕ್ಯಾನ್ಸರ್ ಇರುವುದು ಪತ್ತೆಯಾಗಿತ್ತು. ಹೈದರಾಬಾದ್‌ನ ಬಸವತಾರಕಂ ಕ್ಯಾನ್ಸರ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಮೋಹನ್ ಸಾಯಿಗೆ ಬಾಲ್ಯದಿಂದಲೂ ಪೊಲೀಸ್ ಆಗಬೇಕೆಂಬ ಬಲವಾದ ಆಸೆ ಇತ್ತು. ಆದರೆ ಈ ಕ್ಯಾನ್ಸರ್ ಮಹಾಮಾರಿ ಬಂದ ಮೇಲೆ ಅವರ ಆಸೆ ಆಸೆಯಾಗಿಯೇ ಉಳಿಯುತ್ತದೆ ಎಂದು ಪೋಷಕರು ಭಾವಿಸಿದ್ದರು. ಮಗು ಪೊಲೀಸ್ ಅಧಿಕಾರಿಯಾಗಲು ಬಯಸಿದೆ ಎಂದು ಆಸ್ಪತ್ರೆ ಸಿಬ್ಬಂದಿ ತಿಳಿದುಕೊಂಡು ಮೇಕ್ ಎ ವಿಶ್ ಫೌಂಡೇಶನ್‌ಗೆ ಮಾಹಿತಿ ನೀಡಿದ್ದಾರೆ. ನಂತರ ಸಿಬ್ಬಂದಿ ಬಂಜಾರ ಹಿಲ್ಸ್ ಪೊಲೀಸರನ್ನು ಸಂಪರ್ಕಿಸಿದರು. ಸಿಬ್ಬಂದಿ ಹುಡುಗನನ್ನು ಆತ್ಮೀಯವಾಗಿ ಆಹ್ವಾನಿಸಿ ಪೊಲೀಸ್ ಅಧಿಕಾರಿಯಾಗಿ ಸೀಟಿನಲ್ಲಿ ಕೂರಿಸುವ ಮೂಲಕವಾಗಿ ಬಾಲಕನ ಆಸೆ ನೇರವೇರಿಸಿದ್ದಾರೆ.
ಪೊಲೀಸ್ ಸಮವಸ್ತ್ರ ಧರಿಸಿ ಬಂಜಾರ ಹಿಲ್ಸ್ ಪೊಲೀಸ್ ಠಾಣೆ ಪ್ರವೇಶಿಸುತ್ತಿದ್ದಂತೆಯೇ ಎಲ್ಲರೂ ಮೋಹನ್ ಸಾಯಿಗೆ ಸೆಲ್ಯೂಟ್ ಹೊಡೆದರು. ಅಲ್ಲದೆ, ಅಂತಹ ದೂರುಗಳನ್ನು ಚಿನ್ನಾರಿಗೆ ತರಲಾಯಿತು ಮತ್ತು ಆ ದೂರುಗಳನ್ನು ಚಿನ್ನಾರಿ ಮೋಹನ್ ಸಾಯಿ ಸ್ವೀಕರಿಸಿದರು. ಈ ರೀತಿ ಪೊಲೀಸ್ ಯೂನಿಫಾರಂ ಧರಿಸಿರುವುದಕ್ಕೆ ತುಂಬಾ ಖುಷಿಯಾಗುತ್ತಿದೆ ಎನ್ನುತ್ತಾರೆ.
ಬಂಜಾರ ಹಿಲ್ಸ್ ಡಿಟೆಕ್ಟಿವ್ ಇನ್ಸ್‌ಪೆಕ್ಟರ್ ಜಾಕೀರ್ ಹುಸೇನ್ ಮಗುವಿಗೆ ವಂದಿಸಿದರು. ಆ ಬಳಿಕ ಪೊಲೀಸ್ ಠಾಣೆಯಲ್ಲಿ ಮಗುವಿನ ಕಾರ್ಯವೈಖರಿಯ ಬಗ್ಗೆ ಮಾಹಿತಿ ನೀಡಲಾಯಿತು.. ಬಳಿಕ ಉಡುಗೊರೆಗಳನ್ನು ನೀಡಿದಾಗ ಮಗುವಿನ ಆನಂದಕ್ಕೆ ಮಿತಿಯಿಲ್ಲ. ಮಗನ ಕನಸನ್ನು ನನಸು ಮಾಡಿದ ಆಸ್ಪತ್ರೆ, ಮೇಕ್ ಎ ಡಿಶ್ ಸಿಬ್ಬಂದಿ ಹಾಗೂ ಬಂಜಾರ ಹಿಲ್ಸ್ ಪೊಲೀಸರಿಗೆ ಕೃತಜ್ಞತೆ ಸಲ್ಲಿಸಿದರು.
ಅಯೋಧ್ಯೆ ರಾಮಮಂದಿರ ಗರ್ಭಗುಡಿಯಲ್ಲಿ ಮೊಳಗಲಿದೆ ಬೆಂಗಳೂರಿನಿಂದ ಕಳುಹಿಸಿದ ಘಂಟೆಗಳ ನಾದ