'ರಾಮ್​​​ ಆಯೇಂಗೆ…' ಸ್ವಾತಿ ಮಿಶ್ರಾ ಹಾಡಿದ ರಾಮ ಭಜನೆಯನ್ನು ಹಂಚಿಕೊಂಡ ಪ್ರಧಾನಿ ಮೋದಿ

ನವದೆಹಲಿ: ಜನವರಿ 22 ರಂದು ಅಯೋಧ್ಯೆಯಲ್ಲಿ ರಾಮಮಂದಿರ ಪ್ರಾಣ ಪ್ರತಿಷ್ಠೆಯ ಅದ್ಧೂರಿ ಕಾರ್ಯಕ್ರಮ ನಡೆಯಲಿದೆ. ಅದರ ಸಿದ್ಧತೆಗಳು ಭರದಿಂದ ಸಾಗಿವೆ. ಈ ಸಮಯದಲ್ಲಿ, ರಾಮ ಮಂದಿರದ ಬಗ್ಗೆ ಜನರಲ್ಲಿ ಪ್ರಚಂಡ ಉತ್ಸಾಹವೂ ಕಂಡುಬರುತ್ತಿದೆ. ಪ್ರಧಾನಿ ನರೇಂದ್ರ ಮೋದಿ ಅವರು ರಾಮಮಂದಿರವನ್ನು ಉದ್ಘಾಟಿಸಲಿದ್ದಾರೆ. ಅದಕ್ಕೂ ಮುನ್ನ ಅವರು ಸಾಮಾಜಿಕ ಮಾಧ್ಯಮ ವೇದಿಕೆಯಲ್ಲಿ ಭಜನೆಯನ್ನು ಹಂಚಿಕೊಂಡಿದ್ದು, ಇದು ರಾಮ್ ಲಲ್ಲಾಗೆ ಸ್ವಾಗತಿಸುವ ಭಜನೆ ಎಂದು ಹೇಳಿದರು.

ಈ ಭಜನೆಯ ಯೂಟ್ಯೂಬ್ ಲಿಂಕ್ ಅನ್ನು ಹಂಚಿಕೊಂಡ ಅವರು, "ಶ್ರೀ ರಾಮ್​​​ಲಲ್ಲಾ ಅವರನ್ನು ಸ್ವಾಗತಿಸುವ ಸ್ವಾತಿ ಮಿಶ್ರಾಜಿಯವರ ಈ ಭಕ್ತಿ ಭಜನೆ ಮಂತ್ರಮುಗ್ಧಗೊಳಿಸುತ್ತದೆ..." ಎಂದು ಬರೆದಿದ್ದಾರೆ. ಈ ಭಜನೆಗೂ ಮುನ್ನ ಛಾತಿ ಮೈಯ ಕುರಿತು ಹಾಡಿದ ಹಾಡುಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದವು. ಅವರ ಈ ಭಜನೆ ಕೂಡ ತುಂಬಾ ವೈರಲ್ ಆಗುತ್ತಿದೆ ಮತ್ತು ಅನೇಕ ರೀಲ್ಸ್​​​ ಸಹ ಕಂಡುಬರುತ್ತಿವೆ.
ಸ್ವಾತಿ ಮಿಶ್ರಾ ಸದ್ಯ ಮುಂಬೈನಲ್ಲಿದ್ದು, ಅಲ್ಲಿನ ಸಂಗೀತ ಕ್ಷೇತ್ರದಲ್ಲಿ ತಮ್ಮದೇ ಆದ ಛಾಪು ಮೂಡಿಸುತ್ತಿದ್ದಾರೆ. ಈ ಭಜನೆಯ ಮೊದಲು ಅವರು ಅಷ್ಟೊಂದು ಖ್ಯಾತಿಯನ್ನು ಗಳಿಸದಿದ್ದರೂ, ಅದು ವೈರಲ್ ಆದ ನಂತರ, ಪಿಎಂ ಮೋದಿ ಅವರ ಭಜನೆಯನ್ನು ಹಂಚಿಕೊಂಡ ಮೇಲೆ ದಿನದಿಂದ ದಿನಕ್ಕೆ ಪ್ರಸಿದ್ಧರಾದರು.

ರಾಮಭಜನೆಯನ್ನು ಹಂಚಿಕೊಳ್ಳುವಂತೆ ಮೋದಿ ಮನವಿ 
ರಾಮ ಮಂದಿರದ ಉದ್ಘಾಟನೆಗೆ ಮುನ್ನ, ಪಿಎಂ ಮೋದಿ ಅವರು ಶ್ರೀರಾಮ ಭಜನ್ ಹ್ಯಾಶ್‌ಟ್ಯಾಗ್‌ನೊಂದಿಗೆ ಸಾಮಾಜಿಕ ಮಾಧ್ಯಮದಲ್ಲಿ ಸ್ತೋತ್ರಗಳನ್ನು ಹಂಚಿಕೊಳ್ಳಲು ರಾಮ ಭಕ್ತರಿಗೆ ಮನವಿ ಮಾಡಿದ್ದರು. ಇದಾದ ನಂತರ ಅವರೇ ಈ ಸ್ತೋತ್ರವನ್ನು ಹಂಚಿಕೊಂಡಿದ್ದಾರೆ. ಮನ್ ಕಿ ಬಾತ್ ಕಾರ್ಯಕ್ರಮದಲ್ಲಿ, “ನನ್ನ ಮನಸ್ಸಿನಲ್ಲಿ ಒಂದು ವಿಷಯವಿದೆ, ನಾವೆಲ್ಲರೂ ಒಟ್ಟಾಗಿ ರಾಮನಿಗೆ ಸಂಬಂಧಿಸಿದ ಎಲ್ಲಾ ಸೃಷ್ಟಿಗಳನ್ನು ಸಾಮಾನ್ಯ ಹ್ಯಾಶ್ ಟ್ಯಾಗ್‌ನೊಂದಿಗೆ ಏಕೆ ಹಂಚಿಕೊಳ್ಳಬಾರದು. ಭಜನೆಗಳು, ಪದ್ಯಗಳು, ಗದ್ಯಗಳು ಮತ್ತು ಇತರ ಸಂಯೋಜನೆಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ # SHRIRAMBHAJAN ನೊಂದಿಗೆ ಹಂಚಿಕೊಳ್ಳಲು ನಾನು ನಿಮ್ಮೆಲ್ಲರನ್ನು ವಿನಂತಿಸುತ್ತೇನೆ'' ಎಂದು ತಿಳಿಸಿದ್ದರು. 

https://www.vijayavani.net/https-www-vijayavani-net-adani-group-stocks-climb-up-to-11-after-sc-dismissed-petitions-filed-on-adani-hindenburg