ನವದೆಹಲಿ: ಮೊಬೈಲ್ ಜನಪ್ರಿಯತೆ ಪಡೆದುಕೊಂಡ ಮೇಲೆ ಎಂಥವರೂ ಪ್ರಚಾರಕ್ಕಾಗಿ ರೀಲ್ಸ್ ಮಾಯಾಜಾಲಕ್ಕೆ ಬಿದ್ದಿದ್ದಾರೆ. ಆದರೆ ಕೆಲವರು ನಿರ್ಬಂಧಗಳನ್ನು ನಿರ್ಲಕ್ಷಿಸಿ ರೀಲ್ಸ್ ಮಾಡುತ್ತಿದ್ದಾರೆ. ತಾಜ್ ಮಹಲ್ನಲ್ಲೂ ಇಂತಹದ್ದೇ ಘಟನೆ ನಡೆದಿದೆ. ನಿಷೇಧಿತ ಸ್ಥಳದಲ್ಲಿ ರೀಲ್ ಮಾಡುವಾಗ ಭದ್ರತಾ ಸಿಬ್ಬಂದಿ ಇದನ್ನು ಪ್ರಶ್ನಿಸಿದ್ದಾರೆ. ಆದರೆ ಇದಕ್ಕೆ ಕಿಮ್ಮತ್ತು ನೀಡದ ಯುವತಿಗೆ ಅನಿರೀಕ್ಷಿತ ಆಘಾತ ಎದುರಾಗಿದೆ.
ಇದನ್ನೂ ಓದಿ: ‘ಆದಿತ್ಯ-ಎಲ್1’ ಸೆರೆಹಿಡಿಯಲ್ಲ ಗ್ರಹಣ ಸಂಪೂರ್ಣ ಸೂರ್ಯಗ್ರಹಣ.. ಕಾರಣ ಇದೇ!
ತಾಜ್ ಮಹಲ್ ಸುತ್ತಮುತ್ತಲಿನ ಪ್ರದೇಶದಲ್ಲಿ ವೀಡಿಯೋ, ಫೋಟೋಗಳನ್ನು ತೆಗೆಯಲು ಅನುಮತಿಸುವುದಿಲ್ಲ. ಆದರೆ ಯುವತಿಯೊಬ್ಬಳು ತಾಜ್ ಮಹಲ್ ಮುಂದೆ ನಿಂತು ರೀಲುಗಳನ್ನು ಹೊರತೆಗೆದಿದ್ದಾಳೆ. ಇದಕ್ಕೆ ಸೆಂಟ್ರಲ್ ಇಂಡಸ್ಟ್ರಿಯಲ್ ಸೆಕ್ಯುರಿಟಿ ಫೋರ್ಸ್ (ಸಿಐಎಸ್ಎಫ್) ಸಿಬ್ಬಂದಿ ಆಕೆಯನ್ನು ಗಮನಿಸಿ ರೀಲುಗಳನ್ನು ತೆಗೆಯದಂತೆ ತಿಳಿಹೇಳಿದ್ದಾರೆ. ಆದರೆ ಸಿಬ್ಬಂದಿ ಸೂಚನೆಗೆ ಅಸಹನೆ ವ್ಯಕ್ತಪಡಿಸಿದ ಯುವತಿ ಆತನ ಮೇಲೆ ಹಲ್ಲೆ ನಡೆಸಿದ್ದಾಳೆ.
CISF vs reel makers at Taj Mahal, Agra. pic.twitter.com/dEMHsAQPbw
— Pagan 🚩 (@paganhindu) April 6, 2024
ಇದರಿಂದ ಬೇಸರಗೊಂಡ ಸಿಬ್ಬಂದಿ ಮೊಬೈಲ್ ವಶಪಡಿಸಿಕೊಳ್ಳಲು ಮುಂದಾದಾಗ ಯುವತಿ ಆತನನ್ನು ತಳ್ಳಿದ್ದಾಳೆ. ಆತನೂ ಆಕೆಯನ್ನು ತಳ್ಳಿದ್ದು, ಸ್ವಲ್ಪಮಟ್ಟಿಗೆ ಜಗಳವಾಗಿದೆ. ಆಗ ಆಕೆಯ ಸ್ನೇಹಿತರು ಮಧ್ಯಪ್ರವೇಶಿಸಿ ಸಿಬ್ಬಂದಿ ಮೇಲೆ ಕೈಮಾಡಿದ್ದಾರೆ.
ಕಡೆಗೆ ಅಲ್ಲಿದ್ದವರ ಮಧ್ಯಸ್ಥಿಕೆಯಿಂದ ಸಂಘರ್ಷ ಇತ್ಯರ್ಥವಾಗಿದೆ. ಭದ್ರತಾ ಸಿಬ್ಬಂದಿ ಎಚ್ಚರಿಕೆ ಕಡೆಗಣಿಸಿದ್ದಕ್ಕೆ ಮೊಬೈಲ್ ವಶಪಡಿಸಿಕೊಂಡಿದ್ದಾರೆ. ಯುವತಿ ಕ್ಷಮೆ ಕೇಳಿದ ನಂತರವೇ ಸ್ಥಳದಿಂದ ತೆರಳಲು ಅವಕಾಶ ನೀಡಲಾಗಿದೆ.
ಇದು ಕಡ್ಡಾಯವಲ್ಲ.. ಹಿಂದೂ ವಿವಾಹ ಕುರಿತು ಹೈಕೋರ್ಟ್ ಸಂಚಲನ ತೀರ್ಪು..!