ಪುಣೆ: ಪುಣೆ ನಗರದ ಪೊಲೀಸರು ಮಂಗಳವಾರ ಪಾಕಿಸ್ತಾನ ಮೂಲದ 2015ರಿಂದ ಭಾರತದಲ್ಲಿ ಅಕ್ರಮವಾಗಿ ನೆಲೆಸಿರುವ ವ್ಯಕ್ತಿಯನ್ನು ಬಂಧಿಸಿದ್ದಾರೆ. ಆರೋಪಿಯನ್ನು ಮುಹಮ್ಮದ್ ಅಮನ್ ಅನ್ಸಾರಿ (22) ಎಂದು ಗುರುತಿಸಲಾಗಿದ್ದು ಈತ ಪ್ರಸ್ತುತ ಭವಾನಿ ಪೇಠದಲ್ಲಿ ವಾಸಿಸುತ್ತಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ. ಈತ ನಕಲಿ ದಾಖಲೆಗಳನ್ನು ಸಲ್ಲಿಸಿ ಅದನ್ನು ಪುಣೆಯಿಂದ ದುಬೈಗೆ ಪ್ರಯಾಣಿಸಲು ಬಳಸುತ್ತಿದ್ದ ಎನ್ನಲಾಗಿದೆ.
ಪುಣೆ ನಗರ ಪೊಲೀಸ್ ವಿಶೇಷ ಶಾಖೆಯ ಪಾಕಿಸ್ತಾನಿ ನಿವಾಸಿಗಳ ಪರಿಶೀಲನಾ ಕೋಶದ ಪೊಲೀಸ್ ಪೇದೆ ಕೇದಾರ್ ಜಾಧವ್ ಅವರು ಮಂಗಳವಾರ ಖಡಕ್ ಪೊಲೀಸ್ ಠಾಣೆಯಲ್ಲಿ ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಎಫ್‌ಐಆರ್ ದಾಖಲಿಸಿದ್ದಾರೆ. ಅನ್ಸಾರಿ ವಿರುದ್ಧ ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 420 (ವಂಚನೆ), 468 (ಫೋರ್ಜರಿ), ಮತ್ತು 471 ಮತ್ತು ವಿದೇಶಿಯರ ಕಾಯಿದೆ, 1946 ಮತ್ತು ಪಾಸ್‌ಪೋರ್ಟ್ ಕಾಯ್ದೆಯ ಸೆಕ್ಷನ್‌ಗಳ ಅಡಿಯಲ್ಲಿ ಎಫ್‌ಐಆರ್ ದಾಖಲಿಸಲಾಗಿದೆ.
ಇದನ್ನೂ ಓದಿ: ಕಾಂಗ್ರೆಸ್‌ನಿಂದ ಪಾಕಿಸ್ತಾನದ ತತ್ವ ಸಿದ್ಧಾಂತ: ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಸಿ.ಟಿ.ರವಿ
ಎಫ್‌ಐಆರ್ ಪ್ರಕಾರ, ಮಾರ್ಚ್ 8 ರಂದು, ವಿದೇಶಿ ಪ್ರಜೆಗಳ ಅಕ್ರಮ ಚಟುವಟಿಕೆಗಳ ಮೇಲೆ ತಪಾಸಣೆ ನಡೆಸುತ್ತಿರುವ ಪುಣೆ ನಗರ ಪೊಲೀಸ್‌ನ ವಿದೇಶಿ ನೋಂದಣಿ ಕಚೇರಿ (ಎಫ್‌ಆರ್‌ಒ) ತಂಡವು ಅನ್ಸಾರಿ ಪಾಕಿಸ್ತಾನಿ ಪ್ರಜೆ 2015 ರಿಂದ ಭವಾನಿ ಪೇಠ ಪ್ರದೇಶದಲ್ಲಿ ಚುಡಾಮನ್ ತಾಲಿಮ್ ಬಳಿ ಅಕ್ರಮವಾಗಿ ವಾಸಿಸುತ್ತಿದ್ದಾರೆ ಎಂದು ಕಂಡುಹಿಡಿದಿದೆ.
ಪೊಲೀಸ್ ಮೂಲಗಳ ಪ್ರಕಾರ, ಅನ್ಸಾರಿ ಪಾಕಿಸ್ತಾನದ ತಂದೆ ಮತ್ತು ಪುಣೆಯಲ್ಲಿ ನೆಲೆಸಿರುವ ಭಾರತೀಯ ತಾಯಿಗೆ ಪಾಕಿಸ್ತಾನದಲ್ಲಿ ಜನಿಸಿದರು. ಮದುವೆಯ ನಂತರ ಪಾಕಿಸ್ತಾನಕ್ಕೆ ಆ ಮಹಿಳೆ ಹೋಗಿದ್ದರು. ನಂತರ ಆಕೆ ತನ್ನ ಪತಿಯಿಂದ ಬೇರ್ಪಟ್ಟು ದುಬೈಗೆ ತೆರಳಿದ್ದಾಳೆ ಎಂದು ಮೂಲಗಳು ತಿಳಿಸಿವೆ.
ಇದನ್ನೂ ಓದಿ: ಪಾಕಿಸ್ತಾನದ ಮಹಿಳೆಗೆ ರಹಸ್ಯ ಮಾಹಿತಿ ನೀಡಿದ್ದ DRDO ಅಧಿಕಾರಿ ಅಂದರ್
2015 ರಲ್ಲಿ ಅನ್ಸಾರಿಯನ್ನು ಪುಣೆಗೆ ಕರೆತರಲಾಗಿತ್ತು, ಅಲ್ಲಿ ಅವರು ತಮ್ಮ ಸಂಬಂಧಿಕರೊಂದಿಗೆ ವಾಸಿಸುತ್ತಿದ್ದರು ಎಂದು ಮೂಲಗಳು ತಿಳಿಸಿವೆ. ಅವರು ಪುಣೆಯಲ್ಲಿ ಅಧ್ಯಯನ ಮಾಡಿದರು ಮತ್ತು ನಕಲಿ ಭಾರತೀಯ ದಾಖಲೆಗಳನ್ನು ಸಂಗ್ರಹಿಸಿದರು, ಅದನ್ನು ಬಳಸಿಕೊಂಡು ಅವರು ಭಾರತೀಯ ಪಾಸ್‌ಪೋರ್ಟ್ ಪಡೆಯುವಲ್ಲಿ ಯಶಸ್ವಿಯಾಗಿದ್ದರು. ಸದ್ಯ ಈತ ಪುಣೆಯ ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ. (ಏಜೆನ್ಸೀಸ್)