ಕರಾಚಿ: ಲಾಕ್‌ಡೌನ್ ಸಮಯದಲ್ಲಿ ಕ್ರಿಕೆಟಿಗರು ವೃತ್ತಿಜೀವನದ ಹಲವು ರೋಚಕ ಕ್ಷಣಗಳನ್ನು ಮೆಲುಕು ಹಾಕುತ್ತಿದ್ದರೆ, ಪಾಕಿಸ್ತಾನದ ಮಾಜಿ ಆಟಗಾರರೊಬ್ಬರು ಸ್ಫೋಟಕ ಸತ್ಯವೊಂದನ್ನು ಬಹಿರಂಗಪಡಿಸಿದ್ದಾರೆ. ಅದೇನೆಂದರೆ, 1983ರಲ್ಲಿ ಪಾಕಿಸ್ತಾನ ಹಾಕಿ ತಂಡದ ಆಟಗಾರರು ಅಮೂಲ್ಯ ವಸ್ತುಗಳನ್ನು ಸ್ಮಗ್ಲಿಂಗ್ ಮಾಡುತ್ತಿದ್ದರು ಎಂದು!
ಇದನ್ನೂ ಓದಿ: VIDEO: ಅಣ್ಣಾವ್ರ ಹಾಡಿಗೆ ಅಪ್ಪನೊಂದಿಗೆ ಹೆಜ್ಜೆಹಾಕಿದ ಕ್ರಿಕೆಟರ್ ವೇದಾಕೃಷ್ಣಮೂರ್ತಿ
ಪಾಕಿಸ್ತಾನ ಹಾಕಿ ತಂಡದ ಮಾಜಿ ನಾಯಕ ಹನೀಫ್ ಖಾನ್, ತಮ್ಮ ಮಾಜಿ ಸಹ-ಆಟಗಾರರ ಮೇಲೆ ಇಂಥದ್ದೊಂದು ಆರೋಪವನ್ನು ಮಾಡಿದ್ದಾರೆ. 1983ರಲ್ಲಿ ಹಾಂಕಾಂಗ್ ಪ್ರವಾಸದಿಂದ ಮರಳುವ ವೇಳೆ ತಮ್ಮ ನಾಯಕತ್ವದ ತಂಡದ ಆಟಗಾರರು ಸ್ಮಗ್ಲಿಂಗ್ ಮಾಡಿದ್ದರೆಂದು ಅವರು ಹೇಳಿದ್ದಾರೆ. ತಂಡದ ಕೆಲ ಅಧಿಕಾರಿಗಳೂ ಇದರಲ್ಲಿ ಭಾಗಿಯಾಗಿದ್ದರು ಎಂದಿದ್ದಾರೆ.
ಇದನ್ನೂ ಓದಿ: ಮನೆಯಲ್ಲಿ ಕ್ರೀಡೆ ಬಗ್ಗೆ ಮಾತನಾಡಲ್ವಂತೆ ಕಾರ್ತಿಕ್-ದೀಪಿಕಾ ದಂಪತಿ!
‘1983ರಲ್ಲಿ ಹಾಂಕಾಂಗ್‌ನಲ್ಲಿ ಅಂತಾರಾಷ್ಟ್ರೀಯ ಟೂರ್ನಿಯೊಂದನ್ನು ಆಡಿ ನಾವು ತವರಿಗೆ ಮರಳುವಾಗ ತಂಡದ ಕೆಲ ಆಟಗಾರರು ಕಾರಿನ ಬಿಡಿಭಾಗಗಳು, ವಿಸಿಆರ್‌ಗಳು, ಗ್ಲಾಸ್ ಫ್ರೇಮ್‌ಗಳನ್ನು ಕಳ್ಳಸಾಗಣೆ ಮಾಡಿದ್ದರು. ಆ ದಿನಗಳಲ್ಲಿ ಅವುಗಳಿಗೆ ನಿಷೇಧವಿತ್ತು. ಆದರೆ ಆಟಗಾರರು ತಮ್ಮ ಲಗೇಜುಗಳಲ್ಲಿ ಅವುಗಳನ್ನು ತಂದಿದ್ದರು. ಆ ಕಳ್ಳಸಾಗಣೆಯ ವಸ್ತುಗಳ ಮೌಲ್ಯ ಸುಮಾರು 15 ದಶಲಕ್ಷ ರೂಪಾಯಿ ಇರಬಹುದು. ಬಳಿಕ ಕಸ್ಟಮ್ಸ್ ಅಧಿಕಾರಿಗಳಿಂದ ತನಿಖೆ ನಡೆದಾಗ ತಂಡದ ಕೆಲ ಆಟಗಾರರು ಮತ್ತು ಅಧಿಕಾರಿಗಳು ಸ್ಮಗ್ಲಿಂಗ್ ರಾಕೆಟ್‌ನಲ್ಲಿ ಒಳಗೊಂಡಿದ್ದು ಪತ್ತೆಯಾಗಿತ್ತು. ಬಳಿಕ ಈ ಪ್ರಕರಣವನ್ನು ಮುಚ್ಚಿಹಾಕಲಾಗಿತ್ತು’ ಎಂದು 61 ವರ್ಷದ ಹನೀಫ್ ಖಾನ್ ಜಿಯೋ ಟಿವಿ ಜತೆ ಮಾತನಾಡುತ್ತ ವಿವರಿಸಿದ್ದಾರೆ.
ಇದನ್ನೂ ಓದಿ: ವಿದೇಶಿ ಕ್ರಿಕೆಟಿಗರಿಲ್ಲದ ಐಪಿಎಲ್‌ಗೆ ಕಿಂಗ್ಸ್ ಇಲೆವೆನ್‌ನಿಂದಲೂ ವಿರೋಧ
1984ರ ಲಾಸ್ ಏಂಜಲಿಸ್ ಒಲಿಂಪಿಕ್ಸ್‌ನಲ್ಲಿ ಸ್ವರ್ಣ ಪದಕ ಜಯಿಸಿದ್ದ ಪಾಕಿಸ್ತಾನ ತಂಡದ ಆಟಗಾರರಾಗಿರುವ ಹನೀಫ್ ಖಾನ್, ಪಾಕ್ ಹಾಕಿ ತಂಡಕ್ಕೆ ಕೋಚ್ ಮತ್ತು ಮ್ಯಾನೇಜರ್ ಕೂಡ ಆಗಿದ್ದರು.